Croeso i Ddiogelwch Ffyrdd Cymru
13/05/2013
Mae Gwasanaeth Tân ac Achub Canolbarth a Gorllewin Cymru a Thîm Diogelwch Ffyrdd Cyngor Sir Ceredigion yn uno i wirio seddau ceir plant, fel rhan o Ymgyrch Diogelwch yn y Car 2013.
Mae gwiriadau yn y gorffennol yng Ngheredigion wedi dangos fod 8 o bob 10 o seddau ceir wedi eu gosod yn anghywir – felly, rhowch ychydig funudau o’ch amser cyn mynd i siopa i gael sedd car eich plentyn wedi’i gwirio gan bersonél cymwys am ddim, os gwelwch yn dda.
Ymwelwch â’n timau yn un o’r lleoliadau canlynol:
20/05/2013 Tesco, Aberteifi, 10yb – 3yh
21/05/2013 Sainsbury’s, Llanbedr Pont Steffan, 10yb – 3yh
22/05/2012 Morrisons, Aberystwyth, 10yb – 3yh
23/05/2013 Matalan, Aberystwyth, 10yb – 3yh
Dywedodd Swyddog Diogelwch Ffyrdd Ceredigion, Terry Jones: "Nod cyffredinol y cynllun hwn yw creu ymwybyddiaeth ymhlith rhieni o sut y dylid gosod seddau ceir eu plant, a lleihau nifer yr anafiadau difrifol a’r marwolaethau ar ein ffyrdd yn y pen draw. Buaswn yn annog pawb i fanteisio ar y cyfle i alw yn unrhyw un o’r lleoliadau uchod i gael aelod o bersonél cymwys i wirio seddau yn rhad ac am ddim.”
Dywedodd Mrs Catrin Davies o Landysul, a gafodd ei sedd car wedi’i gwirio yn ystod y rownd ddiwethaf o wiriadau: “Cefais arswyd fy mod i wedi bod yn teithio gyda fy merch 3 oed yn y car mewn sedd nad oedd wedi’i ffitio’n gywir. Rwy’n hynod ddiolchgar i’r staff am osod y sedd yn gywir i mi.”
Oeddech chi’n gwybod…
¦Mae’n RHAID i blant dan 3 oed i ddefnyddio sedd ddiogelwch i blant sy’n addas ar gyfer eu pwysau yn unrhyw gerbyd (yn cynnwys faniau a cherbydau nwyddau eraill).
¦NI DDYLID defnyddio seddau babanod sy’n wynebu’r cefn mewn sedd flaen a ddiogelir gan fag aer, oni bai fod y bag aer wedi cael ei ddadactifadu â llaw neu’n awtomatig.
¦Mewn cerbydau ble mae gwregysau diogelwch yn bresennol, mae’n RHAID i blant dan 3 oed, hyd at 135cm o uchder (tua 4 troedfedd 5 modfedd), i ddefnyddio’r sedd ddiogelwch i blant priodol.
Mae tri eithriad yn caniatáu i blant i deithio yn y cefn a defnyddio gwregys diogelwch oedolyn:
¦Mewn tacsi, os nad oes sedd ddiogelwch i blant ar gael
¦Am bellter byr pan fod yn rhaid teithio yn annisgwyl, os nad oes sedd ddiogelwch i blant ar gael
¦Ble bod dwy sedd i blant yn y cefn yn eich rhwystro rhag gosod trydedd sedd i blentyn.
Os oes gennych unrhyw gwestiynau mewn perthynas â Diogelwch yn y Car neu’r gyfraith newydd ar seddau ceir plant, yna dewch i un o’n hymgyrchoedd / cynlluniau ni, neu ffoniwch y Tîm Diogelwch Ffyrdd ar 01545 572 409
4/5/13
Dathlwyd pen blwydd y gwasanaeth Croeswyr Plant Ysgol yn 60 oed fis Ebrill eleni.
I goffau’r achlysur ac i amlygu'r pwysigrwydd o groesi gyda Chroeswr/wraig Plant Ysgol bu i Ddiogelwch Ffyrdd Cymru wahodd disgyblion ysgolion cynradd Cymru i gymryd rhan mewn cystadleuaeth dylunio poster.
Roedd gwobr ar gael i un enillydd ymhob ardal Consortia Trafnidiaeth Rhanbarthol rhodd gan gwmni Bristol Oilskins Ltd
Enillydd ardal TAITH oedd Ffion Haf Jones disgybl yn Ysgol Bethel, Caernarfon, Gwynedd.
yng Sion Jones, Paula Owen Swyddog Diogelwch Ffyrdd, Ffion Haf Jones, Malcolm Fox Bristol Oilskins Ltd
12/4/13Cynhaliwydbron i 700 o brofiongolwgochrfforddganyrHeddlufelrhan o ymgyrch i godiymwybyddiaeth am y peryglon o yrru â golwgdiffygiol.
Ddoe (dydd MawrthEbrill)cynhalioddUnedPlismona’rFfyrddHeddluGogleddCymrubrofionochrfforddmewndauleoliad – Llandudno a Phorthaethwy, a hynnyermwyntynnusylw at bwysigrwyddgolwg da. Cafoddcyfanswm o 680 o gerbydaueustopio a cafoddpedwaro’rgyrwyrhynnyddiddymueutrwyddedaugyrruarunwaitharôlcaeleucyfeirio at y DVLA.
Meddai’rRhingyllDrosdro Mark Jones, aoeddynarwainyrymgyrchar y diwrnod: “YmayngNgogleddCymru, maeynagynnyddgraddolynnifer y gyrwyr, ynenwediggyrwyrhyn, sy’nrhan o wrthdrawiadau. Bydd y gwrthdrawiadauhynfelarferyndigwyddgercyffyrddacuno’rprifresymau am y gwrthdrawiadauywgolwgdiffygiol.
“Mae cyfrifoldebar bob gyrrwr i wneudynsiwreu bod ynffit i yrrupobtro y byddantynmyndi’r car ac maehynny’ngolygusicrhaueu bod yncyrraeddisafswm y gofyniongolwg.” Ychwanegodd: “Ein nod gyda’rymgyrchoeddhynywcodiymwybyddiaeth y cyhoedd am bwysigrwyddsafondda o olwgwrthyrru.”
Felrhano’rymgyrch, gofynnwyd i yrwyrstopio a darllenrhifcofrestru car aoeddwedi’ibarcio 20 metr i ffwrdd – sef y safoncyfreithiol a osodirgan y DVLA.
Bellach, maeganswyddogiondeclynnausymudol i riportiogyrwyrsy’ntroseddu, sy’ngolygu y gellirdiddymutrwyddedyrruunigolynaryr un diwrnodag y byddantyncaeleu dal drwyanfonneges e-bostsydyni’r DVLA.
Yn y gorffennol, roeddynrhaidi’rHeddluanfonffacsermwyngwneudcais am ddiddymutrwydded, rhywbethaallaigymrydnifer o ddiwrnodau.
Daw’rnewidiadauhyn, a ddaeth i rymymmisChwefror, yndilynymgyrch i dynnusylw at y mater arôl i Cassie McCord, 16 oed o Colchester yn Essex gaeleilladdganyrrwr 87 oedyn 2011.
Roeddwedigwrthodrhoi’rgoraui’wdrwyddederiddofethuprawfgolwgdridiwrnodynghynt.
Ychwanegodd y RhingyllDrosdro Mark Jones: “Ar y cyfanroeddymateb y cyhoeddynddaiawn ac roeddpoblyngefnogoliawno’rymgyrch. Byddwnyncynnalymgyrchoeddtebygyn y dyfodolagos.”
Nodiadau
• Mae mwy o wybodaeth am reolaugolwg a gyrruargaeldrwywefan go.uk sefwww.gov.uk/driving-eyesight-rules
• Mae gwybodaeth am y newidiadaui’rgyfraithargaelarWefanyrAdranDrafnidiaethsef
http://www.dft.gov.uk/dvla/pressoffice/pressreleases/07022013.aspx
8/4/13
“Mae ein bywydau wedi’u difetha’n llwyr” – geiriau mam a gollodd ei mab mewn gwrthdrawiad angheuol ar Ynys Môn nôl yn 2011.
Bu farw Carl Wynne Hughes, neu Carl Felin fel yr oedd yn cael ei adnabod gan ei ffrindiau, yn dilyn gwrthdrawiad yn ystod oriau mân y bore ar y 26ain o Fawrth 2011 ar yr A5 yn Star ger Gaerwen.
Roedd Carl, a oedd yn 22 oed, yn gyrru BMW lliw arian gyda thri pherson arall yn y car pan gollodd reolaeth a tharo wal.
Roedd profion yn dangos ei fod wedi cymryd cyffuriau, wedi bod yn yfed alcohol ac nad oedd yn gwisgo gwregys diogelwch.
“Mae hyn wedi effeithio’n ddirfawr arnom fel teulu. Mae wedi dinistrio ein bywydau a fydd pethau byth yr un fath eto,” meddai ei fam, Susan Hughes, sydd, ynghyd â phartner Carl, Eleri Thomas, yn helpu Heddlu Gogledd Cymru i hybu Ymgyrch Sodium, sef ymgyrch wedi'i anelu at daclo yfed a gyrru a gyrru dan ddylanwad cyffuriau ymysg pobl ifanc.
“Na’i byth anghofio’r noson pan glywson ni beth oedd wedi digwydd. All geiriau ddim disgrifio sut rydym yn teimlo am farwolaeth Carl. Rydym yn cefnogi’r ymgyrch yma gan nad ydym eisiau i deulu arall ddioddef fel yr ydan ni wedi'i wneud.”
Mae gan Eleri a Carl fab, a oedd yn fychan iawn pan fu farw Carl. Meddai hi: “Mae Gethin yn rhy ifanc i ddeall yn llawn be ddigwyddodd ond pan fydd o’n hyn mi wnawn ni ddweud wrtho fo pa mor garedig oedd Carl.”
Fe lansiwyd Ymgyrch Sodium yn ystod yr haf y llynedd. Dros chwe mis ar ôl y lansiad mae Heddlu Gogledd Cymru yn parhau yn ei ymdrechion i daclo yfed a gyrru a gyrru dan ddylanwad cyffuriau ymysg pobl ifanc rhwng 17 a 25-oed.
Meddai Prif Arolygydd Darren Wareing o Heddlu Gogledd Cymru: “Gyda’r ymgyrch mae swyddogion yr Uned Plismona’r Ffyrdd a swyddogion y Gwasanaethau Plismona Lleol yn gwirio ac yn stopio cerbydau drwy ddefnyddio dulliau plismona agored a chudd, a lle mae’n briodol yn rhoi prawf anadl a chynnal profion amhariad maes.
“Cafodd yr ymgyrch ei lansio mewn ymateb i'r nifer cynyddol o bobl sy'n cael eu lladd ar ffyrdd gwledig yng Ngogledd Cymru.”
Mae ystadegau diweddar yn dangos y cafodd 287 o bobl eu harestio ar amheuaeth o yrru o dan ddylanwad alcohol rhwng *Awst 2012 a Chwefror 2013. Yn ystod yr un cyfnod cafodd 5,041 o brofion anadl negyddol eu gwneud.
“Mae’n arswydus meddwl fod bron i 300 o yrwyr wedi cael eu harestio hyd yn hyn yn ystod yr ymgyrch am fod dros y terfyn cyfreithiol. Mae hyn yn annerbyniol ac yn cryfhau ein neges na fyddwn yn goddef pobl yn gyrru o dan ddylanwad alcohol a chyffuriau ar ffyrdd Gogledd Cymru.”
Mae posteri arbennig wedi'u hanfon i wahanol fathau o eiddo trwyddedig ledled Gogledd Cymru ac mae Swyddogion yn dosbarthu pamffledi pan maent yn ymweld â thafarndai yn yr ardaloedd gwledig.
Mae gan Heddlu Gogledd Cymru strategaeth gadarn o safbwynt gorfodi’r gyfraith mewn perthynas â’r ‘5 angheuol’ - y pum trosedd sy'n achosi'r mwyaf o farwolaethau ac anafiadau ar y ffordd, sef gyrru ar ôl yfed/cymryd cyffuriau, gyrru peryglus a diofal gan gymryd risgiau diangen, goryrru, peidio â gwisgo gwregys diogelwch a defnyddio ffôn symudol wrth yrru.
Ychwanegodd Prif Arolygydd Wareing: “Rydym yn benderfynol o gynorthwyo i leihau marwolaethau ac anafiadau ar y ffordd drwy ymgyrchoedd gorfodi wedi’u targedu’n benodol at grwpiau o bobl a lleoliadau risg uchel gan orfodi'r gyfraith mewn perthynas â'r '5 angheuol'.
“Mae’r perygl y bydd rhywun yn cael ei ladd neu ei anafu’n ddifrifol yn codi’n ddramatig os ydynt yn cyflawni un o’r ‘5 angheuol’ ac rwyf am i bobl fod yn ymwybodol o effeithiau trychinebus y pum trosedd yma ac erfyn arnynt i beidio â’i mentro hi.”
Meddai: “Achub bywydau yw pwrpas hyn a byddwn yn parhau â'r ymgyrch hwn."
Os oes gennych chi wybodaeth am yfed a gyrru neu os ydych yn adnabod rhywun sy'n gyrru tra dros y cyfyngiad cyfreithlon yn rheolaidd, ffoniwch Heddlu Gogledd Cymru ar 101 neu Crimestoppers Cymru yn ddienw ar 0800 555 111 - gallech achub bywyd.
Nodyn:
*Mae patrolau Ymgyrch Sodium yn canolbwyntio ar y penwythnosau rhwng nos Wener a bore Llun.
Nid yw ystadegau Ymgyrch Sodium yn cynnwys ffigyrau Ymgyrch Yfed a Gyrru Nadolig 2012.
Yn ystod Ymgyrch Yfed a Gyrru Nadolig 2012 cafodd 18,780 o brofion anadl eu cynnal yng Ngogledd Cymru gyda 107 yn bositif.
8/3/13
Mae ymgyrch sydd wedi’i anelu at leihau nifer y marwolaethau ac anafiadau difrifol yn ymwneud â beiciau modur ar ffyrdd Gogledd Cymru yn cael ei lansio’r penwythnos hwn i gyd-fynd a phen-blwydd yr ymgyrch yn 10 oed.
Lansiwyd yr ymgyrch gyntaf yn 2003 a bob blwyddyn ers hynny cynhaliwyd ymgyrch Focus rhwng mis Ebrill a dechrau’r hydref. Yn ystod yr ymgyrchoedd bydd swyddogion heddlu ar y ffyrdd yn stopio beicwyr modur, yn siarad â nhw ac yn ceisio eu haddysgu am y peryglon, yn ogystal ag erlyn y rhai hynny sy’n achosi perygl.
Yn hanesyddol, bydd nifer fawr o feicwyr yn ymweld â Gogledd Cymru o ganlyniad i natur heriol y ffyrdd mewn ardaloedd o harddwch naturiol fel Eryri.
Mae Beicwyr Modur yn fwy tebygol o gael eu lladd neu eu hanafu’n ddifrifol ar y ffyrdd nag unrhyw ddefnyddwyr eraill. Maent yn cyfri am 1% o holl draffig y ffordd ond 18% o’r holl farwolaethau.
Yn ystod 2012 roedd 63 o wrthdrawiadau difrifol yn cynnwys beicwyr modur ac roedd cynnydd amlwg yn nifer y bobl o du allan i ardal yr Heddlu.
Mae Swyddogion yn gobeithio lleihau’r nifer hwn drwy annog beicwyr i gymryd cyfrifoldeb am eu diogelwch a diogelwch defnyddwyr eraill y ffyrdd.
Bydd yr Heddlu’n patrolio’r ffyrdd lle mae gwrthdrawiadau fwyaf cyffredin sef ar yr A494, A5104, A5, A470 a’r A487.
Drwy gydol yr ymgyrch, bydd cynrychiolwyr Beicio Diogel hefyd allan yn siarad â beicwyr ac yn hyrwyddo’r fenter Beicio Diogel, sy’n cynnig gweithdai am ddim yng Ngogledd Cymru (yn amodol ar ffi archebu).
Meddai’r Prif Arolygydd Darren Wareing, sy’n gyfrifol am Uned Plismona’r Ffyrdd Gogledd Cymru: “Mae Ymgyrch Focus yn un o nifer o ymgyrchoedd a mentrau yr ydym yn eu cynnal yn ystod y flwyddyn er mwyn ceisio targedu defnyddwyr y ffyrdd risg uchel. Nid mater o dargedu’r gymuned beicio modur yw hyn ond mater o addysgu a gorfodi’r gyfraith.
“Tra bod mwyafrif y beicwyr modur yn reidio mewn modd priodol, mae rhai yn defnyddio’r ffyrdd fel rhywle i rasio ac yn torri deddfwriaethau diogelwch y ffyrdd mewn modd difrifol. Mae rhai yn goryrru ac yn gyrru’n beryglus gan achosi perygl o farwolaeth neu anafiadau difrifol iddyn nhw eu hunain neu ddefnyddwyr eraill y ffyrdd.”
“Rydym yn benderfynol o sicrhau bod pobl yn ddiogel ar ffyrdd Gogledd Cymru. Nid yw’n fater o ddal beicwyr allan, rydym am iddynt fwynhau’r ffyrdd ond mewn modd diogel a chyfrifol.”
“Mae croeso i feicwyr modur cyfrifol ymweld â’r ardal i fwynhau’r golygfeydd a’r tirlun godidog ond mae hyd yn oed y beicwyr hyn mewn perygl o amcangyfrif yn rhy isel y risg sy’n codi o ganlyniad i yrru yn bell a chanolbwyntio ar ffyrdd heriol ac anghyfarwydd.
“Buaswn hefyd yn annog beicwyr i fanteisio ar y cyfle i ddatblygu eu sgiliau drwy fynychu un o weithdai Beicio Diogel yr Heddlu, sydd am ddim. Mae Beicio Diogel yn gynllun cenedlaethol a gynhelir gan heddluoedd gyda’r nod o leihau nifer y damweiniau beic modur.”
Ychwanegodd: “Byddwn yn parhau i dargedu beicwyr sy’n torri’r gyfraith ac yn eu herlyn - pawb sy’n reidio neu’n gyrru’n beryglus, yn rhy gyflym, yn goddiweddyd ar linellau gwyn di-dor neu’n cyflawni unrhyw droseddau traffig y ffordd eraill.
Disgwylir y bydd yr ymgyrch yn cael ei chynnal rhwng y Pasg a dechrau mis Hydref.
Mae mwy o fanylion am y gweithdai Beicio Diogel ar gael o’u gwefan (www.bikesafe.co.uk)
18/12/12
Yn ddiweddar bu i Uned Diogelwch y Ffyrdd Cyngor Sir Ceredigion lansio Cynllun Gwella Gyrru Beiciau Modur, a anelwyd at wella ymwybyddiaeth gyrwyr beiciau modur lleol a thrwy hynny gwella diogelwch ar y ffyrdd.
Dywedodd Terry Jones, Swyddog Diogelwch y Ffyrdd Cyngor Sir Ceredigion fod yr ystadegau
damweiniau, yn anffodus, yn dangos fod canran fawr o ddamweiniau beiciau modur yng Ngheredigion yn cynnwys gyrwyr lleol a chyflwynwyd y cynllun yma a ariennir gan Lywodraeth Cymru er mwyn ceisio mynd i’r afael â’r ystadegau yma. Mae’r cynllun yn cynnwys cyflwyniad power point a sesiwn theori byr yn y bore ac asesiad o ryw awr ar y ffordd gan gynnwys trafodaeth wedi hynny. Yn y prynhawn bydd sesiwn gyrru arall ar y ffordd ag uchafswm o ddau gyrrwr fesul hyfforddwr. Mae camerâu ar feiciau’r hyfforddwyr sy’n medru recordio gallu’r gyrrwr a darparu adborth gweledol defnyddiol iawn ar ddiwedd y dydd.
Dywedodd Alun Williams, Aelod Cabinet Trafnidiaeth Gwastraff a Rheoli Carbon “ Mae unrhyw un sy’n teithio ar gyflymder ar ddwy olwyn yn agored iawn i niwed ac y mae nifer y gyrwyr beiciau modur caiff eu lladd neu eu niweidio yn llawer rhy uchel. Mae’r cyngor a’r hyfforddiant hunan ymwybyddiaeth a ddarperir gan y cynllun yma yn dangos ei fod yn medru arbed bywyd ac rwy’n hyderus y bydd y cynllun o gymorth wrth leihau damweiniau ar ffyrdd Ceredigion.”
21/11/12
Mae tîm diogelwch y ffyrdd Cyngor Sir Penfro yn dosbarthu taflenni ynghylch gwregysau diogelwch a seddi diogel i blant, i bob ysgol yn y Sir er mwyn ceisio annog pawb i ddefnyddio gwregysau diogelwch.
Ar ddydd Llun (19 Tachwedd) aeth Grizzly Gravell yr arth draw i Ysgol Eglwyswrw er mwyn cynorthwyo i lansio'r ymgyrch newydd dros wregysau diogelwch a seddi diogel i blant.
Fe wnaeth Swyddogion Iau Diogelwch y Ffyrdd yn yr ysgol lunio poster o faint naturiol o blentyn 135 milimedr o daldra, er mwyn i'r disgyblion allu mesur eu hunain a gweld yn union a ydynt - yn unol â'r gyfraith - yn dal i orfod eistedd ar glustog hybu.
Mae'r ymgyrch newydd hon yn rhan o Wythnos Diogelwch y Ffyrdd a drefnir gan elusen Brake. 
John Gobbi yw'r Swyddog Diogelwch y Ffyrdd ar gyfer y Sir. Mewn ymgyrch a drefnwyd gan Heddlu Dyfed Powys, meddai, cafodd mwy na 300 o bobl eu herlyn yn gynharach yr hydref hwn, am iddynt beidio ag ufuddhau i reolau diogelwch yn y car.
"Mae'r erlyniadau yn dangos yn glir bod angen inni ddal ati i annog pob gyrrwr a theithiwr i wisgo gwregysau diogelwch," meddai.
"Mae gwisgo gwregys diogelwch a defnyddio'r sedd ddiogel, gywir yn y car sy'n addas ar gyfer taldra a phwysau'r plant yn gallu bod yn fater o fywyd a marwolaeth - ar gyfer y gyrwyr a'u teithwyr hefyd."
O dan y gyfraith mae gyrwyr a theithwyr yn gorfod gwisgo gwregysau diogelwch os oes rhai wedi eu dodi yn y cerbyd ac fe allai gyrwyr gael eu herlyn os na fydd plentyn dan 14 oed yn gwisgo ei wregys diogelwch neu'n peidio ag eistedd mewn sedd ddiogel i blentyn.
Os na fyddant yn ufuddhau i'r gyfraith maent yn mentro'u bywyd ac fe allent hefyd gael hysbysiad o gosb benodedig o £60 neu dalu dirwy o hyd at £500 a osodir gan y llys.
Mae Uned Diogelwch y Ffyrdd yn gallu darparu deunydd darllen am ddim - Y ‘Good Egg Guide' i Ddiogelwch Plant mewn Ceir (yn Gymraeg a Saesneg). Am gopi ohono mae croeso ichi ffonio 01437 775144 neu anfon e-bost at road.safety@pembrokeshire.gov.uk
9/11/12
Ddoe (dydd Mercher, 8 Tachwedd) fe gynhaliwyd ymgyrch lle bu i swyddogion heddlu wirio cerbydau nwyddau a siarad â’r gyrwyr am ddiogelwch y ffyrdd yn ystod y gaeaf.
Rhwng 9am a 3pm ar yr A55 yn Ewlo, mi wnaeth swyddogion heddlu ar y cyd â chynrychiolwyr o’r Asiantaeth Gwasanaethau Cerbydau a Gweithredwyr (VOSA) dargedu cerbydau masnachol a gwirio eu bod yn cydymffurfio â’r ddeddfwriaeth dan orchwyl Ymgyrch Mermaid.
Cyflwynwyd gwaharddiadau 24 awr am nifer o droseddau gan gynnwys oriau gyrru’r gyrwyr. Rhoddwyd hysbysiadau cosb benodol am nifer o droseddau platiau cofrestru, teiars diffygiol a bod heb dystysgrif MOT ddilys. Rhoddwyd hefyd rybuddion am oryrru a bod heb ddwr yng ngolchwyr y ffenestr flaen.
Meddai’r Rhingyll Tony Gatley o Uned Plismona’r Ffyrdd, Heddlu Gogledd Cymru: “Rydym yn cynnal ymgyrchoedd fel hyn drwy gydol y flwyddyn mewn cydweithrediad â’n partneriaid er mwyn sicrhau bod cerbydau masnachol yn defnyddio’r ffyrdd yn ddiogel er lles pob un ohonom.
“Trwy gydol y dyddmi wnaethom ganolbwyntio ar droseddau diogelwch y ffyrdd, gan gymryd i ystyriaeth y ffaith ei bod bellach yn nosi’n gynt, bod y tywydd a’r amodau gyrru yn dirywio. Mi wnaethom felly ganolbwyntio ar wirio goleuadau, teiars, golchwyr y ffenestr flaen a’r sychwyr.
“Byddwn yn parhau i gynnal yr ymgyrchoedd a’r gwiriadau hyn yn unol â’n hamcan i sicrhau bod y cerbydau sydd ar ffyrdd Gogledd Cymru yn ddiogel."
Ydy eich cerbyd yn barod am y gaeaf?
Bydd gwasanaethu eich cerbyd yn rheolaidd a gwirio ei fod mewn cyflwr da cyn i chi gychwyn ar eich siwrnai yn lleihau’r siawns y byddwch yn torri i lawr ar y ffordd. Mae’n werth gwirio’r pethau hyn yn rheolaidd – yn enwedig cyn siwrnai hir yn y gaeaf:
- Ydy’r batri yn llawn? Gosodwch un newydd os nad yw’n gwbwl ddibynadwy.
- Ydy’ch goleuadau’n lân ac yn gweithio? Cariwch fylbiau sbâr.
- Newidiwch lafnau sychwyr y ffenestr flaen os ydynt wedi gwisgo.
- Gwiriwch eich lefelau hylif, hylif golchi ffenestr flaen, olew, gwrthrewydd
- Defnyddiwch hylif golchi ffenestr flaen cryf rhag iddo rewi.
- Gwnewch yn siwr bod pob ffenestr yn lân.
- Gwnewch yn siwr bod digon o wynt yn eich teiars a phrynwch rai newydd cyn eu bod yn anghyfreithlon. Gwiriwch y gwynt sydd yn eich teiars (cyfeiriwch at lawlyfr y gwneuthurwr) a dyfnder gwadnau (o leiaf 1.6mm).
- Ewch â’ch car i garej gyfrifol i’w wasanaethu cyn y gaeaf er mwyn cael tawelwch meddwl ychwanegol.
Mae yna ragor o gyngor ar yrru yn ystod y gaeaf ar gael ar wefan Heddlu Gogledd Cymru www.heddlu-gogledd-cymru.co.uk
Lansiwyd ymgyrch ‘Ffrindiau Peryg Bywyd’ 2012 gan McDonald’s Llandudno heddiw (dydd Llun 21 Hydref) er mwyn ceisio lleihau nifer y bobl ifanc sy’n cael eu lladd neu eu hanafu’n ddifrifol mewn gwrthdrawiadau traffig y ffordd yng Nghymru.
Gyda 20 o bobl ifanc rhwng 17 a 24 oed wedi eu lladd mewn gwrthdrawiadau traffig y ffordd yng Nghymru'r llynedd yn unig, mae pob un o’r bwytai McDonald’s yng Nghymru wedi cytuno i helpu i godi ymwybyddiaeth am beryglon gyrru’n beryglus ymysg y miloedd o bobl ifanc sy’n ymweld â’u bwytai bob dydd.
Roedd cynrychiolwyr o bartneriaeth GanBwyll a thîm o arbenigwyr diogelwch y ffyrdd o Heddlu Gogledd Cymru a Gwasanaeth Tân ac Achub Gogledd Cymru wrth law yn y digwyddiad, yn ogystal â cherbydau’r gwasanaethau brys.
Meddai Phil Lowndes, sydd â masnachfraint McDonalds lleol: “Ers ei lansiad, mae’r ymgyrch ffrindiau Peryg Bywyd wedi cael gwir effaith ar yrwyr ifanc. Rydym yn falch o allu cynnig cymorth y 62 McDonalds yng Nghymru wrth i ni weini pobl ifanc pan fyddant yn prynu bwyd o’u ceir wrth ffenestri ein bwytai. Rydym yn dymuno eu hannog i gymryd mwy o gyfrifoldeb ac i gadw’n ddiogel.
“Byddwn yn arddangos posteri a phamffledi ac yn darparu negeseuon gwybodaeth drwy ein bwytai er mwyn cynorthwyo pobl ifanc i wneud y dewisiadau cywir ac i gymryd mwy o ofal ar y ffyrdd.”
“Rydym wedi ein calonogi gan yr adborth yr ydym wedi’i gael gan bobl ifanc yn y lansiad yn Llandudno heddiw gyda nifer yn gofyn am gyngor gan arbenigwyr oedd wrth law i ateb unrhyw gwestiynau neu bryderon.”
Roedd y Gyrrwr Rali enwog, Elfyn Evans, hefyd yno i lansio’r ymgyrch ac i rannu ei brofiadau yn dilyn cael ei wahardd rhag gyrru am 12 mis ar ôl cael ei ddal yn goryrru. Roedd y Beiciwr Paralympaidd hefyd yno i ddangos ei gefnogaeth fel tad gyrrwr ifanc ac ar ran ei gyfeillion yn y tîm Paralympaidd a anafwyd yn ddifrifol mewn gwrthdrawiadau traffig y ffordd.
Mae McDonald’s wedi bod yn gweithio mewn partneriaeth â GanBwyll, sy’n ariannu ac yn cyd-reoli’r ymgyrch ffrindiau Peryg Bywyd yn dilyn cynllun peilot llwyddiannus a lansiwyd ym Mangor a Chaernarfon yn 2008. Yn 2012, mae’r ymgyrch wedi’i ymestyn i gynnwys pob un o’r 62 bwyty McDonald’s yng Nghymru.
Meddai Jim Moore, Rheolwr Partneriaeth GanBwyll: “Mae’n peri llawer o bryder bod cynifer o bobl ifanc yn cael eu lladd neu eu hanafu mewn gwrthdrawiadau traffig y ffordd yng Nghymru. Yn anffodus, ar adegau, mae hyn yn ganlyniad i yrru peryglus rhywun ifanc arall, ac yn aml ymysg ffrindiau. Mae’r ymgyrch ffrindiau peryg bywyd yn ceisio annog pobl ifanc i herio gyrru amhriodol ymysg eu cyfoedion. Mae’n tynnu sylw at y canlyniadau erchyll i’r teulu, ffrindiau a chymunedau'r gyrrwr a’r teithwyr pan fydd gwrthdrawiad wedi digwydd lle mae rhywun wedi cael eu lladd neu eu hanafu’n ddifrifol.
“Rydym yn falch iawn bod McDonald’s unwaith eto wedi dewis hyrwyddo’r ymgyrch hwn. Y gobaith yw y gallwn, gyda’n gilydd, leihau nifer y bobl ifanc sy’n gyrru mewn ffordd annerbyniol ac o ganlyniad, achub eu bywydau.
Meddai llefarydd ar ran y DVLA: “Rydym yn hapus i gefnogi’r ymgyrch ffrindiau peryg bywyd. Mae gwella diogelwch a gallu pobl ifanc yn flaenoriaeth i’r Llywodraeth. Mae bod yn yrrwr da yn golygu llawer mwy na gwybod sut i drin car – mae angen i yrwyr allu cynllunio pob siwrnai, asesu risg, rhagweld peryglon a chynnal eu gwybodaeth, sgiliau a dealltwriaeth os ydynt am fod yn yrwyr cyfrifol am oes.”
Meddai’r Uwcharolygydd Gary Ashton o Heddlu Gogledd Cymru “Nid yw’r gostyngiadau cyffredinol yn nifer yr unigolion sy’n cael eu lladd neu eu hanafu ar ein ffyrdd, ers i dargedau gael eu gosod yn 2000, wedi eu hadlewyrchu ymysg ein gyrwyr ifanc. Gyda ‘Ffrindiau Peryg Bywyd’ yn cael cefnogaeth enw mor adnabyddus â McDonald’s, mae’n helpu partneriaid diogelwch y ffyrdd i allu codi ymwybyddiaeth ledled Cymru a cheisio lleihau nifer y gwrthdrawiadau yn cynnwys pobl ifanc sy’n digwydd ar ein ffyrdd bob blwyddyn. Mae’r ymgyrch hon yn ceisio defnyddio pwysau gan gyfoedion mewn ffordd bositif gan fod tystiolaeth i ddangos bod y risg o wrthdrawiad angheuol yn cynyddu’n sylweddol gyda phob teithiwr ychwanegol sy’n cael ei gario gan yrrwr ifanc.
Gellir cael mwy o wybodaeth am yr ymgyrch ‘Ffrindiau Peryg Bywyd’ ar eu gwefan.
Noder:
Mae’r llun yn dangos (o’r chwith i’r dde): Uwcharolygydd Gary Ashton (Heddlu Gogledd Cymru), Jim Moore (GanBwyll), Elfyn Evans (Gyrrwr Rali), Beiciwr Paralympaidd Mark Colbourne a Phil Lowndes (McDonald’s).
18/11/12
Defnyddiwyd delweddau brawychus a chyfweliadau fideo gyda phobl oedd wedi dioddef gwrthdrawiadau i gyfleu neges allweddol yn ystod digwyddiad diogelwch y ffyrdd a gynhaliwyd yn Airbus ddydd Mercher 10 Hydref, 2012.
Daeth Swyddogion Heddlu Gogledd Cymru, Parafeddygon o Wasanaeth Ambiwlans Cymru ac aelodau o Wasanaeth Tân ac Achub Gogledd Cymru at ei gilydd i siarad â 160 o brentisiaid Airbus am ganlyniadau goryrru, peidio gwisgo gwregys diogelwch a gyrru o dan ddylanwad cyffuriau.
Daeth y gwir deimlad o sut mae’n teimlo i fod yn rhan o wrthdrawiad traffig y ffordd yn amlwg i’r prentisiaid wrth iddynt wylio’r gwasanaethau brys wrth eu gwaith mewn ffug ddamwain lle bu tri phrentis ymddwyn fel teithwyr yn y car a chafodd un ei ddatgan yn ‘farw’ yn y lleoliad a rhoddwyd ef mewn bag corff.
Cafodd y teithiwr yn y sedd flaen, Fleur O’Hagan, prentis ail flwyddyn, driniaeth achub bywyd gan y parafeddygon am ‘anafiadau difrifol’ a’i thynnu o’r car, a oedd yn cynnwys gorfod torri to'r car i ffwrdd. Dywedodd, “Roedd yn brofiad brawychus iawn - dydw i byth eisiau bod yn y sefyllfa yna go iawn.”
Dywedodd Ryan Taylor, prentis trydydd blwyddyn, “Da ni wedi gweld pethau eithaf difrifol yma heddiw. Mae’n eich gwneud chi’n ymwybodol o’r canlyniadau ac yn gwneud i chi feddwl ddwywaith am y ffordd yr ydych yn gyrru. Mae’n dda iawn i brentisiaid ifanc sydd newydd basio eu prawf gyrru ond bydd yn gwneud i mi feddwl am gadw pellter, ffonau symudol a defnyddio gwregys diogelwch, yn enwedig mewn tacsis lle nad yw pobl bob amser yn eu defnyddio. Mae’n wych bod Airbus yn cymryd yr amser i gynnal y mathau hyn o ddigwyddiadau.
Dywedodd dau brentis blwyddyn gyntaf, sy’n dysgu gyrru ar hyn o bryd, fod y digwyddiad yn un hynod o ddefnyddiol ac ychwanegodd un ohonynt: “Mae llawer iawn o wybodaeth ddefnyddiol yma. Bydd yn gwneud i mi feddwl ddwywaith cyn mynd i gar fy ffrindiau gan fod rhai’n defnyddio ffonau symudol wrth yrru.”
Roedd y digwyddiad wedi’i anelu at bobl ifanc rhwng 17 a 25 oed sydd â’r mwyaf o risg o fod mewn damwain. Mae ystadegau’n dangos mai bechgyn yw’r rhan fwyaf o yrwyr ac mai teithwyr benywaidd yw’r rhan fwyaf sy’n cael eu lladd.
Dywedodd Darren Collins, yr ymgynghorydd hyfforddi prentisiaid, a drefnodd y digwyddiad: “Rydym yn falch iawn bod y gwasanaethau brys wedi gallu dod at ei gilydd i addysgu ein prentisiaid, sydd yn y grwp oedran mwyaf agored i niwed ar ein ffyrdd. Po fwyaf y gallwn ei wneud i addysgu ein gyrwyr, y gorau yw hynny a gobeithio y bydd ein prentisiaid yn trosglwyddo’r hyn maent wedi’i ddysgu i’w ffrindiau. Mae’r ffordd hon o atgoffa pawb i wisgo gwregys diogelwch, os ydynt yn yrrwr neu’n deithiwr, i gadw at y cyfyngiadau cyflymder ac i beidio ag yfed a gyrru yn cyd-fynd â’n hymgyrchoedd Beicio Diogel, Gyrru Diogel a Pass Plus.
“Rydw i wedi gweithio i Airbus ers naw mlynedd, ac yn anffodus wedi gweld rhai o’n prentisiaid yn cael gwrthdrawiadau yn y cyfnod hwnnw. Fel cyflogwr, mae dyletswydd arnom i edrych ar ôl ein pobl ifanc ac i’w helpu nhw i ddod i’r gwaith yn ddiogel. Dros y flwyddyn ddiwethaf, rydym wedi cyflwyno’r fenter hon i dros 300 o brentisiaid.
Mynychwyd y digwyddiad gan Ringyll Mark Jones o Uned Plismona’r Ffyrdd Heddlu Gogledd Cymru. Dywedodd: “Mae digwyddiadau diogelwch ffyrdd aml-asiantaeth wedi profi’n ffordd ragorol o gael pobl i feddwl am ganlyniadau’r ffordd maent yn gyrru a drwy weithio mewn partneriaeth, rydym am gyfleu i bobl ifanc beth yw’r peryglon o wneud pethau fel peidio â gwisgo gwregys diogelwch, gyrru’n rhy gyflym a defnyddio ffonau symudol.
“Heddiw, cawsom gyfle i ymgysylltu â phobl ifanc, nifer ohonynt sydd newydd basio eu profion gyrru, er mwyn eu haddysgu ymhellach am faterion diogelwch y ffyrdd.
Ychwanegodd: “Gobeithiwn fod yr arddangosfeydd ymarferol, ynghyd â’r cyflwyniadau gan y gwahanol asiantaethau, wedi dangos i bobl ifanc beth allai ddigwydd.”
Meddai Dermot O’ Leary sy’n Barafeddyg gyda Gwasanaeth Ambiwlans Cymru: “Rydw i’n gwbl gefnogol i ymdrechion yr holl asiantaethau sydd yma heddiw. Mae unrhyw gyfle i gyfathrebu â phobl fel ifanc fel hyn yn gyfle na ddylid ei golli.
Ychwanegodd Gareth Griffiths, Uwch Reolwr Diogelwch Tân gyda Gwasanaeth Tân ac Achub Gogledd Cymru “Mae’r Gwasanaeth Tân ac Achub yn mynychu nifer fawr o wrthdrawiadau traffig y ffordd sy’n cynnwys pobl ifanc ac rydym yn gwneud popeth o fewn ein gallu i addysgu pobl ifanc a lleihau nifer y damweiniau trasig sy’n digwydd ar ein ffyrdd.
“Rydym yn manteisio ar bob cyfle i siarad â phobl ifanc ac i’w haddysgu am ddiogelwch ar y ffyrdd. Drwy ddefnyddio arddangosfeydd gweledol a chyflwyniadau, gobeithiwn y bydd hyn wedi creu argraff ar y bobl ifanc hyn ac y bydd yn rhywbeth y byddant yn ei ystyried wrth yrru.
Yn ychwanegol at hynny fe drefnodd PC Mike Riley, sydd wedi’i leoli yn Airbus, i’r sefydliad Wagtail UK roi arddangosfa gydag un o’u cwn cyffuriau. Mae Wagtail yn cydweithio â sefydliadau preifat, yr heddlu, yr asiantaethau ffiniau a thollau. Maent yn hyfforddi cwn i ddod o hyd i gyffuriau, arian parod, ffrwydron, tybaco a chyrff.
05/10/12
Mae’r pedwar Heddlu yng Nghymru, o dan arweiniad Heddlu Gwent ac mewn partneriaeth â Diogelwch Ffyrdd Cymru, wedi lansio ymgyrch yn erbyn defnyddio ffonau symudol wrth yrru.
Er gwaetha’r ffaith fod y gyfraith wedi newid yn Chwefror 2007 a bod gyrru wrth ddefnyddio ffôn symudol bellach yn gallu golygu tri phwynt ar eich trwydded, ynghyd â dirwy o £60, mae modurwyr yng Nghymru yn parhau i dorri’r gyfraith wrth ymddwyn yn beryglus fel hyn.
Bydd patrolau’r heddlu, i dargedu gyrwyr sy’n defnyddio ffonau symudol yn cynyddu ledled ffyrdd Cymru drwy gydol yr ymgyrch, a fydd yn rhedeg o’r 8fed tan yr 21ain o Hydref, er mwyn hyrwyddo’r neges diogelwch a chodi ymwybyddiaeth gyrwyr o’r peryglon a’r gosb ymysg modurwyr.
Meddai Prif Arolygydd Adran Plismona’r Ffyrdd Heddlu Gogledd Cymru, Darren Wareing: “Nod yr ymgyrch hon yw codi ymwybyddiaeth ymysg gyrwyr am y peryglon sy’n gysylltiedig â gyrru wrth ddefnyddio ffôn symudol.
“Gall diffyg canolbwyntio wrth yrru fod yn drychinebus i yrwyr a cherddwyr. Unwaith y bydd gyrrwr yn ateb galwad neu’n edrych ar eu ffôn er mwyn darllen neu anfon neges testun, bydd hyn yn effeithio ar eu gallu i ganolbwyntio, ac o ganlyniad, nid ydynt yn talu sylw llawn i’r ffordd a gallai hyn arwain at wrthdrawiad.”
“Gyda llawer yn defnyddio ffonau deallus (smartphones) mae angen i yrwyr fod yn ymwybodol nad dim ond ateb neu wneud galwadau neu dderbyn ac anfon negeseuon testun sy’n beryglus. Mae edrych ar y rhyngrwyd neu negeseuon e-bost hefyd yn beryglus ac felly’n cario’r un gosb.
Ychwanegodd: “Mae Heddlu Gogledd Cymru wedi ymrwymo i addysgu modurwyr. Ond, rydym hefyd wedi ymrwymo i orfodi’r gyfraith yn llym a bydd patrolau ychwanegol yn gweithredu dros y pythefnos nesaf er mwyn targedu’r gweithgaredd anghyfreithlon hwn.”
Meddai Cadeirydd Diogelwch Ffyrdd Cymru, Sue Storch: “Mi fydd partneriaid Diogelwch Ffyrdd Cymru yn cefnogi ein cydweithwyr yn yr Heddlu drwy gydol yr ymgyrch hon drwy dynnu sylw at beryglon defnyddio ffôn symudol wrth yrru.
“Byddwn yn parhau i dynnu sylw at y mater hwn ac yn parhau i gydweithio â’n partneriaid ar ymgyrchoedd yn y dyfodol.”
5/10/12
Nod Partneriaeth Diogelwch Ffyrdd Gwynedd-Môn – sy’n cynnwys Cynghorau Gwynedd a Môn a’r gwasanaethau brys – yw hyrwyddo gwell ddealltwriaeth o ddiogelwch ffyrdd. Trwy gyfuno amrywiaeth o arbenigedd diogelwch ffyrdd, mae’n gweithio tuag at leihau gwrthdrawiadau difrifol ac angheuol ymysg defnyddwyr ffyrdd sy’n fwy agored i niwed, yn enwedig gyrwyr ifanc a’u teithwyr a beicwyr modur.
Yn ôl ymchwil gan y Barterniaeth, beicwyr modur, o blith holl ddefnyddwyr ein ffyrdd, yw’r rhai mwyaf tebygol o fod mewn damwain, ac mae llawer yn cael eu lladd neu eu hanafu’n ddifriol bob blwyddyn.
Dyna pam mae’r Bartneriaeth yn gweithio’n agos gyda grwpiau o feicwyr modur i hyrwyddo cynlluniau diogelwch, er enghraifft trwy gynnal gweithdai Beicio Diogel a thrwy siarad gyda beicwyr modur i’w hatgoffa o’r camau syml y gallan nhw eu cymryd i wneud eu teithiau’n fwy diogel.
I’r perwyl hwn, mae beic modur wedi cael ei fenthyg i’r bartneriaeth gan Wasanaeth Tân ac Achub Gogledd Cymru, a fydd yn cael ei ddefnyddio yn y digwyddiadau hyn ac wrth drafod gyda’r gymuned feicio modur.
Dywedodd y Cynghorydd Gareth Roberts, yr Aelod o Gabinet Cyngor Gwyedd gyda chyfrifoldeb am briffyrdd a thrafnidiaeth:
“Mae’r bartneriaeth yn gwneud gwaith hanfodol trwy atgoffa pob gyrrwr i gymryd gofal ar y ffyrdd. Mae gormod o fywydau’n cael eu heffeithio gan ddamweiniau ffyrdd, ac mae beicwyr modur mewn perygl neilltuol. Dw i’n hynod falch o weld Cyngor Gwynedd yn gweithio efo’i bartneriaid i wneud ein cymunedau lleoedd diogel a dw i’n hyderus y bydd defnydd da’n cael ei wneud o’r beic modur hwn, y mae’r Gwasanaeth Tân wedi bod mor garedig â’i fenthyg.”
Dywedodd Terry Williams, Rheolwr Diogelwch Cymunedol Gwasanaeth Tân ac Achub Gogledd Cymru:
“Mae beicwyr modur ymysg y rhai sy’n wynebu’r risg uchaf fel defnyddwyr ffyrdd, ac rydan ni’n parhau i weld enghreifftiau dychrynllyd o fywydau’n cael eu torri’n drychinebus o fyr oherwydd diffyg profiad a chymryd risgiau. Mi fydd defnydd da’n cael ei wneud o’r beic modur ac mi fydd yn arf delfrydol wrth inni drafod efo grwpiau o feicwyr modur a theithwyr eraill sy’n agored i niwed.”
Dywedodd Dermot O’Leary o Ymddiriedolaeth Gwasanaethau Ambiwlans Cymru’r Gwasanaeth Iechyd Gwladol a chadeirydd Partneriaeth Diogelwch Ffyrdd Gwynedd-Môn:
“Mae’r Bartneriaeth yn cydnabod bod angen cysoni dulliau a gwneud y defnydd gorau bosibl o adnoddau wrth hyrwyddo diogelwch ffyrdd mewn cydweithrediad â chyrff allweddol sy’n rhannu’r un amcanion o leihau damweiniau. Fel Cadeirydd y grwp, hoffwn ddiolch i Wasanaeth Tân ac Achub Gogledd Cymru am eu cyfraniad. Mae’r beic modur yn dangos logo’r bartneriaeth a chaiff ei weld fel caffaeliad amhrisiadwy, a fydd yn cael ei ddefnyddio i hyrwyddo diogelwch ffyrdd yn ein cymunedau ac annog beicwyr modur i fynd i weithdai Beicio Diogel lleol.”
Dywedodd Paul Cheshire, Cydgysylltydd Beicio Diogel Heddlu Gogledd Cymru, y dylid canmol partneriaethau sy’n ymwneud â hyrwyddo diogelwch beicwyr modur yng ngogledd Cymru.
“Roedd y Gwasanaeth Tân, sydd bob amser wedi cefnogi’r fenter, yn iawn i ddewis rhoi’r beic modur iddyn nhw,” meddai. “Mae gan y bartneriaeth record dda yn hyn o beth ac mi fyddan nhw’n gwneud defnydd da o’r cerbyd i hyrwyddo’n hamcanion cyffredin.”
20/9/12
Mae Carl Sargeant, y Gweinidog sydd â chyfrifoldeb dros Drafnidiaeth, wedi cynnig targedau newydd i leihau nifer yr anafusion ar y ffyrdd, a hynny fel rhan o ymgynghoriad ar Gynllun Cyflawni ar Ddiogelwch ar y Ffyrdd. Mae’r cynllun yn cynnig dull uchelgeisiol i sicrhau na fydd unrhyw farwolaethau, sef y dull ‘vison zero’.
Bydd yr ymgynghoriad yn nodi sut y bydd Llywodraeth Cymru yn mynd i’r afael â diogelwch ar y ffyrdd hyd 2020, a bydd yn cynnwys targedau penodol ar gyfer beicwyr modur a phobl ifanc. O blith pawb sy’n defnyddio’r heolydd, dyma’r ddau grwp sydd fwyaf agored i niwed.
Yn 2011, roedd beicwyr modur yn cyfrif am 1% o’r traffig ar y ffyrdd yng Nghymru. Ond o’r 1% hynny, cafodd 39% eu lladd neu eu hanafu’n ddifrifol. Ac er mai 11% o ddeiliaid trwyddedau gyrru sy’n bobl ifanc, yn 2011 roedd 23% o’r anafusion yn bobl ifanc.
Bydd y cynllun uchelgeisiol yn cynnwys:
Dywedodd y Gweinidog:
“Mae unrhyw farwolaethau ar ein ffyrdd yn annerbyniol, ac mae modd eu hosgoi. Dyna pam mae Llywodraeth Cymru wedi ymrwymo i leihau nifer yr anafusion, a byddwn yn gwneud ein gorau glas i gyflawni hyn.
“Bu cryn gynnydd o ran diogelwch ar y ffyrdd dros y blynyddoedd diwethaf, gyda nifer y bobl a gaiff eu lladd a'u hanafu'n ddifrifol yn lleihau'n sylweddol yng Nghymru.
“Gallwn ni i gyd ymfalchïo yn y ffaith bod ffyrdd Cymru ymhlith y mwyaf diogel yn y byd. Fodd bynnag, ni ddylem laesu dwylo, a rhaid cydnabod bod llawer o welliannau i'w gwneud o hyd.
“Nid Cynllun tymor byr yw hwn – mae’n nodi ein cynlluniau hyd 2020. Yn y gymdeithas sydd ohoni heddiw, efallai nad ystyrir hi’n realistig i ragweld na fydd unrhyw farwolaethau o gwbl ond dylai'r Llywodraeth geisio mynd i'r afael â marwolaethau y gellir eu hosgoi, megis gwrthdrawiadau traffig ar y ffyrdd, a gwneud ein gorau i'w hatal.
“Rydym yn ystyried y dull uchelgeisiol hwn i sicrhau na fydd unrhyw farwolaethau yn gydnabyddiaeth o’n hymrwymiad. Rydym eisiau i’n holl bartneriaid allweddol rannu’r ymrwymiad hwn a gweithio tuag at ei wireddu.”
Mae dull uchelgeisiol Llywodaeth Cymru ar gyfer mynd i’r afael â diogelwch ar y ffyrdd wedi’i seilio ar ddull a gyflwynwyd yn wreiddiol yn Sweden.
Mae’r ymgynghoriad hefyd yn cynnwys ymrwymiad i bwyso ar Lywodraeth y DU i leihau’r terfyn yfed a gyrru. Byddai hynny’n golygu y byddai’r sefyllfa yng Nghymru yn debycach i’r un yng ngweddill Ewrop.
Mae Rhaglen Lywodraethu Llywodraeth Cymru yn cynnwys ymrwymiad i "dargedu defnyddwyr ffyrdd risg uchel (beicwyr modur, gyrwyr ifanc a defnyddwyr ffyrdd sy’n agored i niwed) drwy gyfuniad o fesurau gan gynnwys addysg, peirianneg a gorfodi."
Bydd yr ymgynghoriad yn dod i ben ar 13 Rhagfyr 2012 a disgwylir i’r Cynllun terfynol gael ei gyhoeddi yn gynnar yn ystod 2013.
Cynllun Cyflawni Drafft ar gyfer Diogelwch ar y Ffyrdd
13/08/2012
Eleni bydd ymwelwyr â Sioe Môn yn gallu ymweld â stondin Partneriaeth Diogelwch Cymunedol Ynys Môn. Mae nifer o bartneriaid wedi dod at ei gilydd er mwyn cynnig cyngor a gwybodaeth ar faterion gwahanol megis diogelwch tân ac atal trosedd.
Bydd sefydliadau gan gynnwys Heddlu Gogledd Cymru, Gwasanaeth Tân ac Achub Gogledd Cymru, y Gwasanaeth Ambiwlans, Tîm Diogelwch Cymunedol Ynys Môn, Cymorth i Ddioddefwyr, Gwasanaeth Prawf Cymru, Panel Atal Trosedd Ynys Môn, Gwasanaeth Cyfiawnder Ieuenctid, Gorwel, Tîm Diogelwch y Ffyrdd a’r Gwasanaeth Camddefnydd Sylweddau yn ymuno â’i gilydd er mwyn ei gwneud yn haws i’r cyhoedd gael gwybodaeth mewn un lle.
Gall ymwelwyr gymryd rhan mewn nifer o weithgareddau megis cwis diogelwch tân, marcio eiddo a rhoi ôl bys mewn torch allwedd yn ogystal â chael pamffledi ar faterion gwahanol. Fe anogir ffermwyr i ymweld â’r stondin er mwyn ymuno â’r Cynllun Gwarchod Ffermydd.
Meddai Tony Jones, Rheolwr Diogelwch Cymunedol: “Hwn yw’r ail dro i’r holl sefydliadau ddod at ei gilydd ar un stondin. Cawsom adborth da iawn gan y cyhoedd y llynedd ac rydym yn mawr obeithio y byddant unwaith eto yn ei gweld yn fanteisiol gallu ymweld â phawb o dan yr un to. Bydd y stondin wedi'i lleoli gyferbyn â'r prif gylch felly os ydych yn ymweld â’r sioe cofiwch alw i’n gweld a bydd cyfle i chi ennill taleb iTunes gwerth £50.”
13.08.12
Mae Rhwydwaith Beicio Caerdydd a'r seilwaith trafnidiaeth wedi'u gosod ar restr fer yn nifer o wobrau cenedlaethol Cymru a rhai Prydeinig.
Mae Caerdydd wedi cyrraedd y rhestr fer, ynghyd â dinasoedd eraill yn y DU, yn nhri o gategorïau Gwobrau Trafnidiaeth Cenedlaethol 2012.
Cyngor Caerdydd yw Dinas Deithio Gynaliadwy gyntaf Cymru ac mae'n cydweithio â Llywodraeth Cymru ar y cynllun hwn sydd wedi'i ariannu ar y cyd. Mae'r Cyngor wedi cyflwyno nifer o brojectau trafnidiaeth arloesol, sydd wedi cael eu cydnabod yn y Gwobrau Trafnidiaeth Cenedlaethol eleni.
Mae'r ddinas wedi cyrraedd y rhestr fer yn y categorïau canlynol -
- ·Dinas Drafnidiaeth y Flwyddyn - gan gydnabod polisi trafnidiaeth arloesol Caerdydd, sydd wedi llwyddo i gyflwyno rhaglen ategol o welliannau trafnidiaeth ac annog pobl i ddefnyddio dulliau teithio mwy cynaliadwy, er enghraifft Pont y Werin, a ddefnyddir gan 28,000 o gerddwyr ac 11,000 o feicwyr bob mis.
- Cyfraniad at Drafnidiaeth Gynaliadwy - gan dynnu sylw at ddull gweithredu arloesol Caerdydd o ran gwelliannau beicio yn y ddinas, gyda datblygiad a gweithrediad Rhwydwaith Beicio Strategol Caerdydd.
- Cyflawniadau Beicio - am lwyddo i annog rhagor o blant ysgol i feicio i'r ysgol, drwy broject ‘Ar Dy Feic' yr elusen feicio, Sustrans, sydd bellach ar waith mewn 24 o ysgolion yn y ddinas.
Ochr yn ochr â'r Gwobrau Trafnidiaeth Cenedlaethol mae'r ddinas wedi cyrraedd rhestr fer gwobrau blynyddol y Sefydliad Siartredig Logisteg a Thrafnidiaeth (CILT UK). Mae Cynllun Rhwydwaith Beicio Strategol y Cyngor wedi'i ddewis ar gyfer rownd olaf y categori Polisi Trafnidiaeth, Cynllunio a Gweithredu. Enwyd Cynllun Beicio Caerdydd yn un o'r rhai i gyrraedd rownd derfynol Gwobrau Cynllunio Cymru hefyd. Mae'r ddwy wobr yn cydnabod pwysigrwydd y cynllun Beicio i'r ddinas.
Dywedodd yr Aelod Cabinet dros Gynllunio Strategol, Priffyrdd, Traffig a Thrafnidiaeth, y Cynghorydd Ralph Cook: "Byddai cyrraedd y rhestr fer ar gyfer dim ond un wobr yn ddigon, ond mae cael ein cydnabod mewn tri chategori yn llwyddiant sylweddol sy'n dangos ymrwymiad y ddinas i sicrhau y gall pobl wneud fwy o'u teithiau ar droed, ar feic a thrafnidiaeth gyhoeddus."
"Er mwyn i'r ddinas barhau i ddatblygu fel prifddinas Ewropeaidd ifanc, mae'n rhaid cael y seilwaith cywir. Mae creu trafnidiaeth gynaliadwy ac ymarferol yn un o brif flaenoriaethau'r weinyddiaeth hon."
Caiff enillwyr y gwobrau eu cyhoeddi ym mis Hydref.
09/08/2012
Targedu gyrwyr ifanc a chynyddu eu hymwybyddiaeth o beryglon yfed/cymryd cyffuriau a gyrru yw nod benodol ymgyrch newydd sy'n cael ei lansio gan Heddlu Gogledd Cymru.
‘Peidiwch â Gamblo efo’ch Bywyd’ ydy neges hollbwysig yr ymgyrch, sy’n anelu at daclo’r broblem o yfed a gyrru a gyrru dan ddylanwad cyffuriau ymysg pobl ifanc rhwng 17 a 25 mlwydd oed.
Mae’rymgyrch yn cael ei lansio mewn ymateb i’r nifer cynyddol o bobl ifanc sy’n cael eu lladd ar ffyrdd Gogledd Cymru, ynenwedig ffyrdd cefn gwlad.
Meddai Prif Arolygydd Darren Wareing o Uned Plismona’r Ffyrdd Gogledd Cymru:
“Gwrthdrawiadau lle’r oedd gyrrwr ifanc 'ar fai' ydy’r rhai hynny lle'r oedd y gyrrwr rhwng 16 a 25 oed a'i fod ef/hinaill ai wedi cyfrannu at, neu wedi achosi’r gwrthdrawiad mewn rhyw ffordd.”
Mae nifer y gwrthdrawiadau sy'n ymwneud â gyrwyr ifanc yn ganran anghymesur o'r holl bobl sy’n defnyddio’r ffyrdd - mae gwrthdrawiadau angheuol lle’r oedd gyrrwr ifanc ‘ar fai’ wedi cynyddu 50% a gwrthdrawiadau a achosodd anafiadau difrifol lle’r oedd y gyrrwr ifanc ar fai wedi cynyddu 5.8%. Mae’r ffigyrau yma’n peri pryder mawr.”
"Mae pobl yn dweud wrtha' i fod yfed neu gymryd cyffuriau a gyrru erbyn hyn yn cael ei weld fel rhywbeth cymdeithasol annerbyniol yn ein cymunedau, ond dydw'i ddim yn credu bod hyn yn wir am bawb gan ein bod ni’n gweld gormod o lawer o bobl ifanc yn gamblo efo’u bywydau ac yn rhy aml o lawer, yn colli.”
“Mae gyrwyr ifanc yn dueddol o gymryd mwy o risgiau Nod benodol yr ymgyrch hon felly yw lleihau'r nifer o bobl ifanc sy'n yfed a gyrru neu’n gyrru dan ddylanwad cyffuriau gan beryglu eu bywydau eu hunain yn ogystal â bywydau pobl eraill sy'n defnyddio'r ffyrdd.
Ychwanegodd: “Mae ‘na dueddiad i feddwl nad oes cymaint o siawns y bydd gyrwyr mewn ardaloedd gwledig yn cael eu dal yn gyrru ar ôl yfed alcohol neu gymryd cyffuriau, ond dydy hynny ddim yn wir. Dylai pobl fod yn ymwybodol y byddwn yn patrolio ffyrdd gwledig Gogledd Cymru a meysydd parcio tafarndai, ac y byddwn yn stopio gyrwyr ifanc ac yn siarad â nhw.
“Y neges glir ydy na fyddwn yn goddef pobl yn gyrru ar ffyrdd Gogledd Cymru ar ôl yfed neu gymryd cyffuriau. Neges syml iawn sydd gen i - meddyliwch ddwywaith, gwnewch y penderfyniad na fyddwch yn yfed a gyrru - os ydych yn gwneud mi fyddwch yn cael eich stopio gan yr heddlu.”
Yn ystod yr ymgyrch bydd swyddogion yr Uned Plismona’r Ffyrdd a swyddogion y Gwasanaethau Plismona Lleol yn gwirio ac yn stopio mwy o gerbydau nag erioed o’r blaen. Bydd yr ymgyrchoedd yn cael eu cynllunio ymlaen llaw ac ardaloedd penodol yn cael eu targedu drwy ddulliau plismonagweladwy a chudd.
Mae posteri arbennig i hyrwyddo'r ymgyrch wedi cael euhargraffu a’u dosbarthu i eiddo trwyddedig ar draws Gogledd Cymru a bydd taflenni'n cael eu dosbarthu gan swyddogion sy'n ymweld â thafarndai mewn ardaloedd gwledig.
Mae gan Heddlu Gogledd Cymru strategaeth gadarn o safbwynt gorfodi’r gyfraith mewn perthynas â’r ‘5 angheuol’ - y pum trosedd sy'n achosi'r mwyaf o farwolaethau ac anafiadau ar y ffordd, sef gyrru ar ôl yfed/cymryd cyffuriau, gyrru peryglus a diofal gan gymryd risgiau diangen, goryrru, peidio â gwisgo gwregys diogelwch a defnyddio ffôn symudol wrth yrru.
Ychwanegodd Prif Arolygydd Wareing: “Rydym yn benderfynol o gynorthwyo i leihau marwolaethau ac anafiadau ar y ffordd drwy ymgyrchoedd gorfodi wedi’u targedu’n benodol at grwpiau o bobl a lleoliadau risg uchel gan orfodi'r gyfraith mewn perthynas â'r '5 angheuol'.
“Mae’r perygl y bydd rhywun yn cael ei ladd neu ei anafu’n ddifrifol yn codi’n ddramatig os ydynt yn cyflawni un o’r ‘5 angheuol’ ac rwyf am i bobl fod yn ymwybodol o effeithiau trychinebus y pum trosedd yma ac erfyn arnynt i beidio â’i mentro hi”
Os oes gennych chi wybodaeth am yfed a gyrru neu os ydych yn adnabod rhywun sy'n gyrru tra dros y cyfyngiad cyfreithlon yn rheolaidd, ffoniwch Heddlu Gogledd Cymru ar 101 neu Crimestoppers Cymru yn ddienw ar 0800 555 111 - gallech achub bywyd
30/7/12
Ar ddydd Sul y 29ain o Orffennaf, gwibiodd tîm o feicwyr modur ar hyd ffyrdd gwledig troellog Powys a Cheredigion, i greu ymwybyddiaeth o ddiogelwch ar y ffordd ac i godi arian i Elusen y Diffoddwyr Tân, sef darparwr pennaf gwasanaethau sy’n gwella ansawdd bywyd i deulu’r gwasanaeth tân ac achub yn y DU.
Aeth 100 o feicwyr ar y siwrnai 70-milltir, yng nghwmni timau Diogelwch Beiciau Tân Canolbarth a Gorllewin Cymru a Heddlu Dyfed Powys. Daeth y digwyddiad ysblennydd i uchafbwynt gydag ymgyrch diogelwch ar y promenâd yn Aberystwyth.
Soniodd Dougie Bancroft, Codwr Arian Rhanbarthol i Elusen y Diffoddwyr Tân a threfnydd y digwyddiad, am ei lwyddiant. Dywedodd: “Hoffwn ddiolch i’r holl feicwyr a chefnogwyr am wneud y digwyddiad a’r diwrnod yn llwyddiant mawr. Gyda dros 100 o feicwyr a chefnogaeth neilltuol gan bawb a fu’n gysylltiedig, roedd yn bleser bod yn rhan o’r diwrnod.”
Roedd Taith Beiciau Modur y Jiwbilî yn agos iawn at galon Dougie, oherwydd y bu’n Ffagl gludwr pan ddaeth y Ffagl Olympaidd i Gymru’n ddiweddar. Cododd y digwyddiad £1,500 i Elusen y Diffoddwyr Tân a bu mor llwyddiannus fel bod pawb a fu’n gysylltiedig yn dymuno’i wneud yn ddigwyddiad blynyddol.
23/7/12
Mae nifer y rhai gafodd eu dal yn yfed a gyrru yn ystod ymgyrch haf ar draws Cymru wedi gostwng o'i gymharu â 2011.
Roedd cyfanswm o 360 o bobl wedi profi'n bositif i alcohol neu gyffuriau, 1.9% o'r 19,277 a brofwyd yn ystod mis Mehefin.
Yn 2011 fe wnaeth 2.5% brofi'n bositif a gafodd ei ddisgrifio gan yr heddlu ar y pryf fel ffigwr "brawychus".
Ond dywedodd swyddogion bod angen mwy o ymwybyddiaeth o hyd.
Yn ardal Heddlu De Cymru yr oedd y nifer mwya' o yrwyr wnaeth brofi'n bositif am gyffuriau neu alcohol (4%) tra bod y nifer isa' yn ardal Heddlu Gogledd Cymru.
Mae'n bwysig parhau i dynnu sylw at beryglon gyrru o dan ddylanwad alcohol neu gyffuriau, meddai'r Prif Gwnstabl Jackie Roberts o Heddlu Dyfed Powys a oedd yn arwain yr ymgyrch.
'Dewis syml'
"Mae'n bwysig ein bod yn cyfleu'r neges bod gyrru o dan ddylanwad alcohol neu gyffuriau yn annerbyniol a'i fod yn rhoi eraill mewn perygl.
"Allwn ni ddim cyfrifo'n rhwydd faint allwn ni yfed ac yna gyrru ac mae hynny yn wir am y bore canlynol.
"Mae'n ddewis syml, allwch chi un ai yfed neu yrru."
Dywedodd Suan Storch o Ddiogelwch Ffyrdd Cymru, bod y canlyniadau yn dangos pa mor bwysig yw hi i barhau i gydweithio er mwyn addysgu gyrwyr o'r peryglon.
| |
Dyfed Powys |
Gwent |
De Cymru |
Gogledd Cymru |
Cymru |
| Cyfanswm y profion |
2,273 |
3,261 |
3,226 |
10,517 |
19,277 |
| Cyfanswm profion positif neu wrthodwyd neu fethwyd a darparu |
79 |
50 |
130 |
101 |
360 |
| Cyfanswm profion positif neu wrthodwyd neu fethwyd a darparu |
3.5% |
1.5% |
4.0% |
1.0% |
1.9% |
Ffynhonnell: Heddlu Dyfed Powys
27/6/12
I hyrwyddo’r neges wrth-yfed a gyrru, gwahoddir ysgolion a mudiadau ieuenctid i ddyfeisio, perfformio a recordio cyflwyniad amlgyfrwng byw i rybuddio pobl o beryglon a/neu ganlyniadau yfed a gyrru.
Canllawiau’r gystadleuaeth:
1. Gellir cynnwys hyd at 6 o berfformwyr.
2. Rhaid i aelodau’r tîm fod rhwng 11 a 25 oed.
3. Dylai’r cyflwyniad bara llai na 3 munud, a cheir defnyddio amrywiaeth o gyfryngau, gan gynnwys unrhyw rai o’r rhain:
· Perfformiad cerddorol
· Drama/Sgets
· Barddoniaeth/Araith
· Animeiddiad
· Rhaglen ddogfen
· Comedi
· Dawns
4. Rhaid i’r cyflwyniad gael ei ffilmio a’i gyflwyno ar fideo neu DVD a rhaid darparu manylion cysylltu.
5. Caiff y cyflwyniad ei farnu ar sail y meini prawf hyn (nad ydynt yn nhrefn eu blaenoriaeth):
a. Gwreiddioldeb
b. Neges
c. Perfformiad
d. Effaith
Caiff yr ymgais fuddugol ym mhob Sir wobrau gan eu hawdurdod lleol. Yna, cyflwynir yr ymgais fuddugol i’r Gystadleuaeth Ranbarthol. Caiff enillwyr y Gystadleuaeth Ranbarthol £500 i’r ysgol/mudiad y maent yn ei chynrychioli/ei gynrychioli, a chyflwynir gwobrau i aelodau unigol y tîm. Yn genedlaethol, gwahoddir y pedair ymgais Ranbarthol fuddugol i gael eu gwobr a rhoi’r cyflwyniad adeg lansio ymgyrch Wrth-Yfed a Gyrru Cymru-Gyfan yn y Canolfan yr Holl Genhedloedd, Caerdydd, dydd Mawrth 27 Tachwedd Rhagfyr (telir yr holl dreuliau).
Cynhelir y beirniadu ar y gystadleuaeth genedlaethol ddydd Iau 1 Tachwedd
1/6/12
Bydd yr Ymgyrch Genedlaethol Atal Yfed/Cymrys Cyffuriau a Gyrru Cymru Gyfan Haf 2012 a gefnogir gan Heddlu Dyfed-Powys, Heddlu De Cymru, Heddlu Gwent a Heddlu Gogledd Cymru’n cychwyn ar ddydd Gwener 1 Mehefin 2012 gan redeg am y mis cyfan.
Yn ystod ymgyrch eleni, bydd yr heddluoedd, dan arweiniad Heddlu Dyfed-Powys, yn cynyddu’r pwysau mewn ymdrech gydunol i atal pobl rhag gyrru cerbydau modur dan ddylanwad alcohol.
Er waethaf ymgyrchoedd blaenorol, mae pobl dal yn cael eu lladd neu eu hanafu’n ddifrifol o ganlyniad i’r arfer ddi-hid hon. Gall unrhyw alcohol neu gyffuriau sydd yn y corff effeithio ar allu a barn rhywun wrth yrru.
Wrth i’r haf agosáu, mae gweithgareddau traddodiadol megis barbeciws a phartïon arwain yn aml at gynnydd mewn achlysuron lle y mae pobl yn yfed alcohol. Mae’r rhan fwyaf o bobl yn gwneud cynlluniau ac yn gall ynghylch eu trefniadau teithio, ond mae yna rai sy’n barod i ddiystyru’r gyfraith a gyrru gyda gormod o alcohol yn eu system. Mae’n bwysig hefyd fod pobl yn ystyried y bore trannoeth gan y gallai gormod o alcohol ddal effeithio ar allu rhywun i yrru.
Meddai’r Prif Gwnstabl Ian Arundale:
“Os ydych chi’n yfed a gyrru, mae’n bosibl y byddwch nid yn unig yn dinistrio’ch bywyd eich hun, ond bywydau pobl eraill diniwed sy’n gysylltiedig â chi â’ch gweithredoedd. Nid oes unrhyw esgus dros yfed a gyrru a gall y canlyniadau fod yn drychinebus.
Nid yn unig y mae perygl y gallech ladd neu achosi niwed difrifol i chi’ch hun neu rywun arall, ond bydd rhaid i chi fynd i’r llys a gallech wynebu dirwy, colli’ch trwydded neu dderbyn dedfryd o garchar. Bydd gennych record droseddol ac fe allech golli’ch swydd.
Meddyliwch cyn i chi fynd allan, gwyliwch beth rydych chi’n yfed, cynlluniwch sut y byddwch yn cyrraedd adref a sylweddolwch y gallai’r penderfyniad i yrru ar ôl cael diod fod â chanlyniadau trychinebus.”
Dywedodd Susan Storch, Cadeirydd Diogelwch Ffyrdd Cymru:
"Ein cyngor ni yw cynllunio sut i gyrraedd adref heb yrru os ydych chi’n disgwyl yfed alcohol dros yr haf.
Os ydych chi’n yfed mewn barbeciws, byddwch yn ymwybodol ei bod hi’n bosibl na fyddwch chi’n gwybod faint o alcohol yr ydych yn ei yfed, a pheidiwch byth â chynnig diod alcoholig i rywun yr ydych yn gwybod sy’n bwriadu gyrru a pheidiwch â derbyn lifft gan yrrwr yr ydych yn gwybod sydd wedi bod yn yfed alcohol. Byddwch yn ymwybodol y gallech fod dros y terfyn cyfreithlon y diwrnod canlynol - yr unig ffordd ddiogel yw gyrru neu yfed, nid y ddau.”
Dywedodd y Rheolwr Ardal Jim Cameron, Pennaeth Corfforaethol Lleihau Risg:
“Rydym yn hapus i gydweithio mewn partneriaeth â Heddlu Dyfed-Powys a gweddill y gymuned diogelwch ffyrdd yng Nghymru er mwyn trosglwyddo’r neges bwysig hon i yrwyr ar draws Cymru.
Yn ddiweddar, rydym wedi ffilmio canlyniadau arést yfed a gyrru bore trannoeth a gofynnwn i bobl fod yn ymwybodol o sut y gall yfed alcohol effeithio’u heffrogarwch a’u hamseroedd ymateb hyd yn oed y diwrnod canlynol.
Byddem yn annog pob gyrrwr i ystyried y risg y mae eu gweithredoedd yn peri i ddefnyddwyr eraill diniwed y ffyrdd ac i drin pobl yn yr un modd ag y bydden nhw’n dymuno i’w teuluoedd eu hun gael eu trin a’u hystyried.”
Hefyd yn cefnogi ymgyrch eleni y mae Dr Mark Boulcott a gollodd ei wraig, Karen, ac a dderbyniodd anafiadau difrifol ei hun mewn damwain yfed a gyrru yn 2006.
Dywedodd Dr Boulcott, o Herbrandston, a gafodd ei adael gydag anafiadau difrifol yn dilyn y gwrthdrawiad:
"Roedd hi’n amlwg nad oedd gyrrwr y car a’n bwriodd yn ffit i fod wrth yr olwyn ac roedd gan ei deithwyr ifainc gyfrifoldeb i’w atal rhag mynd mewn i’r car hwnnw. Petaent wedi gwneud, byddai Karen dal yma heddiw.
Mae angen i bobl ifainc sy’n cael eu hunain mewn sefyllfaoedd tebyg sylweddoli fod ganddynt gyfrifoldeb dros ofalu am eu hiechyd eu hunain ac iechyd gyrrwr y car a allant fod yn deithiwr ynddo.”
Gall unrhyw un sydd â gwybodaeth mewn perthynas ag unigolion y credir iddynt fod yn gyrru a hwythau dros y terfyn cyfreithiol gysylltu â’r heddlu ar 101 neu Taclo’r Tacle’n ddienw a chyfrinachol ar 0800 555 111.
23/5/12
Mae trigolion a busnesau ar hyd taith y Fflam Olympaidd yng Nghymru wedi eu rhybuddio i ddisgwyl oedi ar ffyrdd yn ystod y dyddiau nesaf.
Bydd nifer o ffyrdd yn cael eu cau a disgwylir i dorfeydd mawr i wylio'r daith yng Nghymru rhwng Mai 25 a Mai 30.
Mae cwmniau bysiau yn rhybuddio teithwyr i gadarnhau bod trafnidiaeth ar gael cyn teithio oherwydd y mae'n bosib y bydd gwasanaethau yn cael eu hamharu.
Ar gyfartaledd bydd 115 o bobl yn cludo'r fflam Olympaiddd bob diwrnod ar ei thaith o gwmpas y Deyrnas Unedig cyn iddi gyrraedd y Stadiwm Olympaidd yn Llundain ar Orffennaf 27 ar gyfer seremoni agoriadol y Gemau Olympaidd.
Dywed trefnwyr y daith y dylai 95% o boblogaeth Cymru fod o fewn taith awr i daith y fflam.
Fore Gwener bydd y fflam yn gadael Caerwrangon cyn croesi'r ffin i Gymru ychydig cyn 11:00am cyn ymweld â Threfynwy, Rhaglan, Y Fenni, Brynmawr, Blaenafon, Abersychan, Pont-y-pwl a Chasnewydd cyn gorffen y diwrnod tua 5.30pm yng Nghaerdydd.
Bydd y fflam yn cael ei thywys o gwmpas Cymru tan Fai 30 gan ymweld â nifer o leoliadau gan gynnwys Abertawe, Aberystwyth, Bangor, Ynys Môn, Llandudno, Wrecsam, a'r Trallwng.
Mae gyrwyr ceir a cherbydau eraill wedi'u rhybuddio ei fod yn bosib y bydd rhaid iddynt deithio ar ffyrdd amgen ac i neilltuo mwy o amser ar gyfer eu teithiau oherwydd y bydd nifer o ffyrdd ynghau.
Dywedodd Cyngor Sir Fynwy fod arwyddion yn rhybuddio teithwyr y bydd ffyrdd ynghau eisoes wedi eu gosod ar ffyrdd yn ogystal â phosteri yn hysbysu pobl ble y gallan nhw weld y fflam Olympaidd.
Dywedodd Cyngor Casnewydd y byddai rhywfaint o oedi o ran trafnidiaeth pan fydd y fflam yn y ddinas rhwng 3.45pm a 4.45pm ddydd Gwener.
I gael gwybod rhagor...
8/5/12
Cynhaliodd swyddogion Plismona’r Ffyrdd ymgyrch arbennig ar ddydd Sul 6 Mai gan dargedu gyrwyr a reidwyr gwrthgymdeithasol yng ngogledd Sir Gaerfyrddin a Phowys.
Rhoddwyd hysbysiadau cosb benodedig i gyfanswm o 21 beiciwr modur am oryrru, a riportiwyd pump ar gyfer eu gwysio am oryrru. Golyga hyn fod y troseddau’n rhy ddifrifol i warantu cosb benodedig a bod angen ymdrin â nhw mewn llys.
“Nod yr ymgyrch oedd mynd i’r afael â defnyddio cerbydau mewn modd gwrthgymdeithasol ar ein ffyrdd,” meddai Sue Storch o dîm diogelwch y ffyrdd Heddlu Dyfed-Powys. “Y cyflymder uchaf a welwyd oedd 109 mya, sy’n eithafol ac yn beryglus i’r beiciwr modur yn ogystal â defnyddwyr eraill y ffyrdd.
“Ond gobeithio bod y neges yn cael ei chlywed. Dewisodd dau reidiwr a stopiwyd gan yr heddlu fynychu cwrs ymwybyddiaeth cyflymder. Bwriad y cyrsiau hyn yw addysgu reidwyr a gyrwyr ynghylch peryglon gyrru’n rhy gyflym.”
Yn ystod yr ymgyrch, rhoddwyd 21 hysbysiad cosb benodedig am blatiau rhif a gamddarluniwyd, un hysbysiad cosb benodedig am fiswrn helmed nad oedd yn cydymffurfio â’r rheoliadau, a dau am feiciau modur a oedd wedi croesi dros linellau gwyn solet.
Ar gyfer cerbydau eraill, rhoddwyd 16 hysbysiad cosb benodedig i yrwyr a oedd yn goryrru, gydag un yn cael ei riportio ar gyfer ei wysio ar ôl cael ei ddal yn gyrru ar gyflymder o 109mya ar hyd yr A40 ger Llandeilo. Derbyniodd saith gyrrwr gyrsiau ymwybyddiaeth cyflymder, rhoddwyd cosbau penodedig i dri am ddefnyddio’u ffônau symudol wrth yrru, a riportiwyd un gyrrwr am fod heb yswiriant.
Hefyd yn ystod yr ymgyrch, arestiwyd dau o bobl am feddu ar gyffuriau rheoledig a chyflwynwyd un rhybudd canabis.
1/5/12
Fe wnaeth Adain Diogelwch y ffyrdd ymysg mudiadau diogelwch eraill fynychu noswaith Diogelwch ar y Fferm yn ddiweddar ym Mhafiliwn Bont, Pontrhydfendigaid. Pwrpas y noswaith oedd godi ymwybyddiaeth ynglyn â materion iechyd a diogelwch sydd yn amgylchu'r diwydiant ffermio. “ 
Mae’r sector amaeth yn gyfrifol am 20% o farwolaethau gweithwyr bob blwyddyn yn y Deyrnas Unedig”
Roedd y noswaith yn llwyddiant a chafodd pop grwp oedran gyrru eu targedu gan Adain Diogelwch y Ffyrdd. Cafodd y dysgwyr a’r gyrwyr oedd eisiau profi eu canfyddiad perygl y cyfle i wneud hyn trwy ddefnyddio’r peiriant Efelychwr tra cafodd y genhedlaeth hun y cyfle I brofi eu llygaid ar y sgrin golwg.
Mae ffermio wrth galon Ceredigion felly mae sicrhau diogelwch tra bod yn gyfrifol am gerbyd yn hanfodol i gadw Diogelwch ar y Ffyrdd drwy Ceredigion.
16/4/12
Cafodd rhieni a gwarchodwyr Ceredigion y cyfle ym Mis Mawrth 2012 i dderbyn cyngor ynglyn a diogelwch seddau ceir plant ynghyd a chael eu seddau wedi’u hyarchwylio gan aelodau o dîm Diogelwch y Ffyrdd a Gwasanaeth Tân ac Achub Canolbarth a Gorllewin Cymru.
Mae rhagor o ddiwrnodau wedi eu trefnu ar gyfer wythnos Diogelwch y Plant yn ystod mis Mehefin ar draws y sir yn
gyfangwbl gyda’r amcan o hybu pwysigrwydd cael sedd eich plentyn wedi’u ffitio’n gywir. Mae’r archwiliad am ddim, ac yn cymeryd ond rhai munudau ac yn fwyaf pwysig, gallai atal anaf difrifol ac achub bywyd eich plentyn.
Mae cymaint ag 8 allan o bob 10 sedd wedi cael eu ffitio yn anghywir (Good Egg Guide) Yn ystod y fenter yng Ngheredigion allan o 98 sedd a gafodd eu harchwilio roedd dros hanner ohonynt wedi cael ei ffitio yn anghywir. Roedd llawer o’r seddi yn anaddas ar gyfer pwysau a thaldra'r plentyn ac yn aml darganfuwyd fod y sedd yn anghymarus gyda’r cerbyd.
Dwedodd Mr Terry Jones, Swyddog Diogelwch y Ffyrdd yng Ngheredigion: “Amcan yr archwiliadau yma yw amlygu pwysigrwydd cael sedd car eich plentyn wedi’u ffitio’n gywir a byddant hefyd yn cynnig cymorth ac arweiniad i rieni ynglyn â dewis y sedd orau ar gyfer maint, pwysau a thaldra eu plant.”
Bydd yr archwiliadau ceir yn cymeryd lle yn y lleoliadau canlynol rhwng 10yb a 4yp:
18fed Mehefin: Tesco, Aberteifi
19eg Mehefin: Co-Op, Llambed
20fed Mehefin: Morrisons, Aberystwyth
Os oes gennych unrhyw gwestiwn, cysylltwch gyda Adain Diogelwch y Ffyrdd Ceredigion ar 01545 572409.
13/4/12
Fel rhan o ymgyrch codi ymwybyddiaeth ddiweddar cafodd bron i 2000 o yrwyr a theithwyr eu stopio gan yr heddlu am nad oeddynt yn gwisgo’u gwregysau diogelwch.
Lansiwyd yr ymgyrch Cymru gyfan yn safle Airbus UK, Sir y Fflint ar
Fawrth 12 gyda chefnogaeth gwasanaethau brys Cymru, y Cynghorau a grwpiau diogelwch y ffyrdd.
Yn ystod pythefnos o batrolau targedig cafodd o yrwyr a theithwyr eu stopio, ac os yn briodol, eu dirwyo gan swyddogion am beidio â gwisgo’u gwregysau.
Mae canlyniadau’r ymgyrch yn dangos yn bod cannoedd o yrwyr a theithwyr yn dal i dorri’r gyfraith ac yn anwybyddu’r cam syml hwn a allai arbed eu bywydau:
Amcangyfrifir bod mwy na 1,000 o fywydau'n cael eu harbed yn y DU bob blwyddyn o ganlyniad uniongyrchol i wregysau diogelwch.
Mewn ymgyrch debyg y llynedd cafodd 2163 o yrwyr a theithwyr ledled Cymru eu dal heb wregysau ac mae’r ymgyrch ddiweddaraf hon yn dangos yn glir bod lefelau diffyg cydymffurfiad yn uchel o hyd.
Meddai Dirprwy Brif Gwnstabl Gogledd Cymru, Ian Shannon: “Mae’n siomedig bod cymaint o yrwyr a theithwyr yng Nghymru wedi cael eu dal heb wregys yn ystod yr ymgyrch eleni.
“Mae tystiolaeth i bod pobl yn llai tebygol o wisgo gwregys ar siwrneiau byr neu gyfarwydd, ond hyd yn oed ar siwrneiau byr a chyfarwydd ac ar gyflymderau isel mae perygl go iawn o anaf difrifol neu farwolaeth mewn gwrthdrawiad.
“Gwisgwch eich gwregys bob amser – rydych yn llawer mwy tebygol o farw mewn damwain os nad ydych yn gwneud hynny. Rydym yn benderfynol o leihau’r nifer o farwolaethau ac anafiadau difrifol ar ein ffyrdd.
“Byddwn yn dal ati i weithredu’n gadarn er mwyn sicrhau bod pob gyrrwr a theithiwr yn gwisgo’u gwregys a byddwn yn parhau i fod yn weithgar gydol y flwyddyn er mwyn addysgu modurwyr a gorfodi cyfreithiau gwregysau diogelwch.”
Gallai gyrwyr a theithwyr sydd ddim yn gwisgo’u gwregys wynebu Hysbysiad Cosb Benodol o £60 neu ddirwy o hyd at £500 yn y llys.
Bob blwyddyn ar hyd a lled Cymru bydd yr Heddlu a’i bartneriaid yn cynnal ymgyrchoedd diogelwch y ffyrdd sy’n seiliedig ar y ‘5 Angheuol’, sef y pum ffactor sy’n cyfrannu fwyaf tuag at wrthdrawiadau angheuol ar y ffyrdd:
- peidio â gwisgo gwregys diogelwch wrth yrru
- yfed neu gymryd cyffuriau a gyrru
- defnyddio ffôn symudol wrth yrru
- goryrru
- gyrru diofal a pheryglus
Yn dilyn yr ymgyrch gwregysau diogelwch eleni bydd ymgyrchoedd eraill yn cael eu cynnal drwy gydol y flwyddyn fydd yn canolbwyntio ar y ffactorau cyfrannol eraill hyn.
12/4/12
Mae’r Cerdyn Damweiniau yn cynnwys manylion personol megis enw, dyddiad geni ac alergeddau y gall y gwasanaethau brys eu defnyddio petai argyfwng. Mae’r cardiau ar gael gan Uned Diogelwch ar y Ffyrdd y cyngor.
Gellir gosod y cerdyn yn leinin helmed y beiciwr modur a bydd y gwasanaethau brys yn gwybod ei fod yn bresennol gyda dot gwyrdd bychan a leolir ar gornel miswrn yr helmed.
Mae’r fenter ddiweddaraf hon yn cyd-fynd â’r posteri gwybodaeth melyn ‘Reidiwch yn Ofalus’ sy’n cael eu dosbarthu ar hyd ochrau’r ffyrdd yn y sir.
Ar gefn pob poster, sy’n atgoffa beicwyr modur a gyrwyr ceir fel ei gilydd am ddiogelwch ar y ffyrdd, mae sticer cyfeirnod grid a gellir rhoi’r cyfeirnod i’r gwasanaethau brys i’w helpu nodi’r union ffordd petai damwain neu argyfwng – gan ostwng yr amser o bosibl a gymerir i’ch cyrraedd. Mae enw a rhif y ffordd ar gael er gwybodaeth hefyd.
Dywedodd Alyson Broome, Swyddog Prosiect Diogelwch ar y Ffyrdd y cyngor: “Mae ffyrdd Powys yn boblogaidd iawn gyda beicwyr modur ond un mater a godwyd gan y gwasanaethau brys oedd y byddai’r beicwyr modur yn cwrdd mewn un lle, gyrru ymlaen i rywle arall, heb wybod enw’r naill na’r llall o anghenraid.
"Mae’r cardiau yn helpu i adnabod unigolyn yn gyflym ac unrhyw hanes meddygol petai argyfwng. Mae’n syniad mor syml, a grëwyd yn wreiddiol gan y Clwb Beiciau Modur Ambiwlans, ond mae’n bosibl y gall wneud y gwahaniaeth rhwng damwain ddifrifol a damwain angheuol.
Am Gerdyn Damweiniau am ddim, cysylltwch â’r Uned Diogelwch ar y Ffyrdd ar 01597 826979 neu anfonwch e-bost gyda’ch enw a’ch cyfeiriad at diogelwch.ffyrdd@powys.gov.uk
11/4/12
Mae beicwyr modur ym Mhowys yn cael eu hannog i lawrlwytho ‘app’ ffôn symudol sydd wedi’i gynllunio i wella diogelwch ar gyfer beicwyr modur. Bydd ‘app’ ‘iBiker’ yn galluogi defnyddwyr i gynllunio a rhoi sgôr i ffyrdd ym Mhrydain. Bydd yr ‘app’ hefyd yn caniatáu i feicwyr wylio fideos o ffyrdd ar eu ffonau cyn iddynt deithio.
Mae Uned Diogelwch ar y Ffyrdd Cyngor Sir Powys yn apelio ar feicwyr i ddechrau defnyddio’r ‘app’ fel y gallant helpu i ostwng nifer y damweiniau beicwyr modur ar ffyrdd y sir. Yr Uned yw’r cyntaf yng Nghymru i gyflwyno’r ‘app’, sydd eisoes yn boblogaidd led led canolbarth Lloegr, ac sydd wedi darlledu’r ffyrdd mwyaf peryglus ym mhob cwr o Bowys.
Dros gyfartaledd tair blynedd, gwelwyd fod 47 y cant o feicwyr modur a laddwyd neu a anafwyd yn ddifrifol ar ffyrdd Powys yn hanu o ganolbarth Lloegr. Trwy ddarparu gwybodaeth ar ffyrdd Powys trwy ‘app’, gall yr Uned gyrraedd y rheini sy’n dod i’r sir ar feiciau modur o ymhellach i ffwrdd.
Dywedodd Alyson Broome, Swyddog Prosiect Diogelwch ar y Ffyrdd y cyngor: “Rydym yn annog beicwyr modur lleol i rannu eu gwybodaeth am yr ardal trwy’r ‘app’. Naill ai eich hoff ffyrdd, yr ardaloedd peryglus neu eich hoff le i gael egwyl, rydym yn gobeithio y bydd y wybodaeth leol hon yn helpu’r sawl nad ydynt yn gyfarwydd â’r sir i deithio trwyddi yn fwy diogel.
“Gall perchnogion busnesau lleol hefyd gymryd rhan trwy uwchlwytho eu caffi, bwyty neu siop a chodi ymwybyddiaeth ymysg y gymuned feicio am eich lleoliad.”
Mae’r ‘app’ ‘iBiker’ ar gael ar ‘Android’ ac ‘iOS’ ac ond yn costio £1.49 i’w lawrlwytho. Rheolir yr ‘app’ gan fenter gymdeithasol felly bydd yr holl gronfeydd yn cael eu bwydo syth yn ôl i ddatblygu’r ‘app’, a sefydlwyd diolch i nawdd gan yr Adran Drafnidiaeth. Edrychwch yn eich siop ‘app’ am ‘iBiker’.
3/1/12
Mae partneriaeth arloesol diogelwch y ffyrdd rhwng Gwynedd, Môn a’r tri gwasanaeth brys wedi cael ei lansio yn swyddogol mewn digwyddiad diogelwch y ffyrdd yng Ngholeg Meirion-Dwyfor, Glynllifon.
Mae’r cytundeb cyntaf o’i fath yng Nghymru yn golygu y bydd Partneriaeth Diogelwch Ffyrdd Gwynedd- Môn yn gweld timau o Gyngor Gwynedd, Cyngor Sir Ynys Môn, Heddlu Gogledd Cymru, Gwasanaethau Ambiwlans Cymru a Gwasanaeth Tân ac Achub Gogledd Cymru yn gweithio gyda’i gilydd i sicrhau diogelwch ar y ffyrdd yn y ddwy sir.
Dywedodd Dermot O’Leary o Wasanaeth Ambiwlans Cymru a Chadeirydd y Bartneriaeth:“Mae partneriaeth diogelwch ffyrdd ar gyfer Ynys Môn a Gwynedd yn dod a sgiliau a phrofiad y gwasanaethau brys a’r awdurdodau lleol ynghyd gydag un uchelgais sef, lleihau’r nifer o bobl sy’n cael eu lladd neu eu hanafu’n ddifrifol ar y ffyrdd. Yn rhy aml rydym yn gweld canlyniadau trasig damweiniau ffyrdd a’u heffeithiau parhaus ar gymunedau lleol. Trwy gydweithio mewn ffordd ddeallusol a chanolbwyntio, gallwn dargedu grwpiau risg uchel a’r grwpiau sy’n agored i niwed gan bwysleisio’r neges nad yw diogelwch ar y ffyrdd yn ddamwain.”
Bwriad y bartneriaeth newydd yw sicrhau bod holl asiantau’r bartneriaeth yn gweithio gyda’i gilydd i sicrhau cydlynu negeseuon diogelwch ar y ffyrdd ar draws Gwynedd a Môn.
Hefyd fel rhan o’r digwyddiad, lansiwyd gwefan newydd Partneriaeth Diogelwch Gwynedd- Môn - www.dffgwyneddmon.net - bydd y wefan yn darparu amrywiaeth o gyngor, gwybodaeth ac awgrymiadau ynglyn â chadw yn ddiogelwch ar ffyrdd yn y ddwy sir.
Dywedodd y Cynghorydd Stephen Churchman, sy’n arwain ar faterion diogelwch y ffyrdd ar Gyngor Gwynedd: “Mae materion diogelwch ar y ffyrdd yn effeithio arnom i gyd ac mae ystadegau damweiniau ffyrdd yng Nghymru yn ddifrifol, yn enwedig damweiniau sy’n ymwneud â gyrwyr neu deithwyr rhwng 17 a 26 oed. Mae taclo’r mater yn flaenoriaeth i bob un o aelodau’r bartneriaeth ac mae’n braf iawn gweld asiantaethau yn dod at ei gilydd i rannu un neges gyffredin. Mae gwaith y bartneriaeth yn barod i’w weld ar y wefan. Mae’r adnodd hwn yn allweddol i lwyddiant y gwaith ac yn darparu cyfleusterau a gwybodaeth wych ar gyfer pobl o bob oedran.”
Nododd Huw Percy, Prif Beiriannydd o Gyngor Sir Ynys Môn: “Roedd yn addas i’r lansiad gael ei chynnal yng Ngholeg Meirion-Dwyfor gan ei fod yn cyd-fynd gyda gweithgareddau ar hyn o bryd i hyfforddi gyrwyr ifanc ac i annog pobl ifanc i adael car os ydynt yn poeni am yrrwr yn mynd yn rhy gyflym, yn defnyddio ffon neu’n defnyddio cyffuriau neu alcohol.”
Yn ystod y dydd, cafodd myfyrwyr Coleg Meirion- Dwyfor gyfle i siarad a holi swyddogion diogelwch ar y ffyrdd o wahanol asiantaethau’r bartneriaeth, gydag amrywiaeth o ddigwyddiadau a chyflwyniadau hefyd yn cael eu cynnal gyda’r bwriad o bwysleisio neges diogelwch ar y ffyrdd ymysg gyrwyr ifanc.
Dywedodd Megan Jones o Ddeiniolen sy’n fyfyriwr yng Ngholeg Meirion-Dwyfor: “Roedd bod yn rhan o’r lansiad yn brofiad da iawn. Nid ydwyf yn gyrru car hyd yn hyn, ond rwyf wedi dysgu llawer iawn ynglyn â beth y dylwn i feddwl amdano, a bod yn ymwybodol ohono, pan rwyf wrth lyw’r car. Rwyf hefyd yn meddwl fy mod wedi dysgu sut i fod yn deithiwr mwy cyfrifol, ac i ddweud wrth yrrwr car os rwyf yn meddwl eu bod yn gyrru’r car yn beryglus. Mae’r wefan newydd yn syniad da, fe wnaiff roi llawer iawn o wybodaeth helpu gyrwyr ifanc ddysgu am ddiogelwch ffordd.”
Ychwanegodd Ben Hughes o Bwllheli sydd hefyd yn fyfyriwr yn y coleg: “Nid ydwyf a thrwydded yrru ar hyn o bryd, ond rwyf yn bwriadu defnyddio’r wefan i ddysgu mwy ac i baratoi fy hun at pan fyddai’n dysgu gyrru. Fel rhan o’r lansiad roeddem yn cael cyfle i glywed am brofiadau’r swyddogion gwasanaethau brys, ac i’w holi hefyd. Credaf ei bod yn bwysig iawn i ddyddiau fel hyn gael eu cynnal, er mwyn i bobl ifanc ddod yn ymwybodol o bwysigrwydd diogelwch ffyrdd. Mae cael gwefan newydd gyda’r holl wybodaeth arno yn mynd i fod yn ddefnyddiol iawn. Rwy’n falch fy mod wedi cael cyfle i fod yn rhan o’r lansiad.”
11/10/11
Mae ymgyrch sydd wedi'i anelu at gadw gyrwyr hyn yn gyrru am gyfnod hirach wedi'i lansio ledled Gogledd Cymru. Wedi'i lansio gan Grwp Diogelwch Ffyrdd Gogledd Cymru, bydd yr Ymgyrch Gyrwyr Hyn yn annog gyrwyr dros 60 oed i gymryd rhan yn y cwrs asesu gyrru sydd bellach ar gael gan y chwe awdurdod lleol ledled Gogledd Cymru.
Wedi'i gydlynu gan Gyngor Sir y Fflint, mae'r cwrs yn cael ei ddarparu gan hyfforddwyr sydd wedi'u hyfforddi gan Wasanaeth Asesu Gyrru a Symudedd' sy'n cynnig asesiad dwy awr a gwasanaeth o ddrws i ddrws. Gall unigolion ddefnyddio cerbydau eu hunain.
Bydd yr asesiad yn edrych ar arferion gyrru'r rhai sy'n cymryd rhan ac yn awgrymu ffyrdd o wella eu sgiliau gyrru, yn rhoi'r sgiliau iddynt allu ymdopi ac yn tynnu'r straen allan o yrru ar y ffyrdd prysur sy'n bodoli heddiw.
Meddai Wendy Davies-Williams, Cadeirydd Grwp Diogelwch Ffyrdd Gogledd Cymru: "Wrth i ni fynd yn hyn, efallai y byddwn yn gweld rhai newidiadau - bydd yr amser y byddwn yn ei gymryd i ymateb yn arafach, bydd hi'n cymryd mwy o amser i ni wneud penderfyniadau ac efallai y bydd ein golwg neu'n clyw yn gwaethygu. Pan fyddwn yn dechrau sylwi ar y pethau hyn, mae'n bwysig ein bod ni'n sylwi y bydd ein gyrru'n cael ei effeithio arno. Gall yr asesiad ynghyd â blynyddoedd o brofiad eich helpu chi i yrru am oes - nid prawf gyrru yw hwn, prif nod yr ymgyrch yw cadw pobl yn gyrru'n ddiogel am gyfnod hirach.
"Hyd yma yng Ngogledd Cymru, mae pobl hyn eisoes wedi manteisio ar y cyfle hwn ac wedi mynychu cwrs y maen nhw wedi'i weld yn hynod ddefnyddiol. Mae'r adborth yr ydym ni fel Grwp Diogelwch Ffyrdd wedi'i gael yn hynod bositif."
"Mae hyn yn ymwneud ag addysg, nid gorfodaeth," meddai Gareth Jones, Rheolwr Diogelwch y Ffyrdd.
"Mae amodau gyrru heddiw yn hollol wahanol i'r hyn mae nifer o yrwyr wedi eu hyfforddi i ddelio â nhw pan gawsant eu hyfforddi i yrru y tro cyntaf ac fe ddylai'r rhan fwyaf o bobl allu parhau i yrru - yn fwy diogel - drwy addasu'r ffordd maent yn gyrru a dilyn cyngor y gyrwyr proffesiynol.
Ychwanegodd: "Mae nifer y gwrthdrawiadau dros yr ychydig flynyddoedd diwethaf sydd wedi cynnwys gyrwyr dros 65 oed wedi dod yn achos pryder. Yn 2010, roedd 233 o wrthdrawiadau yn cynnwys gyrwyr dros 65, sydd gyfwerth â 13.1% o'r holl wrthdrawiadau. Hyd yma eleni, cafwyd 150 o wrthdrawiadau sydd 16.2% o'r holl wrthdrawiadau, sy'n eithaf pryderus.
"Ni fydd trwydded yrru neb o dan fygythiad o ganlyniad i fynychu'r asesiad penodol hwn. I nifer o yrwyr, mae'r gallu i yrru yn cynrychioli eu hannibyniaeth."
Ar fore’r lansiad, cwblhaodd Peter Davies o Ruallt, sy’n 71 oed, yr asesiad gyrru ac fe ddywedodd: “Fe wnes i basio fy mhrawf gyrru y tro cyntaf 53 mlynedd yn ôl ac ers hynny rydw i wedi gyrru mewn nifer o wahanol wledydd megis Dubai, Cario, UDA, Ewrop a De Affrica ac ar ôl 53 mlynedd o yrru, rydych yn datblygu arferion drwg. Mae hwn yn gynllun gwych, nid prawf ydyw, mae’n broses syml er mwyn sefydlu eich sgiliau gyrru presennol, wedi’i ddilyn gan gyngor defnyddiol mewn meysydd y gellir eu gwella. Ers i mi basio fy mhrawf gyrru’r tro cyntaf, dydw i ddim wedi cael unrhyw gyngor proffesiynol am safon fy ngyrru. Ar ôl cyflawni’r asesiad gyrru hwn gallaf ddweud fy mod yn fwy hyderus am yrru ac yn fwy ymwybodol o’r gwelliannau y gallaf eu gwneud mewn perthynas â fy sgiliau gyrru fy hun.”
Mae Gwasanaeth Asesu Gyrru a Symudedd Cymru wedi ymroi i helpu pobl i gadw eu symudedd ac i gydnabod pwysigrwydd annibyniaeth a'r gallu i yrru'n ddiogel. Meddai Gary Jones, Rheolwr Canolfan Gogledd Cymru: "Rydym wedi croesawu'r cyfle i weithio â Grwp Diogelwch Ffyrdd Gogledd Cymru er mwyn sefydlu rhwydwaith o hyfforddwyr gyrru arbenigol sydd bellach yn gallu darparu'r lefelau uchaf o asesiadau a chyngor i yrwyr hyn ledled Gogledd Cymru.
"Fe ddylai pawb gydnabod y newidiadau sy'n gallu dod gyda'r broses heneiddio a'r ffordd y gall hyn effeithio ar ein diogelwch fel gyrwyr. Trwy'r Rhaglen Gyrwyr Hyn rydym yn gallu sicrhau bod gyrwyr yn cael y cyngor priodol am eu sgiliau gyrru er mwyn galluogi pobl i yrru'n ddiogel am gyfnod hirach."
Er mwyn gwneud cais am yr asesiad bydd angen i chi lenwi ffurflen, sydd ar gael gan Adrannau Diogelwch y Ffyrdd y Chwe Cyngor. Ar ôl llenwi'r ffurflen dylech ei hanfon at Gyngor Sir y Fflint, a fydd yn trefnu elfen weinyddol y cwrs.
23/06/2011
Mae ymgyrch i geisio lleihau’r nifer sy’n yfed a gyrru wedi gweld 2,000 o brofion anadl yn cael eu cynnal yn ystod pythefnos cyntaf mis Mehefin.
Hyd yma, mae *2,133 o bobl wedi cael prawf anadl fel rhan o’r Ymgyrch Peidiwch ag Yfed a Gyrru na Chymryd Cyffuriau a Gyrru Cymru Gyfan a lansiwyd yng Nghaernarfon ar ddydd Mercher, 1 Mehefin.
Yn ystod pythefnos cyntaf yr ymgyrch a fydd yn para am fis, arestiwyd 47 o bobl ar ôl i yrwyr fethu profion anadl wrth gael eu stopio ar ochr y ffordd.
Dywedodd yr Arolygydd Alan Hughes o Uned Plismona’r Ffyrdd Heddlu Gogledd Cymru: “ Fe gyhoeddom ar ddechrau’r ymgyrch y byddem yn canolbwyntio ein hymdrechion ar dargedu gyrwyr sy'n yfed neu’n cymryd cyffuriau ac yn gyrru.
“Er gwaethaf y rhybudd hwnnw, yn ystod pythefnos cyntaf yr ymgyrch, mae 47 o yrwyr wedi eu harestio yng Ngogledd Cymru yn dilyn cynnal profion anadl ochr ffordd. Os byddant yn eu cael yn euog, bydd pob un ohonynt yn cael eu gwahardd rhag gyrru am o leiaf 12 mis, yn wynebu dirwy fawr ac fe allent golli eu swyddi."
Yn ddiweddar, arestiwyd dyn 28 oed o Rugby am fod dair gwaith dros y cyfyngiad cyfreithlon ar gyfer yfed a gyrru. Mae o bellach wedi ei gyhuddo ac wedi ei ryddhau ar fechnïaeth i ymddangos gerbron Llys Ynadon Caergybi ar ddydd Iau 7 Gorffennaf.
Ychwanegodd yr Arolygydd Hughes: “Bydd swyddogion yn parhau i weithio’n galed i ddal y rhai sy’n gyfrifol. Mae pobl sy’n yfed a gyrru yn achosi perygl iddyn nhw eu hunain, eu teithwyr a phobl eraill sy'n defnyddio'r ffordd. Bydd yr ymgyrch yn parhau, cymerwch sylw o'r rhybudd os gwelwch yn dda."
* Roedd y ffigyrau a ddefnyddiwyd yn rhai rhwng 1 a 15 Mehefin.
Mae Heddlu Gogledd Cymru yn annog unrhyw un sydd ag unrhyw wybodaeth am bobl sy'n yfed a gyrru i'w riportio nhw drwy ffonio 101 (os yng Nghymru) neu 0845 607 1001 (Llinell Gymraeg), 0845 6071002 (Llinell Saesneg) os yr ydych yn ffonio o du allan i Gymru. Gellir hefyd ffonio Crimestoppers Cymru yn ddi-enw ar 0800 555 111.
8/6/11
Daeth y Gwasanaethau Brys at ei gilydd yng Nghaffi'r Petrolheads ym Magillt dros y penwythnos i ymgysylltu gyda gyrwyr a lansio cerbyd newydd wedi ei gomisiynu'n arbennig fydd yn helpu i addysgu gyrrwr ifanc am ddiogelwch ar y ffyrdd. Siaradodd staff o Wasanaeth Tân ac Achub Gogledd Cymru, Heddlu Gogledd Cymru, Ymddiriedolaeth GIG y Gwasanaeth Ambiwlans a Pentreperyglus, - yr Elusen Addysg Diogelwch gyda dros 100 o fodurwyr nos Sadwrn a dangos y cerbyd newydd fydd yn cael ei ddefnyddio i atynnu gyrwyr newydd.
Wedi ei ariannu gan Heddlu Gogledd Cymau a'i reoli gan elusen addysg diogelwch PentrePeryglus, mae'r cerbyd yn un amlasiantaeth fydd yn cael ei ddefnyddio mewn digwyddiadau'r Gwasanaethau Brys ar draws yr ardal.
Mae'r 'fan' yn gerbyd sydd ag offer clyweled yn gynnwys PC amlgyfryngau diffiniad uchel, dwy sgrin fflat HD LCD, chwyddseinyddion is-sonig, chwyddseinyddion clywedol a 'subwoofers'.
Mae'r system sain yn cael ei defnyddio fel arf ymgysylltu gyda gyrwyr ifanc sy'n gweld amrywiaeth o adnoddau clywedol fydd yn codi eu hymwybyddiaeth o'r peryglon o yrru ac ymddygiad gwrth gymdeithasol. Mae negeseuon allweddol yn cynnwys gwregysau diogelwch, gyrru ar ôl bod yn yfed a chymryd cyffuriau, gwrthdyniad a ffonau symudol a goryrru.
Eglurai Sharon Bouckley o Adran Diogelwch Cymunedol Gwasanaeth Tân ac Achub Gogledd Cymru:
"Gwrthdrawiadau traffig ar y ffyrdd yw'r lladdwr mwyaf o bobl rhwng 15-24 oed - dim ond un o bob wyth sy'n dal trwydded sydd o dan 25, ond mae un o bob tri o'r gyrwyr sy'n marw ar ffyrdd y DY o dan 25 oed.
"Rydym ni fel Gwasanaeth Tân ac Achub yn mynychu nifer uchel o wrthdrawiadau traffig ar y ffyrdd sy'n cynnwys pobl ifanc - ac rydym ni'n gwneud popeth y gallwn i sy'n cynnwys pobl ifanc - ac rydym ni'n gwneud popeth y gallwn i addysgu ein pobl ifanc a gostwng y nifer o drasiedïau ar ein ffyrdd.
"Bydd y cerbyd newydd yma'n ein helpu ni i ostwng y nifer o farwolaethau a chreu cenhedlaeth newydd o yrwyr cyfrifol."
Dywed y Cwnstabl Meurig Jones o Heddlu Gogledd Cymru a fynychodd y digwyddiad: "Trwy fynychu'r math yma o ddigwyddiad ymgysylltu, rydym ni'n gallu torri'r rhwystrau gyda'r gyrwyr ifanc yma.
"Roedd hwn yn gyfle arbennig i siarad gyda gyrwyr ifanc am faterion fel pwysigrwydd gwisgo gwregysau, peryglon goryrru a gyrru heb ofal.
Ychwanegodd: "Mae addysg yn hanfodol wrth geisio gostwng y nifer o anffodusion ar y ffyrdd a byddwn ni'n parhau i weithio'n agos gyda'n hasiantaethau partner i drosglwyddo'r neges o ddiogelwch ar y ffyrdd."
Ychwanegodd Victoria Burrows o Pentreperyglon: "Mae darganfod ffyrdd newydd o gynyddu diogelwch pobl ifanc a chodi ymwybyddiaeth yn flaenoriaeth i Pentreperyglon.
"Gyda'r cerbyd newydd, mae gennym ni gyfle gwych i weithio ar draws Gogledd Cymru gyda'r gwasanaethau brys i ymgysylltu gyda llawer o bobl ifanc.
Dywedodd Pencampwr Diogelwch ar y Ffyrdd y Gwasanaeth Ambiwlans Cymreig, Dermot O'Leary: "Rydym ni'n cael ei galw i ddigwyddiadau ar y ffyrdd sy'n cynnwys pobl ifanc yn llawer rhy aml, ac fe allwch weld efallai mai diffyg canolbwyntio sydd wedi arwain at y digwyddiadau anffodus.
"Mae'r digwyddiadau trasig yma'n gallu achosi sioc i'r teuluoedd, ffrindiau, cymunedau a'n criwiau hyd yn oed am fisoedd, blynyddoedd efallai. Trwy gefnogi'r fenter newydd hon, rwy'n gobeithio y gallwn ni ostwng y digwyddiadau yma a phwysleisio'r gofal ychwanegol sydd ei angen i deithio ar ffyrdd yr ardal."
Mae’r llun yn dangos rhai o’r bobl ifanc hefo aelodau o’r gwasanaethau brys tu allan i gaffi’r ‘Petrolheads’ ym Magillt.
8/6/11
Meddyliwch cyn yfed – dyna’r neges gan blant Gwynedd mewn cystadleuaeth arbennig i ddylunio poster ar gyfer ymgyrch yfed a gyrru haf 2011. Gwahoddwyd disgyblion o holl ysgolion cynradd Gwynedd i gymryd rhan mewn cystadleuaeth i ddylunio poster fyddai’n annog gyrwyr i beidio yfed a gyrru.
Ennillydd y gystadleuaeth oedd Sarah Marie Sivyer, disgybl deg oed o Ysgol Talysarn ac mae Sarah wedi derbyn camera fflip a chopi o'i phoster wedi ei fframio fel gwobr. Derbyniodd Sarah ei gwobr yn lansiad Ymgyrch Atal Yfed / Cymryd Cyffuriau a Gyrru Cymru Haf 2011 a gynhaliwyd yng Nghaernarfon ar ddydd Mercher, 1 Mehefin 2011.
Dywedodd y Cynghorydd Gareth Roberts, Uwch Arweinydd Portffolio Amgylchedd Cyngor Gwynedd:
“Fel Cyngor, rydym yn falch o allu cydweithio gyda’r heddlu ar Ymgyrch Yfed a Gyrru Haf 2011. Bwriad yr ymgyrch ydi annog gyrwyr i ymddwyn yn gyfrifol, rydym yn awyddus fod pobl yn mwynhau eu hunain dros yr haf ond os ydynt yn yfed mae’n bwysig eu bod yn meddwl am sut y byddant yn mynd gartref.
“Braf gweld fod cymaint o bobl ifanc Gwynedd wedi cymryd rhan yn y gystadleuaeth poster. Llongyfarchiadau mawr i Sarah ac i’r holl blant fu’n cymryd rhan yn y gystadleuaeth am eu gwaith caled ar gyfer ymgyrch mor bwysig. Gobeithio y bydd gyrwyr ar hyd a lled Gwynedd yn dilyn y cyngor ac yn meddwl cyn yfed a gyrru.”
Bydd poster Sarah yn cael ei ddefnyddio ledled Gwynedd er mwyn hybu’r neges bwysig i annog gyrwyr i beidio yfed a gyrru.
Mae ymgyrch Yfed a Gyrru/Gyrru Dan Ddylanwad Cyffuriau’r Haf Cymru Gyfan yn rhedeg tan ddydd Iau, 30 Mehefin.
Rydym yn annog unrhyw un sydd â gwybodaeth am unigolion sy’n yfed neu’n cymryd cyffuriau ac yn gyrru i roi gwybodaeth i’r heddlu drwy ffonio 101 (o Gymru), 0845 607 1001 (Llinell Cymraeg) neu 0845 607 1002 (Llinell Saesneg) neu Taclo’r Taclau Cymru yn ddienw ar 0800 555 111.
Mae’r llun yn dangos Sarah yn derbyn ei gwobr gan Gareth Pritchard, Prif Gwnstabl Cynorthwyol Heddlu Gogledd Cymru.
27/5/11
Heddiw mi wnaeth siopwyr ac ymwelwyr yng Nghaernarfon ymuno â’r Heddlu i gael coctel di-alcohol o flaen lansiad Ymgyrch yr Haf yn Erbyn Yfed a Gyrru a Gyrru dan Ddylanwad Cyffuriau Cymru Gyfan yr wythnos nesaf.
Cynhaliwyd y diwrnod addysgol, a gafodd ei gynnal gan Heddlu Gogledd Cymru heddiw (dydd Gwener, 27ain Mai) fel rhan o weithgareddau wythnos gyfan sydd wedi cael eu cynnal ar y Maes yng Nghaernarfon gan Bartneriaeth Diogelwch ar y Ffyrdd Gwynedd.
Mi wnaeth staff yr Heddlu weini samplau o’r coctels di-alcohol neu’r “mocktails” i’r ymwelwyr o ‘far’ arbennig ar y Maes yn y dref. Cafodd yr unigolion gyfle hefyd i fynd â thaflenni ryseitiau coctels di-alcohol a oedd yn hyrwyddo’r neges y dylech yfed yn gyfrifol pan fyddwch yn gyrru adref gyda nhw.
Meddai Gareth Jones, Rheolwr Diogelwch y Ffyrdd Heddlu Gogledd Cymru: “Mae heddiw wedi bod yn ddiwrnod llwyddiannus gan ein bod wedi cael cyfle i ymgysylltu â’r cyhoedd – yr hen ac ifanc, i’w haddysgu am ganlyniadau yfed a gyrru a gyrru dan ddylanwad cyffuriau.
“Diben yr wythnos hon oedd addysgu unigolion - ein cyfrifoldeb ni yw trosglwyddo’r neges nad yw yfed a gyrru a gyrru dan ddylanwad alcohol yn dderbyniol. Drwy gymryd rhan yn yr wythnos hon o weithgareddau addysgu gyda’n partneriaid, rydym yn gobeithio y gallwn annog unigolion i beidio â chymryd y risg.”
Roedd swyddogion heddlu o Uned Plismona’r Ffyrdd hefyd yn bresennol i siarad ag unigolion am beryglon a chanlyniadau gyrru dan ddylanwad alcohol a chyffuriau, a chafodd aelodau’r cyhoedd gyfle i wisgo ein sbectol sy’n amharu ar y golwg neu ‘sbectol gwrw’ fel y’i gelwir hi sy’n dangos sut mae’n teimlo i fod yn feddw a pha mor beryglus yw hyn.
Mae Bws Gwybodaeth Gwasanaeth Tân ac Achub Gogledd Cymru hefyd wedi bod ar y Maes drwy gydol yr wythnos gyda chynrychiolwyr o Gwasanaeth Ambiwlans Cymru a Chyngor Gwynedd.
Fe ychwanegodd Gareth Jones: “Mae’n hanfodol ein bod yn trosglwyddo’r neges na fyddwn yn goddef unigolion yn gyrru dan ddylanwad alcohol a chyffuriau ar ffyrdd Gogledd Cymru.
“Rydym eisiau i unigolion gael haf cofiadwy am y rhesymau cywir.”
Bydd Ymgyrch yr Haf yn Erbyn Yfed a Gyrru a Gyrru dan Ddylanwad Cyffuriau Cymru Gyfan yn cael ei lansio am 11am dydd Mercher, 1af Mehefin ar y Maes yng Nghaernarfon.
26/5/11 
Mae Carl Sargeant, y Gweinidog Trafnidiaeth, wedi croesawu’r ffigurau diweddaraf a gyhoeddwyd heddiw sy’n dangos bod ffyrdd Cymru yn fwy diogel nag erioed, ac yn wir ers i’r cofnodion ddechrau 43 o flynyddoedd yn ôl. Mae'r ffigurau - 'Nifer y Rhai a Gafodd eu Hanafu ar y Ffyrdd yng Nghymru, 2010' yn dangos bod nifer y damweiniau ar y ffordd a nifer y rhai a gafodd eu hanafu neu eu lladd yng Nghymru yn parhau i ddisgyn o'i gymharu â blynyddoedd y gorffennol, ac mae'r nifer wedi disgyn i'r ffigwr isaf a welwyd ers 1968.
Anafusion Ffyrdd a Gofnodwyd gan yr Heddlu, 2010
Marwolaethau Traffig y Ffyrdd a Adroddwyd i'r Heddlu, 2010
Mae'r ystadegau allweddol yn cynnwys:
•Cafodd 95 o bobl eu lladd ar ffyrdd Cymru yn 2010, sef 30 (24%) yn llai nag yn 2009.
•Cafodd 998 o bobl eu hanafu'n ddifrifol yn 2010, sef 98 (9%) yn llai nag yn 2009.
•Yn ystod 2010 cofnodwyd yng Nghymru 6,856 o ddamweiniau ffordd gan yr heddlu lle cafodd pobl eu hanafu, sef 270 (4%) yn llai nag yn 2009.
•Yn y damweiniau hyn cafodd 9,961 o bobl eu hanafu, sef 393 (4%) yn llai nag yn 2009.
•Cafodd 8,868 o bobl fân-anafiadau, sef lleihad o 265 (3%) o'i gymharu â'r flwyddyn flaenorol
Dywedodd y Gweinidog:
"Mae'n drychineb bod pobl yn colli eu bywydau ar ein ffurf.
"Mae'r llywodraeth hon wedi ymrwymo'n llwyr i sicrhau bod ffyrdd Cymru yn fwy diogel ac mae'r ffigurau hyn yn dangos bod ein gwaith o hyrwyddo gyrru mwy diogel drwy addysgu gyrwyr yn effeithiol, drwy wneud gwelliannau diogelwch ar ein ffyrdd a chynnig camau gorfodi mwy cadarn yn cael effaith gadarnhaol.
"Ers 2007, mae Llywodraeth Cymru wedi dyrannu dros £30 miliwn er mwyn galluogi awdurdodau lleol i roi amrywiaeth eang o brosiectau diogelwch ffyrdd ar waith ac mae hynny wedi cyfrannu at y lleihad yn nifer y damweiniau ar y ffyrdd.
"Drwy gydweithio mewn partneriaeth gyda'r heddlu, arbenigwyr diogelwch ar y ffyrdd ac awdurdodau lleol bydd angen i ni barhau i hyrwyddo negeseuon diogelwch ar y ffyrdd - yn enwedig ymhlith gyrwyr ifanc - ynghyd ag atgoffa pob un sy'n defnyddio'r ffyrdd bod ganddynt gyfrifoldeb i'w hunain ac i eraill.
"Er gwaetha'r ffaith ein bod wedi bodloni targedau o ran lleihau nifer y rhai sy'n cael eu hanafu mae digon o waith ar ôl i'w wneud er mwyn sicrhau bod Cymru yn parhau fel un o'r gwledydd mwyaf diogel yn y byd i deithio ynddi."
 |
Ian Williamson (chwith) o Motorcycle Action Group yn cyflwyno'r wobr i Sarah Morris, Alan Davies a'r Cyngh Geraint Hopkins o Gyngor Sir Powys. |
24/5/11
Mae'r Motorcycle Action Group (MAG) - elusen beiciau modur gyda dros 65,000 o aelodau - wedi dyfarnu Tystysgrif Teilyngdod i Dîm Diogelwch ar y Ffyrdd Cyngor Sir Powys. Mae'r Grwp wedi bod yn cydweithio'n agos â Chyngor Sir Powys ac asiantaethau eraill i wella diogelwch beicwyr modur yn y sir trwy gyfres o fentrau arloesol fel cyflwyno dangos cyfeirnod grid yn y mannau lle mae'n wybyddus fod damweiniau wedi digwydd. Y nod yw helpu pobl na ydynt o bosibl yn sicr ble maen nhw.
Yn ogystal â hyn mae'r Tîm Diogelwch ar y Ffyrdd wedi cyflwyno cyrsiau Bikesafe i'r trigolion, wedi darparu llyfrynnau i addysgu beicwyr a hefyd wedi cynnig adnoddau fel gorchuddion tra gweladwy i ysgrepanau, llieiniau i sychu misyrnau (i warchod y llygaid) a rheolau'r ffordd fawr.
Cyflwynodd Ian Williamson o'r Motorcycle Action Group y wobr i Sarah Morris, Uwch Swyddog Diogelwch ar y Ffyrdd yng Nghyngor Sir Powys ac Is-gadeirydd Diogelwch Ffyrdd Cymru. Dywedodd Mr Williamson: "Mae'r cyfleoedd ar y cyd i weithio gyda Phowys wedi bod yn effeithiol wrth gyfathrebu gyda grwp defnyddwyr ffyrdd mor amrywiol. Dyma'r unig ffordd o gysylltu â'r gymuned beicwyr modur, trwy drafod gyda ni yn hytrach na siarad atom ni.
"Fe hyrwyddodd Powys ddiogelwch mewn gweithgaredd sydd o fantais economaidd i'r wlad. Roedd y dyddiau cysylltu a gynhaliwyd yn Storey Arms a'r Groes yn fwy llwyddiannus na'r disgwyl i'r ddwy garfan."
Yn sgîl y dull o weithio cydweithredol mae MAG wedi darparu cyfarpar i Bowys er mwyn hyrwyddo beicio modur a diogelwch ar y ffyrdd, ac mae Powys yn gofyn i MAG gyfrannu gwybodaeth ar gyfer materion beicio modur yn y sir.
Dywedodd Sarah Morris, Uwch Swyddog Diogelwch ar y Ffyrdd yng Nghyngor Sir Powys: "Rydym wrth ein bodd yn derbyn y wobr yma. Mae Powys wastad wedi denu nifer uchel o feicwyr modur ac wedi ymdrechu i roi mentrau diogelwch ar y ffyrdd ar waith, er mwyn caniatáu i feicwyr modur fwynhau ein sir mewn ffordd ddiogel a chyfrifol."
Dywedodd y Cynghorydd Sir Geraint Hopkins, Aelod Cabinet â phortffolio diogelwch ar y ffyrdd: "Rwyf yn wirioneddol falch o'r gwaith y mae'r Adran Diogelwch ar y Ffyrdd a'r Adran Drafnidiaeth yn ei wneud. Mae lleihad trawiadol yn nifer y beicwyr modur sy'n cael eu lladd ar ein ffyrdd ers i'r cynlluniau diogelwch gael eu cyflwyno. Mae'r cynlluniau'n bosibl oherwydd y cyllid a gawn oddi wrth Lywodraeth Cynulliad Cymru, ac rydym yn ddiolchgar iawn i dderbyn yr arian hwn."
24/5/11
Bydd cannoedd o blant ifanc yn Abertawe'n cael gwersi diogelwch beicio arbennig eleni i'w helpu i gadw'n ddiogel ar ddwy olwyn. 
Dyfarnwyd grant diogelwch ffyrdd arbennig i Gyngor Abertawe a fydd yn rhoi'r cyfle i Dîm Diogelwch Ffyrdd y cyngor i ymweld ag ysgolion cynradd o fis Ebrill tan fis Awst.
Bydd Clive John, Swyddog Diogelwch Beicio Cyngor Abertawe yn brysur yn ymweld ag ysgolion rhwng nawr a diwedd yr haf i wneud yn si?r bod plant yn gwybod sut i feicio a sicrhau eu bod yn ystyried eu diogelwch eu hunain.
Yn ystod y saith mlynedd y mae Clive wedi cyflawni'r rôl Swyddog Diogelwch Beicio, mae'n amcangyfrif ei fod wedi hyfforddi oddeutu 10,000 o blant ysgol.
Meddai Clive, "Mae gwybod sut i reidio beic ddiogel yn sgil allweddol y dylai bob plentyn feddu arno.
"Mae'r rhan fwyaf o blant ifanc yn mwynhau reidio beic ac rydym am sicrhau eu bod yn gallu gwneud hyn yn ddiogel yn eu cymunedau eu hunain.
Un o' ysgolion i dderbyn yr hyfforddiant yw Ysgol Gynradd Dyfnant.
Mae Phil Sterio yn athro yn yr ysgol. Meddai, "Mae'n adnodd gwych i'n plant.
"Mae'n helpu gydag ymwybyddiaeth o reolau beicio a mesurau diogelwch sylfaenol.
"Mae ein hardal yn brysur iawn ac mae'r cynllun hwn yn gwneud i'r plant feddwl cyn ei mentro hi.
"O ganlyniad, mae'r arferion da y mae plant yn eu dysgu yn parhau i'w llencyndod a'u hoedolaeth, ac mae ganddynt barch at holl ddefnyddwyr y ffordd."
Mae Cyngor Abertawe wedi derbyn cyfanswm o £595,000 yn y setliad grant diogelwch ffyrdd blynyddol gan Gynulliad Cymru. Bydd £230,000 yn mynd tuag at addysgu plant am faterion diogelwch ffyrdd gan gynnwys hyfforddiant diogelwch beicio.
23/5/11
Cynhelir wythnos o ddigwyddiadau yng Nghaernarfon cyn lansiad ymgyrch yr haf yn erbyn yfed a gyrru a gyrru dan ddylanwad cyffuriau.
Yn dechrau ar ddydd Llun 23 Mai, bydd Partneriaeth Diogelwch Ffyrdd Gwynedd sy’n cynnwys Heddlu Gogledd Cymru, Gwasanaeth Tân ac Achub Gogledd Cymru, Gwasanaeth Ambiwlans Cymru ac Uned Diogelwch y Ffyrdd Cyngor Gwynedd yn cynnal wythnos o ddigwyddiadau ar y Maes er mwyn addysgu'r cyhoedd am beryglon a chanlyniadau gyrru tra byddwch o dan ddylanwad alcohol neu gyffuriau.
Mae’r digwyddiad wedi’i drefnu i gyd-fynd ag Ymgyrch yr haf yn erbyn yfed a gyrru a gyrru dan ddylanwad cyffuriau Cymru Gyfan sy'n cael ei chynnal gan Heddlu Gogledd Cymru yng Nghaernarfon ar ddydd Mercher 1 Mehefin.
Am wythnos gyfan cyn y lansiad swyddogol, bydd Bws Diogelwch Cymunedol Gwasanaeth Tân ac Achub Gogledd Cymru wedi’i barcio ar y Maes a bydd cyfle i aelodau o'r cyhoedd siarad â staff sy'n cynrychioli Grwp Diogelwch Ffyrdd Gogledd Cymru.
Meddai Rheolwr Diogelwch y Ffyrdd Heddlu Gogledd Cymru: “Byddwn yn ymgysylltu â’r cyhoedd yn ystod yr wythnos ac yn eu haddysgu am ganlyniadau yfed a gyrru dan ddylanwad cyffuriau.
“Un ffordd effeithiol y byddwn yn atgyfnerthu’r neges ‘peidiwch ag yfed a gyrru’ yw dangos i bobl sut mae’n teimlo i fod yn feddw a pha mor beryglus y gall fod. Byddwn yn gwneud hyn drwy ddefnyddio sbectol Amharu’r Golwg, neu ‘Sbectol Gwrw’ fel y cyfeirir ati. Mae’r sbectol unigryw hon yn ail-greu effeithiau'r amhariad gan gynnwys bod yn llai gwyliadwrus, wedi drysu, anallu i weld popeth yn iawn a methu â phenderfynu ar bellter pethau.
Ychwanegodd: “Drwy weithio mewn partneriaeth gallwn helpu pawb i fod yn fwy ymwybodol o sut y gall yfed a gyrru a gyrru dan ddylanwad cyffuriau ddinistrio bywydau."
Dywedodd Paul Scott, Rheolwr Tîm Diogelwch Cymunedol Gwasanaeth Tân ac Achub Gogledd Cymru: “Rydym yn falch o fod yn cefnogi’r gweithgareddau hyn cyn ymgyrch yfed a gyrru a gyrru dan ddylanwad cyffuriau’r haf. Bydd Swyddogion y Gwasanaeth Tân yn mynychu miloedd o wrthdrawiadau traffig y ffyrdd bob blwyddyn ac yn gweld rhai o'r canlyniadau erchyll sy’n digwydd o ganlyniad i gamgymeriadau syml a wneir gan bobl bob dydd. Rydym eisiau i bawb fod yn ymwybodol o sut y gall yfed a gyrru a gyrru dan ddylanwad cyffuriau ddinistrio bywydau.”
Yn ystod yr wythnos, bydd staff hefyd yn dangos sut mae offer profi anadl yn gweithio, sut bydd yr heddlu yn cynnal profion i weld os yw rhywun yn gyrru tra maent o dan ddylanwad cyffuriau (profion FIT) a tuag at ddiwedd yr wythnos bydd cyfle i brofi ychydig o goctels di-alcohol.
Bydd taflenni yn cynnwys manylion am y cosbau y gallai pobl eu hwynebu os y ceir nhw’n euog o droseddau yfed a gyrru a gyrru dan ddylanwad cyffuriau hefyd yn cael eu dosbarthu a bydd Swyddogion Cefnogi Cymuned yr Heddlu yn siarad am sut y gall gwahanol sylweddau anghyfreithlon amharu ar eich sgiliau gyrru.
Bydd staff ar gael ar y Maes o 9.30am ymlaen drwy gydol yr wythnos yn cychwyn dydd Llun 23 Mai.
Noder:
Mae Grwp Diogelwch Ffyrdd Gogledd Cymru yn cynnwys Swyddogion Diogelwch y Ffyrdd o’r chwe awdurdod lleol yng Ngogledd Cymru, cynrychiolwyr o’r tri gwasanaeth brys a Phartneriaeth Lleihau Anafiadau Ffyrdd Cymru sy’n cyfarfod drwy gydol y flwyddyn er mwyn trafod materion diogelwch y ffyrdd.
11/5/11
Bydd y tri gwasanaeth tân ac achub yng Nghymru yn cyfranogi mewn Diwrnod Diogelwch ar y Ffyrdd ar yr 11eg o Fai, fel rhan o lansiad Degawd o Weithredu ar Ddiogelwch ar y Ffyrdd y Cenhedloedd Unedig.
Bydd swyddogion tân o'r tri gwasanaeth yn gweithio gyda'r heddlu a swyddogion diogelwch ar y ffyrdd o awdurdodau lleol ar hyd a lled Cymru, i gynnig cyngor ar ddiogelwch i yrwyr. Yn un lleoliad, bydd gyrwyr sy'n cael eu dal heb eu bod yn gwisgo gwregys diogelwch yn cael cyfle i wylio cyflwyniad diogelwch, yn hytrach na'r ddirwy arferol a phwyntiau ar eu trwydded.
Mae'r CU yn lansio 'Degawd o Weithredu ar Ddiogelwch ar y Ffyrdd' eleni, gyda'r nod o sefydlogi ac yna gostwng y nifer o farwolaethau ar ffyrdd y byd erbyn 2020. Mae oddeutu 1.3 miliwn o bobl yn marw pob blwyddyn mewn damweiniau ffordd ar hyd a lled y byd.
Dywedodd Kenny McDonald, Swyddog Lleihau Gwrthdrawiadau ar y Ffordd gyda Gwasanaeth Tân ac Achub Canolbarth a Gorllewin Cymru: "Bydd swyddogion tân, swyddogion yr heddlu a phartneriaid eraill yn mynychu amryw o leoliadau ym mhob cwr o Gymru, i hybu Degawd o Weithredu y CU, a byddant yn rhoi cyngor ar ddiogelwch ar y ffordd.
"Rydym wedi gwneud cynnydd mawr wrth leihau'r nifer o ddamweiniau ffordd yn y byd datblygedig, a thrwy'r Degawd o Weithredu ar Ddiogelwch ar y Ffyrdd rydym yn cymell cymorth i wledydd datblygol a fydd yn helpu i ostwng y nifer o farwolaethau ac anafiadau ar eu ffyrdd. Gall aelodau o'r cyhoedd arwyddo deiseb ar wefan Degawd o Weithredu y CU."
Dywedodd Neil Brown, Pennaeth Diogelwch ar y Ffyrdd gyda Gwasanaeth Tân ac Achub De Cymru: "Erbyn hyn, mae gan y Gwasanaeth Tân ac Achub gyfrifoldeb i ymyrryd ble bod Gwrthdrawiadau ar y Ffordd yn digwydd. Yn ogystal, mae ganddynt gyfrifoldeb i fynd ati'n weithgar i ymwneud â Sefydliadau Diogelwch ar y Ffyrdd eraill a'r cyhoedd, mewn ymdrech i leihau'r nifer o bobl sy'n cael eu lladd neu eu hanafu'n ddifrifol ar ein Ffyrdd.
"Trwy drefnu a chyfranogi mewn diwrnodau gweithredu fel y diwrnod a drefnir ar gyfer yr 11eg o Fai, byddwn yn mynd ati'n weithgar i ymgysylltu ag aelodau o'r cyhoedd a chynyddu eu hymwybyddiaeth o bwysigrwydd gyrru'n ddiogel, cwrteisi tuag at eraill a gyrru'n briodol ar ein priffyrdd. Mae'n hanfodol fod pobl yn cael eu haddysgu ymhellach ar faterion sy'n ymwneud â Diogelwch ar y Ffyrdd. Mae hyn yn cynnwys gyrwyr cerbydau, teithwyr a cherddwyr.
"Os fyddwn yn parhau i dynnu sylw at ddiogelwch ar y ffyrdd fel blaenoriaeth yn ystod y ddegawd nesaf, mae gennym y potensial i achub cannoedd o fywydau ar hyd a lled Cymru. Tra'n atal llawer o anafiadau ac anableddau hefyd."
Ychwanegodd Paul Scott, Rheolwr Tîm Diogelwch yn y Gymuned gyda Gwasanaeth Tân ac Achub Gogledd Cymru: "Byddwn yn mynychu Gorsaf Betrol Caerwys ar yr A55, gyda'n Subaru Impreza, i addysgu'r cyhoedd am y fenter.
"Yn ogystal, bydd ein partneriaid diogelwch ar y ffyrdd o Heddlu Gogledd Cymru a Gwasanaeth Ambiwlans Cymru gyda ni, i gynnig gwybodaeth ac addysg i yrwyr ar ganlyniadau goryrru'n amhriodol, a phwysigrwydd gwisgo gwregys diogelwch."
Mae digwyddiadau wedi eu trefnu ar yr 11eg o Fai, ar bob cyfandir, wrth i fenter y Ddegawd o Weithredu i gael ei lansio, yn cynnwys cyflwyniad gan y gyrrwr rasio Fformiwla Un, Michael Schumacher, yn annog gweithredu yn y Senedd Ewropeaidd yn Strasbourg.
5/5/11
Mae Gwasanaeth Priffyrdd Cyngor Abertawe yn gobeithio arbed £100k y flwyddyn drwy ailddefnyddio hen ddeunyddiau arwyneb ffordd. Mae'r cyngor a'i bartneriaid ym Mhartneriaeth Priffyrdd Abertawe wedi buddsoddi mewn peiriant torri asffalt arbennig a fydd yn ailgylchu darnau o ffyrdd i gynhyrchu asffalt o safon a gaiff ei ddefnyddio i ailwynebu priffyrdd yn y dyfodol.
Mae'r cyngor yn datblygu canolfan ailgylchu yng Nghlos Ferryboat yn arbennig ar gyfer y peiriant arbenigol sydd wedi cael ei gludo o Gaerl?
Meddai Carl Humphrey, Pennaeth Strydlun Cyngor Abertawe, "Drwy greu'r cyfleuster ailgylchu newydd, gallwn ailddefnyddio deunyddiau o'r priffyrdd yn ein gwaith cynnal a chadw'r priffyrdd.
"Fel arfer, byddai'n rhaid i ni brynu'r deunyddiau hyn i atgyweirio neu ailwynebu ffyrdd. Gyda'r peiriant hwn, gallwn gynhyrchu'n deunyddiau ein hunain heb orfod prynu rhai ychwanegol.
"Y gobaith yw y bydd hyn yn arwain at o leiaf £100,000 o arbedion y flwyddyn."
Yn ddiweddar, mae'r cyngor wedi llunio ei Raglen Rheoli Asedion Priffyrdd sy'n cynllunio sut a phryd caiff ffyrdd yn Abertawe eu gwella dros yr ychydig flynyddoedd nesaf.
Ychwanegodd Mr Humphrey, "Bydd y peiriant ailgylchu newydd yn ein cynorthwyo wrth i ni gyflawni'n cynlluniau gwella'r priffyrdd yn y tymor hwy, yn ogystal â darparu deunyddiau i atgyweirio tyllau a diffygion eraill yn y ffordd."
Mae ffyrdd ar draws y wlad wedi dioddef yn sgîl y tywydd oer. Mae Cyngor Abertawe wedi cadarnhau bod mwy na 1,500 o dyllau yn y ffordd wedi cael eu hatgyweirio ers y tywydd oer.
1/4/11
Cafodd dros 2,000 o fodurwyr o bob rhan o Gymru eu herlyn am beidio â gwisgo gwregys diogelwch yn ystod ymgyrch amlasiantaeth.
Drwy gydol Chwefror, fe ymunodd Heddlu Gogledd Cymru â Heddluoedd eraill Cymru, y gwasanaethau Tân ac Ambiwlans, awdurdodau lleol ac asiantaethau partner o bob rhan o Gymru i lansio Ymgyrch Gwregysau Diogelwch Cymru Gyfan er mwyn rhybuddio modurwyr a theithwyr eu bod yn peryglu eu bywydau drwy beidio â gwisgo gwregysau diogelwch ac i gyflwyno hysbysiadau cosb penodol i'r rhai hynny a oedd yn penderfynu torri'r gyfraith.
Yn ystod yr ymgyrch a gynhaliwyd dros gyfnod o fis ac a ddechreuodd gyda chyfnod o bythefnos o addysg ac ymwybyddiaeth, mi ddadlennodd swyddogion heddlu gyfanswm o 2,224 o droseddau a oedd yn ymwneud â gwregysau diogelwch.
Yng Ngogledd Cymru cafodd cyfanswm o 209 o droseddwyr eu dal a'u cosbi ac yn ardal Heddlu Dyfed Powys dadlennwyd 699 o droseddau.
Yn Ne Cymru, cafodd 514 o unigolion eu heuogfarnu, tra cafodd 805 o droseddau eu dadlennu yng Ngwent.
Roedd 46 o'r troseddau dros Gymru yn ymwneud â phlant nad oedd yn gwisgo gwregysau diogelwch.
Meddai Prif Uwcharolygydd Simon Shaw, Pennaeth Grwp Gwasanaethau Gweithredol Heddlu Gogledd Cymru: "Mae'n siomedig bod dros 200 o fodurwyr wedi cael eu dal am beidio â gwisgo gwregys diogelwch yng Ngogledd Cymru yn ystod cyfnod yr ymgyrch.
"Bob blwyddyn mae dros 1,000 o fywydau yn cael eu hachub yn y DU oherwydd bod unigolion yn gwisgo gwregysau diogelwch. Dim ond eiliad y mae'n ei gymryd i'w glicio i'w le, ond gall beri oes o ôl-effeithiau os na wneir hyn.
"Gall canlyniadau peidio â gwisgo gwregys diogelwch fod yn angheuol, ac rydym yn benderfynol o leihau'r nifer o farwolaethau ac anafiadau difrifol ar ein ffyrdd.
"Bydd Gwasanaethau Brys Cymru yn parhau i ymdrechu'n galed i sicrhau bod pob gyrrwr a theithiwr yn ddiogel ac yn gwisgo eu gwregys diogelwch."
Gall modurwyr a theithwyr sy'n penderfynu peryglu eu bywydau drwy beidio â gwisgo gwregys diogelwch gael Hysbysiad Cosb Penodol o £60 neu gael eu galw i fynychu'r llys lle y gallent wynebu dirwy o hyd at £500.
Yn ystod cyfnod gweithredu'r ymgyrch a gynhaliwyd ym mis Chwefror, mi wnaeth swyddogion heddlu gynnal patrolau targedig i stopio a rhoi dirwyon i yrwyr a theithwyr o bob oed nad oedd yn gwisgo eu gwregysau diogelwch.
Bob blwyddyn mae gwasanaeth yr heddlu a'i bartneriaid yng Nghymru yn cynnal nifer o ymgyrchoedd diogelwch ar y ffyrdd sy'n seiliedig ar y ‘5 Angheuol' - y pum prif ffactor sy'n cyfrannu tuag at wrthdrawiadau traffig y ffyrdd angheuol. Y rhain yw:
- gyrru dan ddylanwad diod (alcohol) a chyffuriau
- gyrru heb wisgo gwregys diogelwch
- gyrru ar yr un pryd â defnyddio ffôn symudol
- goryrru
- gyrru'n ddiofal ac yn anystyriol
Yr ymgyrch gwregysau diogelwch oedd yr ymgyrch gyntaf i gael ei chynnal yn 2011, ac mae ymgyrchoedd i hybu ymwybyddiaeth o beryglon gyrru dan ddylanwad alcohol, gyrru dan ddylanwad cyffuriau, gyrru ar yr un pryd â defnyddio ffôn symudol a goryrru wedi cael eu trefnu ar gyfer yn hwyrach ymlaen yn y flwyddyn.
Fe ychwanegodd Susan Storch, Cadeirydd Diogelwch Ffyrdd Cymru: "Rydym eisiau annog unigolion i sylweddoli beth yw peryglon peidio â gwisgo gwregys diogelwch ac mae'r canlyniadau hyn yn dangos bod yna unigolion o hyd ar draws Cymru sy'n cymryd y risg hwnnw.
"Gall wisgo gwregys diogelwch wneud y gwahaniaeth rhwng byw a marw ac felly mae angen i yrwyr a theithwyr sylweddoli pa mor bwysig yw gwisgo gwregys diogelwch nid yn unig i ddiogelu eu hunain ond eraill hefyd."
16/3/11
Mae Cyngor Sir Powys wedi cyhoeddi y gall gyrwyr ifanc sydd eisiau prynu eu car cyntaf gael cyngor defnyddiol yn awr, diolch i lyfryn rhad ac am ddim.
Mae’r Uned Diogelwch ar y Ffyrdd a’r Gwasanaeth Safonau Masnach wedi cydweithio i gynnig llyfryn o’r enw “Ar y ffordd: Canllaw i brynu eich car cyntaf/On the road: A guide to buying your first car”. Mae’r llyfryn wedi’i gynhyrchu gan y Sefydliad Safonau Masnach.
Bydd y llyfryn yn cael ei ddosbarthu gan yr Uned Diogelwch ar y Ffyrdd i ddisgyblion ysgol uwchradd ym mlynyddoedd 11 a 12 fel rhan o’u gwersi diogelwch ar y ffyrdd. Mae’r llyfryn 32 tudalen yn rhoi gwybodaeth ar sawl agwedd o brynu eich car cyntaf gan gynnwys hawliau cyfreithiol, delio gyda phroblemau, problemau cyffredin a chynnal a chadw eich car.
Dywedodd y Cynghorydd Geraint Hopkins, Aelod o’r Bwrdd gyda chyfrifoldeb dros ddiogelwch ar y Ffyrdd: “Mae sicrhau bod ein ffyrdd yn ddiogel i bawb yn nod bwysig i’n Huned Diogelwch ar y Ffyrdd. Trwy ddarparu’r llyfryn hwn i yrwyr ifanc fel rhan o’u gwersi diogelwch ar y ffyrdd, gallant osgoi unrhyw beryglon pan fyddant eisiau prynu eu car cyntaf a sicrhau eu bod yn ddiogel ac yn addas ar gyfer y ffordd.
Dywedodd y Cynghorydd Graham Brown, Aelod o’r Bwrdd gyda chyfrifoldeb dros Warchod y Cyhoedd: “Mae prynu car yn gam mawr, ac mae’n bwysig meddwl am yr hyn yr ydych ei eisiau cyn i chi ddechrau chwilio. Bydd gwneud y penderfyniadau pwysig hyn yn eich helpu i osgoi problemau yn ddiweddarach. Hyd yn oed os nad ydych yn gwybod unrhyw beth am sut mae car yn gweithio, mae yna bethau y gallwch edrych amdanynt cyn i chi brynu eich car i brofi ei fod mewn cyflwr diogel, cyfreithlon a rhesymol.
Yn ogystal â chael ei ddosbarthu mewn ysgolion, mae copïau cyfyngedig o’r llyfryn ar gael gan yr Uned Diogelwch ar y Ffyrdd neu’r Gwasanaeth Safonau Masnach. I ofyn am eich copi rhad ac am ddim, ffoniwch 0845 6027030 neu 01597 827460 a gofynnwch am Safonau Masnach neu’r Uned Diogelwch ar y Ffyrdd. Gallwch anfon e-bost at trading.standards@powys.gov.uk i ofyn am gopi.
Os ydych angen cyngor fel defnyddiwr am brynu car, cysylltwch â Chyswllt Defnyddwyr ar 08454 040506 neu edrychwch ar eu gwefan www.consumerdirect.gov.uk
16/3/11
Mae modurwyr yn peryglu bywydau plant ifanc drwy beidio â stopio ar gyfer patrolau croesi ysgolion.
Mae Cyngor Abertawe newydd lansio ymgyrch fis o hyd o'r enw 'Stop yw Stop' mewn ymgais i gael modurwyr i stopio pan fydd yr hebryngwr yn ceisio tywys y plant ar draws y ffordd.
Mae'r cyngor yn cyflogi dwsinau o batrolau croesi ysgolion sy'n fwy adnabyddus fel dynion a menywod lolipop, i helpu plant ifanc groesi ffyrdd prysur yn ystod y daith i'r ysgol ac oddi yno.
Mae hebryngwyr wedi adrodd am sawl digwyddiad cael a chael ar draws y ddinas. Mae Gwyn Lewis yn helpu plant ysgol i gerdded i Ysgol Gynradd Cwmrhydyceirw yn Nhreforys, ac oddi yno.
Meddai Mr Lewis, "Mae rhai ceir yn dod ar hyd y ffordd yn llawer rhy gyflym ac yn cael anhawster stopio mewn pryd.
"Gall rhai gyrwyr nad ydynt am stopio neu arafu fod yn sarhaus iawn i ni. Dim ond am ychydig o eiliadau y mae'n rhaid iddynt stopio ac ar ddiwedd y dydd, maent yn stopio er lles y plant.
"Rwyf wedi bod ar ganol y ffordd o'r blaen ac nid yw gyrwyr wedi stopio - maen nhw wedi gyrru'n syth heibio i mi. Gall fod yn eithaf brawychus."
Mae'r ymgyrch yn cael ei lansio dri mis yn unig ar ôl i fenyw lolipop 79 oed gael ei tharo a'i lladd gan fws yn Ayrshire.
Dywedodd John Hague, Aelod Cabinet Cyngor Abertawe dros yr Amgylchedd, "Mae'r dynion a'r menywod hyn yn gwneud gwaith gwych wrth helpu plant i groesi'r ffyrdd yn ystod amser ysgol.
"Rwy'n credu ei bod yn ofnadwy bod rhai modurwyr yn credu ei fod yn iawn i sarhau hebryngwyr ar lafar neu i geir beidio â stopio wrth iddynt gamu i'r ffordd.
"Mae gan batrolau croesi ysgolion yr un pwerau cyfreithiol a'r heddlu i stopio traffig. Mae eu hanwybyddu a pheidio â stopio yn drosedd. Yn bwysicach, mae'r gyrwyr hunanol hyn yn peryglu bywydau plant ifanc bob dydd.
"Byddwn yn cymell gyrwyr i fod yn ofalus a stopio pan wrth weld patrol croesi ger ysgol.
25/2/11
Syfrdanwyd ambell i athro yn ystod Mis Ionawr pan alwodd cath fawr flewog ac Ysgolion Cynradd Gwynedd. Cymeriad hoffus o Adran Diogelwch y Ffyrdd Cyngor Gwynedd ydy Carys Ofalus.
“Ddoi di oddi amgylch Ysgolion Gwynedd hefo fi i ganu caneuon Diogelwch y Ffyrdd ? “gofynnodd Carys i Meinir Gwilym.” “Dwi’n poeni yn ofnadwy pan ddwi’n gweld plant yn neidio i fyny ac i lawr yn y car a ddim yn rhoi Clic Clic i’r gwregys ,ac eistedd ar y sêt gywir.
“Mi fyswn wrth fy modd” meddai Meinir “Felly’r gân bwysicaf tro yma ydy CLIC CLIC ia ?”
“Ac MAE GEN I SÊT”meddai Carys “mae’n bwysig ofnadwy bod plant yn eistedd yn y sêt gywir”
Ac i ffwrdd Ar ddwy am bythefnos gyfan i ledaenu'r neges am gadw’n ddiogel mewn car
Fe ddaeth ac anrheg go arbennig i'r plant,sef Llyfr Carys Ofalus a gorchudd arbennig i roi am wregys yn y car fel fod y plant yn cofio mor bwysig ydy rhoi CLIC CLIC i’r gwregys.
17/2/11
Mae Ieuan Wyn Jones, Dirprwy Brif Weinidog Cymru, wedi croesawu’r ffigurau a gyhoeddwyd heddiw sy’n dangos bod nifer y rhai sy’n cael eu lladd ar ffyrdd Cymru yn llai na’r hyn a welwyd yn y cyfnod cyn i’r cofnodion ddechrau.
Mae’r Marwolaethau Traffig y Ffyrdd a Adroddwyd i'r Heddlu, 2010 a gyhoeddwyd heddiw yn dangos y bu 89 o farwolaethau ar ffyrdd Cymru, sef yr isaf ers 1968 pan gasglwyd y ffigurau hyn am y tro cyntaf yng Nghymru, a dyma’r tro cyntaf i’r ffigwr fynd islaw 100.
Dywedodd Mr Jones, fel y Gweinidog dros yr Economi a Thrafnidiaeth,
“Mae’r llywodraeth hon wedi ymrwymo i sicrhau bod ffyrdd Cymru yn fwy diogel ar gyfer pob un sy’n eu defnyddio ac rydym yn croesawu’r ffigurau hyn yn fawr iawn. Dyma’r ffigwr isaf a gofnodwyd erioed yng Nghymru ac mae’n dangos bod hyrwyddo gyrru mwy diogel drwy addysg effeithiol, gwelliannau diogelwch ar ein ffyrdd a chosbau llymach yn talu’i ffordd."
Mae’r adroddiad, a gyhoeddwyd heddiw gan Lywodraeth Cynulliad Cymru hefyd wedi darganfod bod lleihad o 71% yn nifer y marwolaethau ymhlith plant yng Nghymru, o’u cymharu â ffigurau 1994-98.
“Er bod y datganiad heddiw yn galonogol iawn, ni fyddwn ac ni allwn fod yn hunanfodlon. Fel y gall yr heddlu, staff Achosion Brys a Damweiniau, arbenigwyr diogelwch ar y ffordd a theuluoedd y rhai sydd wedi’u lladd mewn damweiniau ffyrdd ddweud wrthych, mae rhaid i bob un ohonom wneud mwy, dywedodd y Gweinidog.
“Mae’n rhaid i negeseuon am ddiogelwch ar y ffyrdd barhau i gael eu clywed, yn enwedig ymhlith gyrwyr ifanc. Byddwn yn parhau i weithio gyda’r consortia trafnidiaeth Rhanbarthol a gweithwyr ym maes diogelwch ffyrdd i weld os oes mwy y gallwn ni ei wneud i addysgu gyrwyr ifanc am beryglon gyrru a’u rhybuddio y gallai rhywbeth fynd o’i le bob tro y byddant yn mynd mewn cerbyd.”
Yn ystod 2010, yr oedd 82 o ddamweiniau angheuol yng Nghymru a arweiniodd at 89 o farwolaethau, sy’n 36 yn llai na’r nifer a laddwyd yn ystod 2009, sef cwymp o 29 y cant. Golyga hynny, yn 2010 gwelwyd y nifer lleiaf o farwolaethau o ganlyniad i ddamweiniau ar y ffyrdd yng Nghymru ers 1968, sef y tro cyntaf i ffigurau ar wahân gael eu casglu ar gyfer Cymru.
Yn y cyfnod diweddar gwelwyd y nifer mwyaf o farwolaethau ar y ffyrdd yng Nghymru ym 1973 pan laddwyd 424 o bobl, ond ar y cyfan gwelwyd cwymp yn nifer y marwolaethau yn ystod y blynyddoedd a oedd yn dilyn, gan ddisgyn i 161 erbyn 2007. Dros y tair blynedd nesaf gwelwyd lleihad cyson yn nifer y marwolaethau ar y ffyrdd. Erbyn 2010, mae’n bosibl y gwelwyd, wrth edrych ar y patrwm ar gyfer y Deyrnas Unedig gyfan, y nifer lleiaf o farwolaethau ar y ffyrdd yng Nghymru ers yr 1920au.
Mae dyrannu dros £35 miliwn mewn grantiau diogelwch ffyrdd ers 2007 wedi galluogi awdurdodau lleol i roi nifer o brosiectau diogelwch ffyrdd ar waith, a’r prosiectau hynny sydd wedi helpu i sicrhau’r lleihad y gwelwn heddiw yn nifer y marwolaethau.
7/2/11
Heddiw, cyhoeddodd Ieuan Wyn Jones, y Dirprwy Brif Weinidog a'r Gweinidog dros yr Economi a Thrafnidiaeth, bod £7 miliwn ychwanegol ar gael i helpu awdurdodau lleol i drwsio tyllau mewn ffyrdd.
Mae cyfanswm o £7.085 miliwn wedi'i ddarparu'n arbennig i gefnogi cynghorau sydd o dan bwysau yn sgil yr ail aeaf yn olynol o eira trwm. Mae'r arian hwn ar gael am i gyllid gael ei reoli'n ddoeth yn ystod y flwyddyn.
Meddai Ieuan Wyn Jones, y Dirprwy Brif Weinidog a'r Gweinidog dros yr Economi a Thrafnidiaeth:
"Bydd y buddsoddiad ychwanegol hwn yn gwella diogelwch a chyflwr ein ffyrdd. Mae'n dangos ein bod ni'n benderfynol o helpu awdurdodau lleol i drwsio'r tyllau sydd wedi ymddangos yn sgil gaeaf arall o eira trwm.
"Er mai cyfrifoldeb yr Awdurdodau Lleol yw cynnal a chadw ffyrdd lleol, dyma'r Cynulliad hwn yn dangos unwaith eto ei fod yn awyddus i weithio gyda nhw gymaint â phosibl ar adeg o dywydd gwael annisgwyl, fel a ddigwyddodd dros gyfnod y Nadolig. Bydd y cyllid hwn yn caniatáu i gynghorau wneud gwaith trwsio pellach i wella ein rhwydwaith ffyrdd."
Bydd Adran yr Economi a Thrafnidiaeth yn darparu £7.085 miliwn i leddfu'r pwysau sydd ar gyllidebau cynnal a chadw ffyrdd Awdurdodau Lleol.
Mae hwn yn rhan o becyn cyllid gwerth cyfanswm o £9 miliwn a ddarperir yn ail Gyllideb Atodol Llywodraeth y Cynulliad ar gyfer 2010-11, a fydd yn cael ei chyhoeddi yfory. Bydd yn amlinellu cyllideb derfynol Llywodraeth y Cynulliad ar gyfer eleni.
2/12/10 
Gyda’r Nadolig ar fin cyrraedd, mae gyrwyr ledled Cymru yn cael eu hatgoffa bod yfed a gyrru yn gallu difetha bywydau pobl.
Heddiw (2 Rhagfyr) yn Llanelli, wrth lansio ymgyrch ar y cyd Llywodraeth Cynulliad Cymru a’r Heddlu i annog pobl i beidio ag yfed a gyrru, bydd y prif siaradwyr, gan gynnwys y cyn chwaraewr rhyngwladol, Rupert Moon, yn addo gweithio gyda’i gilydd i ddarbwyllo pobl i beidio ag yfed a gyrru dros gyfnod y Nadolig ac ar ôl hynny.
Wrth groesawu’r ymgyrch eleni, meddai Dirprwy Brif Weinidog Cymru, Ieuan Wyn Jones,
“Ers blynyddoedd lawer dw i wedi cefnogi ymgyrch heddluoedd Cymru i newid agweddau pobl a lleihau nifer y marwolaethau cysylltiedig ag alcohol sy’n digwydd ar ein ffyrdd. Dw i’n hynod o falch o’r gwaith sydd wedi’i wneud hyd yn hyn.
"Rydyn ni eisoes wedi cyflawni llawer ac yn benderfynol o wneud popeth o fewn ein gallu i wneud ffyrdd Cymru yn fwy diogel. Serch hynny, y gwirionedd yw na allwn ni gyflawni hynny ar ein pennau ein hunain. Rhaid i bobl Cymru helpu hefyd os ydyn ni am lwyddo. Dw i’n annog pawb i chwarae eu rhan. Mae’r lleiafrif bach sy’n parhau i anwybyddu’r gyfraith yn rhoi nid yn unig eu bywydau eu hunain mewn perygl ond hefyd bywydau pobl eraill."
Bydd yr ymgyrch eleni yn tynnu sylw gyrwyr at y ffaith bod hyd yn oed un ddiod yn ormod. Mae’r neges yn glir: os ydych chi’n bwriadu mynd allan am y noson dros y Nadolig, beth am drefnu tacsi neu ddefnyddio trafnidiaeth gyhoeddus, ar y dydd ei hunan a hefyd y diwrnod wedyn.
Meddai Prif Gwnstabl Cynorthwyol Heddlu Dyfed Powys, sy’n cynnal y lansiad eleni ym Mharc y Scarlets,
“Rydyn ni am atgoffa gyrwyr y gallai fod gormod o alcohol yn eu gwaed trwy gydol y diwrnod wedyn hefyd, gan ddibynnu ar faint o alcohol y maen nhw wedi’i yfed. Os yw llys yn eich cael yn euog o yfed a gyrru, gallai hynny ddifetha’ch bywyd, ac arwain at gyfnod yn y carchar neu euogfarn troseddol yn eich erbyn.”
Bydd yr ymgyrch hysbysebu genedlaethol yn atgoffa gyrwyr bod hyd yn oed un neu ddau o ddiodydd yn gallu effeithio ar eu gallu i farnu neu i ymateb. Os ydych chi’n gyrru pan fydd gormod o alcohol yn eich gwaed, gallech chi gael dirwy drom, colli’ch trwydded, ac efallai hyd yn oed eich bywyd. Gallech hefyd ladd rhywun arall.
Dros y pedair wythnos nesaf, bydd miloedd o yrwyr yn cael eu stopio wrth i dimau o heddluoedd y Gogledd, y De, Dyfed Powys a Gwent gynnal profion mewn gwahanol leoedd ledled y wlad.
Meddai’r Prif Gwnstabl Cynorthwyol, Nick Ingram,
“Y llynedd, heddluoedd Cymru oedd yn gyfrifol am gynnal bron i chwarter o’r holl brofion anadl a gynhaliwyd yng Nghymru a Lloegr. Rydyn ni wedi ymrwymo i wneud ein ffyrdd yn fwy diogel, ac rydyn ni’n gofyn i’r cyhoedd ein helpu i gyflawni hynny.”
15/11/10
Mae gwefan arloesol er mwyn tynnu sylw a rhoi gwybodaeth ynglyn â diogelwch y ffyrdd yng Ngwynedd wedi cael ei lansio yn Ysgol Gynradd Llanrug.
Nod Adran Rheoleiddio Cyngor Gwynedd yw sicrhau, a gwella os yn bosibl ddiogelwch y ffordd i bawb sy’n defnyddio’r ffyrdd yng Ngwynedd.
Mae www.dyffgwynedd.net yn wefan ar gyfer holl ddef
nyddwyr ffyrdd y sir gydag adrannau arbennig ar gyfer plant ac oedolion yn ogystal â gemau, cystadlaethau a gweithgareddau addysgol.
Ceir mynediad hawdd ar y wefan i wybodaeth am sawl ffactor sy’n ymwneud â diogelwch y ffyrdd a bydd Carys Ofalus, cymeriad diogelwch y ffyrdd Cyngor Gwynedd a’i chyfeillion newydd - Y Criw Craff - yn siwr o ddenu plant y sir i’r wefan.
4/11/10
Gall busnesau a chymunedau lleol elwa ar gyfleusterau cerdded a beicio gwell yn ôl Jane Davidson, y Gweinidog dros yr Amgylchedd.Dywedodd y Gweinidog hynny yn nhrydedd Gynhadledd Beicio a Cherdded Llywodraeth Cynulliad Cymru, sydd â'r nod o annog mwy o bobl yng Nghymru i gerdded a beicio'n rheolaidd.
Roedd y gynhadledd ym Mhort Talbot eleni. Dewiswyd y lleoliad yn sgil gwaith ardderchog yr awdurdod lleol i ddatblygu cyfleusterau cerdded a beicio o ansawdd uchel a'i waith ar annog y gymuned leol yn ogystal ag ymwelwyr i'w defnyddio.
Wrth annerch y gynhadledd, dywedodd y Gweinidog:
"Nid yw manteision cerdded a beicio'n ymwneud ag iechyd a lles yn unig.
"Yn aml iawn mae llwybrau cerdded a beicio newydd a gwell yn denu busnesau newydd ac yn helpu busnesau cyfredol i dyfu.
“Rydym wedi gweld mentrau llogi beiciau, caffis, gwestai a sefydliadau gwely a brecwast yn ffynnu o ganlyniad i wella'r ddarpariaeth cerdded a beicio. Yn ei dro, bydd hyn yn arwain at ragor o gyfleoedd gwaith yn y gymuned leol ac economi leol fwy ffyniannus."
Mae'r llwybrau beicio mynydd ym Mharc Coedwig Afan yn enghraifft dda o'r ffyniant economaidd hwn. Wythnos diwethaf, enillodd Afan Lodge, sef gwesty sy'n targedu'n arbennig y beicwyr sy'n defnyddio'r llwybrau lleol, wobr 'Busnes Newydd Gorau' yn y Gwobrau Twristiaeth Cenedlaethol.
Mae hybu cerdded a beicio hefyd yn gallu sbarduno twf yn y trydydd sector. Mae prosiectau fel Pedal Power yng Nghaerdydd, sy'n defnyddio Llwybr Taf fel amgylchedd diogel i bobl sydd ag anableddau fwynhau beicio, wedi bod yn hynod lwyddiannus dros y blynyddoedd diwethaf ac wedi cynnig cyfleoedd yn y gymuned na fyddent wedi bod ar gael fel arall.
Mae Cynllun Gweithredu Llywodraeth y Cynulliad ar Gerdded a Beicio yn amlinellu sut yn union y bydd yn annog pawb i gerdded a beicio mwy.
Ychwanegodd y Gweinidog:
"Rydyn ni wedi gosod rhai targedau uchelgeisiol i'n hunain yn ein Cynllun Gweithredu ar Gerdded a Beicio. Yn eu plith mae ein nod i annog teirgwaith yn fwy o oedolion a phlant i feicio i'r gwaith a'r ysgol. Er bod y targedau hyn yn heriol, rwy'n sicr bod modd eu cyrraedd.
"Roedd ein hadroddiad blynyddol cyntaf ar y cynllun gweithredu'n dangos cryn dipyn o gynnydd yn barod. Ein blaenoriaeth nawr yw adeiladu ar y cynnydd hwnnw er mwyn i gerdded a beicio ddod yn ddewis naturiol yng Nghymru ar gyfer teithio a hamdden."
19/11/10
Heddiw bydd y Dirprwy Brif Weinidog yn ymuno â’r Gweinidog dros yr Amgylchedd a ffrindiau o’r elusen Sustrans yn y Senedd i ddathlu 10fed pen blwydd ein cynllun Llwybrau Diogel.
Wedi’i lansio yn 1999, daeth ein menter Llwybrau Diogel i’r Ysgol yn llwyddiant dros nos wrth ddelio â’r tagfeydd sy’n cael eu hachosi gan blant yn cael eu cludo i’r ysgol, gan ddysgu plant o oedran ifanc iawn y gallai cerdded a beicio fod yn ddeniadol ac yn hwyl, a’u hannog i ymarfer yn rheolaidd a datblygu arferion teithio iach ar gyfer y dyfodol.
Meddai Ieuan Wyn Jones, y Gweinidog dros yr Economi a Thrafnidiaeth,
“Rwy’n falch iawn o fod yma heddiw, a’r un mor falch bod Llywodraeth Cynulliad Cymru wedi helpu i ddatblygu cymaint o brosiectau beicio a cherdded ledled Cymru. Ni fyddai wedi bod yn bosibl i ddarparu’r prosiectau hyn heb gydweithrediad clos a chymorth Sustrans a’n partneriaid mewn awdurdodau lleol ledled Cymru, ac rwy’n diolch i bawb am hynny."
Dywedodd y Gweinidog dros yr Amgylchedd, Jane Davidson,
“Rwyf wrth fy modd bod gan Gymru bellach hanes deng mlynedd o ddysgu disgyblion y gallai cerdded neu seiclo i’r ysgol fod yn hwyl, yn iach ac yn aml yn ffordd amgen syndod o gyflym i deithio mewn car neu fws. Mae hefyd yn opsiwn sy’n llawer mwy caredig i’r amgylchedd.
“Mae’n Strategaeth Newid Hinsawdd ni a lansiais yn gynharach yn y mis yn amlinellu sut y bydd Cymru’n cyflawni ei huchelgais o dorri allyriannau ty gwydr gan 3% flwyddyn ar ôl blwyddyn. Yr allwedd i hyn yw ailfeddwl sut rydyn ni’n teithio, ac rwy’n gobeithio y bydd y plant ysgol sydd wedi elwa wrth Lwybrau Diogel i’r Ysgol yn parhau i deithio’n gynaliadwy dwy gydol eu bywyd.”
Lansiwyd ein menter Llwybrau Diogel i’r Ysgol yn 1999 ac mae dros £27 miliwn wedi ei ddarparu ar gyfer cynlluniau yng Nghymru.
Disodlodd y rhaglen newydd Llwybrau Diogel mewn Cymunedau y fenter Llwybrau Diogel i’r Ysgol yn 2008-08, a hyd yma mae dros £26 miliwn wedi’i neilltuo ar gyfer cynlluniau ledled Cymru. Er bod y rhaglen yn canolbwyntio’n bennaf ar ysgolion, rydyn ni hefyd yn ceisio annog pobl i gerdded a beicio mwy o fewn eu cymunedau.
Mae 2010 hefyd yn nodi 15fed pen-blwydd y Rhwydwaith Beicio Cenedlaethol dan arweiniad Sustrans, a ymunodd â’r dathliadau ym Mae Caerdydd.
Mae’r Rhwydwaith Beicio Cenedlaethol yn cynnwys 12, 600 milltir o lwybrau cerdded a beicio ledled Prydain. Maent yn amrywio o lwybrau tawel, llwybrau ar y ffyrdd a llwybrau di-draffig sy’n aml yn ffordd wych o fynd i’r gwaith, i’r ysgol neu’r siopau, neu ymarfer a chael hwyl. Mae’r Rhwydwaith ar gael i bawb ac yn pasio o fewn milltir i 57% o’r boblogaeth.
Gan bod y clociau’n mynd yn ôl awr ar ddiwedd y mis, dewisodd y Dirprwy Brif Weinidog y cyfnod hwn i atgoffa defnyddwyr y ffyrdd o’r angen i fod yn ddiogel ac i gael eu gweld ar ein ffyrdd y gaeaf hwn.
“Wrth i’r nosweithiau fynd yn dywyllach, a’r clociau fynd yn ôl, mae angen inni wneud fwy o ymdrech i gael ein gweld wrth gerdded neu feicio, yn enwedig mewn ardaloedd sydd heb oleuadau stryd.
“Pob blwyddyn, mae nifer y marwolaethau a’r anafiadau ar ein ffyrdd yn cynyddu’n sydyn wrth inni droi’r clociau yn ôl ddiwedd yr haf, a’r nosweithiau’n mynd yn dywyllach yn gynt. Felly cofiwch wisgo dillad adlewyrchol a rhowch eich sylw llawn i’r ffordd.”
15/10/10
Fe hoffem gyflwyno Ziggy'r Sebra ichi! Ziggy yw'r mascot newydd ar gyfer Diogelwch y Ffyrdd yn Sir Benfro.
Cafodd ei ddadorchuddio ddydd Gwener diwethaf, ar gefn un o fysiau Trafnidiaeth Ysgol Cyngor Sir Penfro Geneth naw oed, Megan Wigmore, o Arberth a ddyluniodd Ziggy fel rhan o gystadleuaeth diogelwch y ffyrdd.
Fe ddewiswyd dyluniad buddugol Megan gan swyddogion iau diogelwch y ffyrdd yn Ysgol Gynradd Arberth, ac yna penderfynodd Uned Diogelwch y Ffyrdd Cyngor Sir Penfro taw'r dyluniad hwn hefyd fyddai'r enillydd Sirol drwyddo draw.
Y Cynghorydd Jamie Adams yw'r Aelod Cabinet dros Briffyrdd a Chynllunio, a dywedodd e y byddai Ziggy'n cael ei ddefnyddio i addysgu a hybu diogelwch y ffyrdd ymysg pobl ifanc y Sir.
"Mae diogelwch y ffyrdd o bwys aruthrol inni," meddai.
"Mae'n hanfodol bwysig i'n pobl ifand ddysgu bod yn ymwybodol o ddiogelwch y ffyrdd lle bynnag y maent a'u bod yn meithrin y sgiliau diogelwch hyn trwy gydol eu hoes."
15/10/10
Yn y Criw Craff eleni mae mil a hanner o blant Sir Benfro yn mynd i gael cyngor ynghylch diogelwch. Mae'r disgyblion yn cymryd rhan yn y digwyddiad blynyddol a gynhelir ym Maes Sioe'r Llwyn Helyg yn Hwlffordd.
Caiff Criw Craff ei gydlynu gan Uned Diogelwch y Ffyrdd Cyngor Sir Penfro ac mae'n dangos i ddisgyblion ledled y Sir sut i ddelio ag amryw beryglon posibl.
Trwy gydol y digwyddiad a gynhelir am bythefnos bydd gweithwyr proffesiynol o sawl asiantaeth wahanol yn rhoi cyngor i'r bobl ifanc ynghylch sut i gadw'n ddiogel ar yr heol, ar y traeth, ar ffermydd a gartref hefyd.
Digwyddiad blynyddol ydyw sy'n cael ei gynnal am yr 17eg tro eleni. Caiff ei noddi gan Chevron a PowerSafe, a dros y blynyddoedd mae ef wedi llwyddo i ddenu mwy nag 20,000 o blant yn Sir Benfro.
Y Cynghorydd Jamie Adams yw'r Aelod Cabinet dros Briffyrdd a Chynllunio ac roedd e'n bresennol yn y digwyddiad yr wythnos diwethaf. Fe roddodd ei ddiolchiadau i bawb a fu'n cymryd rhan, am eu hymroddiad ac am roi sylw dyladwy i ddiogelwch plant y Sir.
"Yn ôl yr adborth a gawsom, mae'r plant wedi joio mas draw a dysgu pethau gwerthfawr iawn," meddai.
"Mae Criw Craff yn rhoi'r cyfle iddynt ymarfer sgiliau diogelwch mewn man cyffrous, diogel sy'n llawn ysgogiad."
Dyma'r sefydliadau sy'n cymryd rhan yn y digwyddiad eleni: Heddlu Dyfed Powys; Gwasanaeth Tân ac Achub Canolbarth a Gorllewin Cymru; Gwasanaeth Ambiwlans Cymru, yr Asiantaeth Forwrol a Gwylwyr y Glannau; timau Uned Diogelwch y Ffyrdd, Diogelwch Bwyd a Thrafnidiaeth Ysgol Cyngor Sir Penfro; Western Power; Y Groes Goch, Fforwm Cam-drin Domestig Sir Benfro ac Undeb Cenedlaethol yr Amaethwyr.
Fe hoffai'r trefnyddion ddiolch i Chevron a PowerSafe am eu cymorth ariannol ac hefyd i Gymdeithas Amaethyddol Sir Benfro am ddarparu'r adeilad ar gyfer y digwyddiad.
5/10/10
Ydych chi'n ymwybodol o unrhyw un sy'n gyrru'n anghyfreithlon? Os ydych, byddai Heddlu Gogledd Cymru yn hoffi clywed oddi wrthych.
Yn hwyrach ymlaen y mis hwn, bydd Heddlu Gogledd Cymru a heddluoedd eraill Cymru yn lansio Ymgyrch Gyrwyr Anghyfreithlon Cymru Gyfan - ymgyrch sydd wedi'i hanelu at dargedu'r rhai hynny sy'n gyrru tra maent wedi cael eu gwahardd, gyrru heb yswiriant neu'n gyrru heb drwydded yrru ddilys.
Meddai Prif Arolygydd David Roome o Grwp Gwasanaethau Gweithredol yr Heddlu: "Da ni'n annog unrhyw un sydd efallai'n ymwybodol o yrwyr anghyfreithlon sy'n defnyddio'r ffyrdd i gysylltu â'r Heddlu'n syth.
"Gall unrhyw un sy'n gyrru'n anghyfreithlon gael eu harestio. Byddwn yn defnyddio'r holl bwerau sydd gennym i atafaelu cerbydau anghyfreithlon a'u tynnu oddi ar y ffyrdd. Drwy wneud hyn, byddwn yn helpu i ddiogelu bywydau eraill.
"Gall fod yn echrydus pe baech mewn gwrthdrawiad â gyrrwr anghyfreithlon. Da ni isio rhoi stop i hyn a throsglwyddo'r neges ein bod ni'n targedu'r rhai hynny sy'n gyrru'n anghyfreithlon.
Fe ychwanegodd: "Gall y cyhoedd fod yn sicr na fyddwn yn goddef trosedd ar ein ffyrdd. Os ydych yn amau bod rhywun yn gyrru'n anghyfreithlon cysylltwch â ni."
Mae Heddlu Gogledd Cymru yn gofyn am gymorth y cyhoedd yn eu hymdrechion i wneud y ffyrdd yn ddiogelach i bawb. Os oes gan unrhyw un wybodaeth ynghylch gyrwyr anghyfreithlon dylent gysylltu â'r Heddlu ar 101, llinell ffôn di-argyfwng yr Heddlu, neu Taclo'r Tacle yn ddienw ar 0800 555 111. .
Yn y llun gwelir swyddog yn defnyddio technoleg ANPR (Adnabod Rhifau Cerbydau'n Awtomatig).
Gall gyrwyr anghyfreithlon wynebu'r cosbau canlynol:
• Gyrru heb yswiriant: 6-8 pwynt a hyd at £5,000 o ddirwy (£200 am docyn cosb benodol)
• Gyrru tra dan waharddiad: 6 pwynt, hyd at £5,000 o ddirwy a gallwch wynebu o leiaf 6 mis yn y carchar
• Gyrru mewn modd nad yw'n unol â'ch trwydded yrru: 3-6 pwynt a £1,000 o ddirwy
• Methu ag adnabod gyrrwr y cerbyd modur: 3 pwynt
4/8/10
Mae Heddlu Gogledd Cymru yn cynnal digwyddiad sydd wedi'i anelu at godi ymwybyddiaeth o ddiogelwch y ffyrdd. Er mwyn cyd-fynd ag ymgyrch wyth wythnos dros gyfnod yr haf sydd wedi'i anelu at hyrwyddo gwaith partneriaeth rhwng yr heddlu, gwasanaethau brys eraill a'r cynghorau lleol, bydd Heddlu Gogledd Cymru yn cynnal ‘Digwyddiad Addysgu Modurwyr' yn Llandudno ar ddydd Gwener y 6ed o Awst.
Mae'r digwyddiad penodol hwn yn cyd-fynd â'r thema ‘Diogelwch ar y Ffyrdd' ac mi fydd yr ymgyrch penwythnos yn cychwyn nos Wener nesaf rhwng 6pm a 10pm ar safle Mostyn Champneys tu allan i siop Homebase.
Mae Tîm Plismona Cymunedol Llandudno, Uned Plismona'r Ffyrdd Heddlu Gogledd Cymru, cynllun Ffrindiau Peryg Bywyd, cynllun Beicio Diogel (Bikesafe), y Gwasanaeth Tân ac Achub gyda'u beic tân, Gwasanaeth Ambiwlans Cymru a Chyngor Bwrdeistref Sirol Conwy i gyd yn cymryd rhan. Mae Homebase a JJB Sports hefyd yn cefnogi'r achlysur.
Meddai PC Gary Donnelly, Rheolwr Rhawd Gymunedol ardal Mostyn: "Rydym yn gobeithio y bydd y digwyddiad hwn yn annog gyrwyr, yn enwedig gyrwyr ifanc, i gymryd gwell cyfrifoldeb amdanynt eu hunain, eu cyfoedion a defnyddwyr eraill y ffyrdd.
"Drwy weithio mewn partneriaeth ag asiantaethau eraill rydym eisiau cyfleu negeseuon am y peryglon sy'n ymwneud â pheidio â gwisgo gwregys, goryrru a defnyddio ffonau symudol.
Ychwanegodd: "Rydym eisiau annog cymaint o bobl â phosib i fynychu er mwyn iddynt gael cymryd mantais o'r cyfle hwn i gyfathrebu â ni."
Meddai Dermot O'Leary, Parafeddyg a Phencampwr Gwirfoddol Materion Diogelwch y Ffyrdd gyda'r Gwasanaeth Ambiwlans: "Fel gwasanaeth brys, byddwn yn gweld effeithiau ofnadwy digwyddiadau ar y ffyrdd yn rhy aml. Nid yn unig yw hyn yn effeithio ar y teulu agos, ond mae hefyd yn effeithio ar ffrindiau, cymdogion a chymunedau cyfan. Rydym eisiau sicrhau bod pobl yn meddwl ddwywaith am y peryglon â'r pethau sy'n gallu tynnu sylw, nid yn unig ar ein ffyrdd ond hefyd y rhai sy'n effeithio cerddwyr hefyd."
Mae'r Gwasanaeth Tân ac Achub hefyd yn cefnogi'r ymgyrch. Meddai Richard Westwood, Aelod o'r Tîm Diogelwch Cymunedol: "Rydym yn gobeithio y bydd y diwrnod yn helpu'r bobl ifanc hyn i ddeall ein negeseuon diogelwch achub bywydau ac y bydd yn helpu i leihau'r nifer brawychus o uchel o bobl ifanc sy'n colli eu bywydau mewn gwrthdrawiadau traffig y ffyrdd. Drwy ddefnyddio arddangosfeydd gweledol fel y sioe deithiol, mae'n rhoi cyfle i bobl ifanc weld drostynt eu hunain sut bydd ymladdwyr tân yn torri rhywun allan o gar ac effeithiau digwyddiad o'r fath."
Meddai Martyn Schlangen, Swyddog Diogelwch Ffyrdd Cyngor Bwrdeistref Sirol Conwy: "Mae Diogelwch Ffyrdd yn gyfrifoldeb ar bawb. Rydym yn gweithio â Phartneriaeth Lleihau Anafiadau Ffyrdd Cymru a'r Gwasanaethau Brys er mwyn gwneud ein ffyrdd yn fwy diogel i bawb eu defnyddio.
Ychwanegodd: "Bydd y Digwyddiad Addysg Modurwyr yn Llandudno yn rhoi'r cyfle i ddefnyddwyr ffyrdd ddysgu am yr hyn sy'n digwydd a su y gallant chwarae rhan yn hynny. Bydd llawer o wybodaeth ar gael a bydd gweithwyr proffesiynol wrth law i ateb unrhyw gwestiynau."
- Pamffled
27/7/10
Mae gwr ifanc o Wynedd yn dathlu gwobr ychwanegol wedi iddo gymryd rhan mewn ymgyrch i helpu gyrwyr ifanc i aros yn ddiogel wrth y llyw. Cwrs i wella gyrru ar gyfer pobl ifanc ydi ymgyrch Pass Plus Cymru. Y nod yw gwella medrau gyrru cyffredinol y gyrwyr a lleihau’r tebygolrwydd iddynt fod mewn damwain car.
Mae’r ymgyrch yn cael ei gefnogi gan Bartneriaeth Diogelwch Ffyrdd Gwynedd ac yn rhoi gwobr ariannol o £250 bob tri mis i un person ifanc sy’n cymryd rhan yn yr ymgyrch. Yr enillydd y tymor hwn yw Morys Williams, 18 oed, o Lanrug.
Mae Morys yn fyfyriwr yng Ngholeg Menai, Bangor. Meddai: “Roedd yn gyfle gwych i gael hyfforddiant ychwanegol a phroffesiynol ar ôl pasio fy mhrawf gyrru, a’i gael am £20 yn unig yn well fyth.”
Bydd pobl ifanc sy’n cymryd rhan yn y cwrs yn cael eu hyfforddi mewn:
- Gyrru ar y draffordd
- Technegau gyrru ac adnabod peryglon
- Gyrru wedi iddi dywyllu
- Gyrru yn hyderus mewn trefi a dinasoedd prysur
- Gyrru ar ffyrdd cul cefn gwlad
Meddai Colin Jones, Rheolwr Diogelwch Ffyrdd Cyngor Gwynedd, ac aelod o’r Bartneriaeth Diogelwch Ffyrdd:
“Mae’r cynllun Pass Plus Cymru yn ffordd dda iawn i bobl ifanc wella eu medrau gyrru ac i fod yn llai tebygol o gael eu hanafu, neu anafu eu cyd-deithwyr a defnyddwyr ffordd eraill, mewn damwain.
“Yn anffodus gyrwyr ifanc yw’r mwyaf tebygol o fod mewn damwain ffordd ac mae unrhyw beth allwn ei wneud i atal hyn yn newyddion da iawn.
“Bydd enw pawb sy’n mynychu’r cwrs yn mynd i’r het a bydd un enillydd lwcus yn derbyn £250. Llongyfarchiadau i Morys am ennill y gystadleuaeth yma.”
Cost y cwrs Pass Plus Cymru yw £20. Am fwy o wybodaeth cysylltwch ewch i’r wefan www.dragondriver.com
8/7/10
Mae nifer y bobl a anafwyd mewn damweiniau ffyrdd yn Abertawe wedi gostwng 132. 
Mae Tîm Diogelwch Ffyrdd Abertawe a'r heddlu lleol wedi croesawu'r ffigurau anafiadau ffyrdd diweddaraf a gyhoeddwyd yn ddiweddar gan yr Adran Drafnidiaeth.
Yn ôl y ffigurau, cafwyd adroddiadau am 836 o anafiadau ffyrdd yn 2009, o'u cymharu â 968 yn 2008.
Mae'r gwaith diogelwch hefyd yn helpu i leihau nifer y damweiniau ac anafiadau sy'n cynnwys plant ar ffyrdd Abertawe.
Mae'r ffigurau diweddaraf yn dangos bod damweiniau sy'n cynnwys plant ar eu hisaf erioed a chofnodwyd 82 o anafiadau i blant hyd at 15 oed. Hyd at 15 mlynedd yn ôl, roedd y ffigurau ar gyfer yr un grwp oedran yn fwy na dwywaith hynny.
Meddai John Hague, Aelod Cabinet Cyngor Abertawe dros yr Amgylchedd, "Ein nod yw sicrhau bod ein ffyrdd mor ddiogel â phosibl i fodurwyr a cherddwyr.
"Rwy'n falch bod ein hymdrechion wedi cael effaith gadarnhaol, gan leihau nifer y damweiniau sy'n cynnwys plant. Bydd y gwaith diogelwch ffyrdd parhaus, ynghyd ag addysg diogelwch ffyrdd dda, yn sicrhau bod ein plant i gyd yn ddiogel ar y ffyrdd."
Meddai Jeff Green, Swyddog Diogelwch Ffyrdd Cyngor Abertawe, "Mae'n amlwg bod y gwaith rydym yn ei wneud ar y cyd â'r gwasanaethau brys yn cael effaith gadarnhaol ar leihau ffigurau anafiadau ffyrdd.
"Mae cyfyngiadau cyflymdra 20mya a mesurau arafu traffig mewn cymunedau yn helpu i arafu traffig ac wedi arwain at gymunedau llawer mwy diogel i blant a phobl hyn."
7/7/10
Mae Cyngor Sir Powys wedi cyhoeddi y gall gyrwyr ifanc sydd eisiau prynu eu car cyntaf gael cyngor defnyddiol yn awr, diolch i lyfryn rhad ac am ddim. Mae’r Uned Diogelwch ar y Ffyrdd a’r Gwasanaeth Safonau Masnach wedi cydweithio i gynnig llyfryn o’r enw “Ar y ffordd: Canllaw i brynu eich car cyntaf/On the road: A guide to buying your first car”. Mae’r llyfryn wedi’i gynhyrchu gan y Sefydliad Safonau Masnach.
Bydd y llyfryn yn cael ei ddosbarthu gan yr Uned Diogelwch ar y Ffyrdd i ddisgyblion ysgol uwchradd ym mlynyddoedd 11 a 12 fel rhan o’u gwersi diogelwch ar y ffyrdd. Mae’r llyfryn 32 tudalen yn rhoi gwybodaeth ar sawl agwedd o brynu eich car cyntaf gan gynnwys hawliau cyfreithiol, delio gyda phroblemau, problemau cyffredin a chynnal a chadw eich car.
Dywedodd y Cynghorydd Geraint Hopkins, Aelod o’r Bwrdd gyda chyfrifoldeb dros ddiogelwch ar y Ffyrdd: “Mae sicrhau bod ein ffyrdd yn ddiogel i bawb yn nod bwysig i’n Huned Diogelwch ar y Ffyrdd. Trwy ddarparu’r llyfryn hwn i yrwyr ifanc fel rhan o’u gwersi diogelwch ar y ffyrdd, gallant osgoi unrhyw beryglon pan fyddant eisiau prynu eu car cyntaf a sicrhau eu bod yn ddiogel ac yn addas ar gyfer y ffordd.
Dywedodd y Cynghorydd Graham Brown, Aelod o’r Bwrdd gyda chyfrifoldeb dros Warchod y Cyhoedd: “Mae prynu car yn gam mawr, ac mae’n bwysig meddwl am yr hyn yr ydych ei eisiau cyn i chi ddechrau chwilio. Bydd gwneud y penderfyniadau pwysig hyn yn eich helpu i osgoi problemau yn ddiweddarach. Hyd yn oed os nad ydych yn gwybod unrhyw beth am sut mae car yn gweithio, mae yna bethau y gallwch edrych amdanynt cyn i chi brynu eich car i brofi ei fod mewn cyflwr diogel, cyfreithlon a rhesymol.
Yn ogystal â chael ei ddosbarthu mewn ysgolion, mae copïau cyfyngedig o’r llyfryn ar gael gan yr Uned Diogelwch ar y Ffyrdd neu’r Gwasanaeth Safonau Masnach. I ofyn am eich copi rhad ac am ddim, ffoniwch 0845 6027030 neu 01597 827460 a gofynnwch am Safonau Masnach neu’r Uned Diogelwch ar y Ffyrdd. Gallwch anfon e-bost at trading.standards@powys.gov.uk i ofyn am gopi.
Os ydych angen cyngor fel defnyddiwr am brynu car, cysylltwch â Chyswllt Defnyddwyr ar 08454 040506 neu edrychwch ar eu gwefan www.consumerdirect.gov.uk
28/6/10
Mae Diogelwch Ffyrdd Cymru, y bartneriaeth o holl bersonél allweddol diogelwch ar y ffyrdd ledled Cymru, wedi cyhoeddi penodi Susan Storch yn Gadeirydd newydd a Sarah Morris yn Is-Gadeirydd.
Mae Susan Storch, sifilwraig o Swyddog Diogelwch ar y Ffyrdd i Heddlu Dyfed Powys, yn olynu Joy Smith, Rheolwraig Diogelwch ar y Ffyrdd yng Nghastell-nedd Port Talbot a gwraig a ehangodd rôl y Cadeirydd yn ystod ei phedair blynedd yn y swydd.
Gynt, bu Susan yn Hyfforddwraig Gyrru Gymeradwy ac yn Swyddog Diogelwch ar y Ffyrdd gyda Chyngor Sir Caerfyrddin.
Croesawodd ei phenodiad gan ddweud, “Rwyf wrth fy modd yn derbyn y rôl hon ac yn edrych ymlaen yn fawr iawn at barhau i ddatblygu ac ysgogi mentrau cenedlaethol diogelwch ar y ffyrdd a fydd yn sicrhau bod Cymru’n dal i fod yn un o’r gwledydd mwyaf diogel yn y byd i deithio ynddyn nhw. Rwy’n gobeithio gweithio gyda’r Is-Gadeirydd, Sarah Morris, Prif Swyddog Diogelwch y Ffyrdd ym Mhowys, i gyfnerthu’r gwaith da o gwtogi ar anafiadau a marwolaethau ar y ffyrdd ledled Cymru. Mae gwneud ein ffyrdd ni’n fwy diogel yn her i bob un ohonon ni a bydd partneriaeth Diogelwch Ffyrdd Cymru yn sicrhau bod pob cynllun addysg diogelwch, hyfforddiant a chyhoeddusrwydd yng Nghymru mor berthnasol â phosibl.”
21/6/10
Mae annog trigolion yng Nghastell-nedd Port Talbot i ddechrau cerdded a beicio fel ffordd o wella eu hiechyd wedi cymryd cam mawr ymlaen yr wythnos hon.
Mae'r cyngor wedi lansio strategaeth cerdded a beicio bedair blynedd i gyd-fynd ag Wythnos Feicio Genedlaethol (19-27 Mehefin) i geisio newid agweddau cymdeithasol at gerdded a beicio.
Mae TÎm Newid yn yr Hinsawdd y cyngor wedi trefnu G?yl Feicio ym Mharc Gwledig Margam ar 26 Mehefin i ddathlu lansio'r strategaeth.
Gwahoddir y gymuned leol, teuluoedd ac unrhyw un sydd am feicio neu fynd am dro i'r digwyddiad hwn sydd am ddim.
Darperir llwybrau beicio i bob oedran a gallu, hyfforddiant ar sgiliau beicio a chynnal a chadw beiciau yn ogystal  theithiau cerdded  thema, picnic a helfa drysor i blant.
"Creu cymdeithas iachach yw'r ysgogiad y tu Ôl i'r ymgyrch hon," meddai Arweinydd y Cyngor , Ali Thomas.
"Cafwyd ymgynghori cyhoeddus helaeth ar y strategaeth ac mae bellach wedi'i derbyn gan y cyngor.
"Mae'n rhaid i ni nawr gynyddu ymwybyddiaeth o'r manteision iechyd sydd i'w cael, a hyrwyddo sut gall cerdded a beicio fod yn rhan o fywyd pob dydd."
Mae'r strategaeth yn amlinellu ffyrdd o wella lefelau ffitrwydd ledled y fwrdeistref sirol. Mae'r rhain yn cynnwys gwneud cymunedau'n fwy actif drwy gerdded a beicio, hyrwyddo cyfleoedd twristiaeth, gwella'r rhwydwaith cerdded a beicio ac annog pobl i gerdded neu feicio i'r gwaith.
12/05/10
Bu plant Ysgol Gynradd Aberhonddu yn cymryd rhan mewn menter lleihau cyflymder yn ystod Wythnos Ymwybyddiaeth Cyflymder Heddlu Dyfed-Powys.
Rhoddodd y Sarjant Jason Owen a’r PCSO Simon Beaton wers i ddisgyblion blwyddyn chwech ynghylch peryglon goryrru - i yrwyr a cherddwyr fel ei gilydd, gan ddangos cyfres o fideos diogelwch y ffordd iddynt. Yna gofynnwyd i’r plant wneud sylwadau am gynnwys y fideo er mwyn gweld os oeddynt yn deall y peryglon.
Yna dechreuodd yr hwyl wrth iddynt gael eu gwahodd i gymryd rhan mewn arddangosfa ryngweithiol yn ymwneud â phellteroedd stopio. Aed a’r plant i’r clos chwarae a gofynnwyd iddynt osod côn i ddynodi beth yn eu barn hwy oedd y pellter stopio ar gyfer cerbyd sy’n teithio 30 milltir yr awr ac yna 20 milltir yr awr.
Fe’u rhannwyd yn grwpiau ac roedd y disgyblion ymhell o’r marc o ran dewis y pellter sydd ei angen ar gerbyd sy’n teithio 30 milltir yr awr i stopio, sef 23 metr, camgymeriad a allai arwain at ddigwyddiad angheuol. Yna, pan ofynnwyd iddynt amcangyfrif y pellter stopio ar gyfer car oedd yn teithio 20 milltir yr awr, fe wnaeth y mwyafrif o’r plant oramcanu (12 metr), ac mae hyn yn pwysleisio arwyddocâd y cyfyngiad cyflymder hwn ger ysgolion.
Ar ôl y gêm hon aed â’r disgyblion y tu allan i gât yr ysgol a chafodd pob un yn ei dro gyfle i ddefnyddio’r Gwn Cyflymder i fesur a oedd modurwyr yn cadw at y cyfyngiad cyflymder o 20 milltir yr awr.
Meddai’r Sarjant Jason Owen: “Yn ffodus, nid oedd unrhyw un o’r gyrwyr yn torri’r cyfyngiad cyflymder, felly ni fu’n rhaid i’r plant gael gair bach tawel gyda nhw! Er ei bod yn debygol fod y môr o siacedi llachar a oedd yn bresennol yn y lleoliad wedi achosi’r gyrwyr i arafu, mae hyn yn dangos bod presenoldeb gweladwy yn ddull effeithiol o addysgu”.
Ar ôl y sesiwn ymarferol cafodd y plant daflenni i fynd adref gyda nhw ac i’w trafod gyda’u rhieni i sicrhau bod y neges am ymgysylltu ac addysgu yn cael ei basio ymlaen.
Meddai Dirprwy Bennaeth yr Ysgol Gynradd Kevin Phillips: “Roedd y gweithdy hwn yn llwyddiant mawr; drwy gymryd rhan weithredol roedd y disgyblion yn meddwl ac yn dysgu am y peryglon sy’n gysylltiedig â goryrru. Rwy’n ffyddiog y byddant yn llysgenhadon brwdfrydig yn y dyfodol, ac y gwnânt godi ymwybyddiaeth y cyhoedd ynghylch Wythnos Genedlaethol Ymwybyddiaeth Cyflymder.”
19/4/10
I hyrwyddo’r neges wrth-yfed a gyrru, gwahoddir ysgolion a mudiadau ieuenctid i ddyfeisio, perfformio a recordio cyflwyniad amlgyfrwng byw i rybuddio pobl o beryglon a/neu ganlyniadau yfed a gyrru.
1. Gellir cynnwys hyd at 6 o berfformwyr.
2. Rhaid i aelodau’r tîm fod rhwng 11 a 25 oed.
3. Dylai’r cyflwyniad bara llai na 3 munud, a cheir defnyddio amrywiaeth o gyfryngau, gan gynnwys unrhyw rai o’r rhain:
· Perfformiad cerddorol
· Drama/Sgets
· Barddoniaeth/Araith
· Animeiddiad
· Rhaglen ddogfen
· Comedi
· Dawns
4. Rhaid i’r cyflwyniad gael ei ffilmio a’i gyflwyno ar fideo neu DVD a rhaid darparu manylion cysylltu.
5. Caiff y cyflwyniad ei farnu ar sail y meini prawf hyn (nad ydynt yn nhrefn eu blaenoriaeth):
a. Gwreiddioldeb
b. Neges
c. Perfformiad
d. Effaith
Caiff yr ymgais fuddugol ym mhob Sir wobrau gan eu hawdurdod lleol. Yna, cyflwynir yr ymgais fuddugol i’r Gystadleuaeth Ranbarthol. Caiff enillwyr y Gystadleuaeth Ranbarthol £500 i’r ysgol/mudiad y maent yn ei chynrychioli/ei gynrychioli, a chyflwynir gwobrau i aelodau unigol y tîm. Yn genedlaethol, gwahoddir y pedair ymgais Ranbarthol fuddugol i gael eu gwobr a rhoi’r cyflwyniad adeg lansio ymgyrch Wrth-Yfed a Gyrru Cymru-Gyfan yng Parc y Scarlets ddydd Iau 2 Rhagfyr (telir yr holl dreuliau).
Cynhelir y beirniadu ar y gystadleuaeth genedlaethol ddydd Llun 8 Tachwedd
Poster
I weld cynigion cystadleuaeth 2009 cliciwch yma
8/4/10 
Mae Gwasanaethau Priffyrdd ac Isadeiledd Cynghorau Conwy a Sir Ddinbych yn gofyn i ffermwyr a rhai sy'n rhan o'r diwydiant amaethyddol i'w helpu i gadw ffyrdd gwledig yn ddiogel ar gyfer pawb.
Mae'r Awdurdodau wedi cyhoeddi arweiniad i Ffermio a Ffyrdd Cyhoeddus sy'n egluro rôl yr Awdurdodau Priffyrdd a'r cyfrifoldebau ar gyfer unrhyw un sy'n gweithio ar ffyrdd cyhoeddus, boed hynny'n torri gwrychoedd, defnyddio cerbydau amaethyddol neu symud anifeiliaid.
Meddai Stuart Davies, Pennaeth Priffyrdd ac Isadeiledd Cynghorau Conwy a Sir Ddinbych, "Daw'r llyfryn â gwybodaeth a chyngor defnyddiol ynghyd ar gyfer unrhyw un sy'n rhedeg busnes gwledig sy'n cael effaith ar ffyrdd cyhoeddus."
Ychwanegodd, "Yn ysbryd partneriaeth, mae NFU Cymru ac Undeb Amaethwyr Cymru wedi cytuno i ddosbarthu'r daflen hon i'w haelodau."
Mae copïau o'r daflen Ffermio a Ffyrdd Cyhoeddus ar gael o swyddfeydd a llyfrgelloedd y Cyngor neu cliciwch ar y ddolen isod.
Cadw Ein Ffyrdd Gwledig yn Ddiogel
PDF File 1.3Mb
8/4/10
Mae cynllun a sefydlwyd i annog plant tair oed i fod yn ddiogel ar ffyrdd y sir yn cael ei ail-lansio yn Sir Ddinbych. Fe lansiwyd Clwb Traffig y Plant yn wreiddiol yn Sir Ddinbych fel cynllun peilot ar gyfer Cymru gyfan ym mis Ebrill 2002. Daeth y syniad yn wreiddiol o Sgandinafia, lle bu’n llwyddiannus yn newid agweddau ac yn lleihau ffigurau damweiniau.
Mae’r clwb ar gael i bob plentyn 3 oed, ac fe anfonir cyfres o 6 llyfr, pob un yn cynnwys cyngor ar ddiogelwch ffyrdd sydd wedi ei ddarparu mewn ffordd sy’n lliwgar ac yn hwyl, at bob rhiant sy’n cofrestru eu plentyn ar y cynllun.
Mae’r llyfrau â chymeriadau fel Handy Hold, Larry Look a Lucy Listen, pob un yn rhoi cyngor ar ddiogelwch ffyrdd i blant, yn ogystal â dysgu ffyrdd effeithiol o gyfathrebu’r negeseuon pwysig sydd yn y llyfrynnau, i rieni.
Mae pob grwp chwarae, meithrinfeydd, a gwarchodwyr plant yn gallu cymryd rhan yn y cynllun hwn gyda Phecynnau Clwb Traffig y Plant sy’n cynnwys 6 llyfr, templedi lliwio, CD cân a stori, a gwahanol weithgareddau eraill. Bydd Ymwelwyr Iechyd hefyd yn cael pecynnau Clwb Traffig y Plant y gellid eu defnyddio yn ystod gwiriadau blynyddoedd cynnar.
Bydd lansiad Clwb Traffig y Plant yn Sir Ddinbych yn digwydd ar Ebrill 13.
I gael gwybodaeth bellach, cysylltwch ag Uned Diogelwch Ffyrdd Sir Ddinbych, ar 01824 706888.
31/3/10
Mae partneriaid y Fforwm yn cydweithio er mwyn sicrhau bod llai o bobl yn cael eu hanafu neu eu lladd mewn damwain ar y ffordd.
Maent am wneud ein ffyrdd yn ddiogelach i bawb sy'n defnyddio'r ffyrdd yn Sir Benfro.
Mae Ymgyrch Diogelwch Ffyrdd Gwledig Sir Benfro'r mis yma'n atgoffa gyrwyr bod anfon negeseuon testun wrth yrru yn beryglus dros ben ac yn erbyn y gyfraith hefyd.
Mae modurwyr yn gorfod rhoi eu holl sylw i yrru a hynny bob amser.
Yn ôl yr ymchwil a wnaed mae gyrwyr sy'n defnyddio ffôn symudol pan maent yn gyrru, bedair gwaith yn fwy tebygol o gael damwain.
Yn ôl pob golwg nid yw gyrwyr ifanc, yn benodol, yn sylweddoli beth yw'r peryglon ac maent yn meddwl y gallant anfon neges testun a gyrru ar yr un pryd.
Mae hi'n erbyn y gyfraith ichi ddefnyddio ffôn symudol sy'n cael ei ddala yn eich llaw, neu declyn tebyg pan ydych chi'n gyrru. Y gosb yw £60 a 3 phwynt cosb.
Os bydd yr achos yn cael ei glywed mewn llys, yna fe allai gyrwyr orfod talu uchafswm dirwy o £1,000 (£2,500 os ydynt yn gyrru bws, bws pleser neu gerbyd nwyddau trwm), gwaharddiad o ddewis a 3 phwynt.
Os bydd gyrrwr yn achosi damwain wrth iddo anfon neges testun, gall yr heddlu fwrw golwg ar y systemau ffôn.
Diogelwch Ffyrdd y Sir hyn i'w ddweud: os digwydd i'r teithwyr weld bod eu gyrrwr yn anfon neges testun yna roedd gyda hwy gyfrifoldeb a dylent fynnu ei fod yn peidio ag anfon neges testun - neu ei fod yn stopio'r cerbyd.
29/3/10
Heddiw (dydd Llun 29 Mawrth), mae Dirprwy Brif Weinidog Cymru, Ieuan Wyn Jones, wedi lansio'r fersiwn derfynol o'r Cynllun Trafnidiaeth Cenedlaethol. Mae’r cynllun yn amlinellu sut y bydd yn gwireddu gweledigaeth Cymru'n Un o greu system drafnidiaeth fodern a chynaliadwy i Gymru. Wrth lansio'r Cynllun Trafnidiaeth Cenedlaethol cyntaf erioed, esboniodd y Gweinidog dros yr Economi a Thrafnidiaeth sut y bydd Llywodraeth Cynulliad Cymru yn gweithredu Strategaeth Drafnidiaeth Cymru dros y pum mlynedd nesaf.
Nod y cynllun yw creu system drafnidiaeth sy'n addas ar gyfer yr 21ain ganrif ac sydd wedi'i seilio ar dair egwyddor allweddol:
• bodloni’r galw am well symudedd a fydd yn hyrwyddo twf economaidd ac yn gwella ansawdd bywyd pobl Cymru
• rhoi trafnidiaeth ar drywydd mwy cynaliadwy a llai carbon-ddwys
• defnyddio cyllid ar gyfer trafnidiaeth yn fwy effeithiol o ystyried y pwysau cynyddol ar gyllid cyhoeddus
Meddai Dirprwy Brif Weinidog Cymru, Ieuan Wyn Jones,
"Dw i wedi ymrwymo i ddatblygu system drafnidiaeth rad-ar-garbon, lle gall pobl ddewis dulliau iachach a mwy cynaliadwy o deithio. Felly, dw i'n hynod falch fy mod i'n cyhoeddi ein Cynllun Trafnidiaeth Cenedlaethol heddiw.
Rydyn ni'n gweithio i wella gwasanaethau bws a thrên. Ein nod hefyd yw cynyddu nifer y bobl sy'n cerdded neu'n beicio, a thrwy ein rhaglen o Ganolfannau Teithio Cynaliadwy byddwn ni'n buddsoddi mewn llwybrau cerdded a beicio newydd a llwybrau sydd eisoes yn bodoli. Ar draws y rhwydwaith ehangach, mae gyda ni gynlluniau i ddarparu rhagor o gyfleusterau ar gyfer beiciau ar drenau, mewn gorsafoedd ac mewn trefi a dinasoedd."
Dywedodd y Dirprwy Brif Weinidog hefyd y bydd Llywodraeth Cynulliad Cymru, wrth ddatblygu'r system drafnidiaeth, yn parhau i hyrwyddo ffyniant economaidd, yn enwedig yn wyneb heriau byd-eang dirywiad economaidd.
"Mae hynny’n golygu system drafnidiaeth sy’n caniatáu i bobl gael gafael ar wasanaethau ac sy’n cael gwared â'r rhwystrau ar gyfer pobl sy’n chwilio am swyddi, yn enwedig mewn ardaloedd llai ffyniannus", meddai Mr Jones. "Rhaid i ni sicrhau y gall ein cymunedau tlotach, gan gynnwys y rhai y mae dirywiad economaidd diweddar wedi effeithio arnyn nhw fwyaf, elwa ar genedl sydd ar i fyny."
Mae’r Cynllun Trafnidiaeth Cenedlaethol, a gyhoeddodd y Dirprwy Brif Weinidog ym mis Gorffennaf y llynedd, yn adlewyrchu pedwar prif goridor teithio Cymru – o’r dwyrain i’r gorllewin yn y Gogledd, y Canolbarth a’r De, yn ogystal ag o’r Gogledd i’r De. Mae hefyd yn cynnwys cynigion sy’n berthnasol i bob rhan o Gymru.
Mae’r cynigion ar gyfer y prif goridorau yn rhannu dau nod, sef gwella dibynadwyedd, ansawdd a chyflymder trenau, a gwella amserau teithio a diogelwch ar y prif gefnffyrdd.
I gael gwybod rhagor...
29/3/10
Dewiswyd Môn a Menai i ddod yn ardal deithio gynaliadwy, gyda llogi beiciau’n rhad ac am ddim, trafnidiaeth gyhoeddus well a llwybrau beicio a cherdded newydd. Bydd yn derbyn £8 miliwn o gyllid oddi wrth lywodraeth Cynulliad Cymru dros y tair blynedd nesaf i helpu trawsnewid y ffordd mae pobl yn teithio yn yr ardal.
Bydd y cynllun yn cynnwys:
- Prosiectau seilwaith trafnidiaeth gyhoeddus yn ardal Bangor a’r Fenai.
- Gwelliannau i wasanaethau bws.
- Cynlluniau beicio a cherdded newydd, gan gynnwys gorffen llwybr aml-ddefnydd Lôn Adda.
- Prosiectau teithio callach sy’n cynnwys cynlluniau teithio ar gyfer prif gyflogwyr yr ardal.
- Bydd hefyd yn edrych ar bosibilrwydd ailagor yr hen reilffordd rhwng Llangefni a Bangor.
Dywedodd y Dirprwy Brif Weinidog Ieuan Wyn Jones:
“Rwyf wrth fy modd cyhoeddi y bydd Môn a Menai i ddod yn ardal deithio gynaliadwy a’r rhan nesaf o’n gweledigaeth i ddatblygu system trafnidiaeth wirioneddol gynaliadwy i Gymru. Ein nod ni yw cyflwyno’r cynllun hwn mewn dau gam - yn gyntaf, bydd gwelliannau strwythur i adael i bobl symud yn fwy effeithlon a hwylus. Wedyn bydd camau i helpu gwneud trafnidiaeth yn fwy cydgysylltiedig a gwyrdd. Bydd hyn yn cynnwys datblygu cynlluniau teithio i brif gyflogwyr yr ardal, mwy o gefnogaeth i wasanaethau bws a hwb nerthol i feicio a cherdded.
“Rhaid i bawb weithio’n glos gyda’i gilydd er mwyn llwyddo. Mae’r cyhoeddiad diweddaraf hwn yn cydweddu â gwaith ar y Cynllun Trafnidiaeth Cenedlaethol sydd hefyd wedi’i gyhoeddi gen i heddiw ac sy’n gosod allan fy nghynllun pum mlynedd i ddatblygu system trafnidiaeth fodern, integredig i gefnogi adnewyddu’n heconomi, creu cymdeithas fwy cynhwysfawr a helpu mynd i’r afael â newid hinsawdd.
Dywedodd y Cynghorydd Gareth Roberts Gwynedd, Prif Arweinydd Portffolio Amgylcheddol:
“Dyma fuddsoddiad sylweddol yn yr ardal sy’n helpu cyflwyno system trafnidiaeth effeithiol, effeithlon a chynaliadwy sy’n gweddu orau ag anghenion pawb sy’n byw, gweithio ac ymweld ag ardal Môn a Menai.
“Mae Cyngor Gwynedd yn croesawu’r cyhoeddiad hwn, ac edrychwn ymlaen at weithio mewn partneriaeth â llywodraeth Cynulliad Cymru a Chyngor Sir Ynys Môn i gyflwyno’r Prosiect Ardal Deithio Gynaliadwy cyntaf yng Nghymru.”
16/3/10
Mae Cyngor Sir Ynys Môn wedi diogelu arian pwysig ar gyfer cynlluniau fydd yn hybu diogelwch ar y ffyrdd. Mae arian grant newydd, werth dros £352,000, wedi ei dderbyn gan Lywodraeth Cynulliad Cymru.
Bydd yr arian yn galluogi'r Cyngor Sir i gychwyn gweithio ar gynlluniau Llwybrau Diogel mewn Cymunedau yn Llangefni(ardal Corn Hir), Dwyran, Niwbwrch, a Llangristiolus.
Bydd y cynlluniau yn arwain at welliannau mewn cyfleusterau beicio a cherdded o fewn y pedair ardal, ynghyd â gwelliannau diogelwch ffyrdd fydd yn elwa ysgolion lleol a'r gymuned yn gyffredinol. Bydd y gwaith yn cychwyn yn hwyrach eleni.
Bydd y gwaith yn cynnwys:
• Llangefni(ardal Corn Hir) - troedffyrdd newydd a gwelliannau cysylltiedig; croesfan ar y B5109; llwybr cerdded a beicio newydd o Ganolfan Hamdden Plas Arthur I'r ardaloedd preswyl a mesurau gostegu traffig.
• Dwyran - troedffordd newydd ar y ffordd sydd yn cysylltu'r A4080 gyda chanol y pentref; gwell goleuadau stryd a mesurau gostegu traffig.
• Niwbwrch - ail-adeiladu troedffyrdd yng nghanol y pentref; mesurau gostegu traffig; troedffordd newydd ar Stryd yr Eglwys ac ynys groesi bwrpasol ger mynedfa'r ysgol.
• Llangristiolus - troedffordd newydd ar y B4422; cysgodfa bws newydd; mesurau gostegu traffig a nifer o welliannau i'r troedffyrdd.
Dywedodd y deilydd portffolio Priffyrdd a Thrafnidiaeth, y Cynghorydd Eurfryn Davies, "Rydym yn ddiolchgar i'r Cynulliad am yr arian pwysig yma. Mae'r ffaith bod Môn wedi llwyddo i ennill pob ceiniog o'r arian grant y ceisiwyd amdano yn adlewyrchu safon ein cais gwreiddiol a gwaith caled y staff ddaru ei baratoi."
Ychwanegodd, "Bydd y gwaith yn cychwyn yn hwyrach eleni ac yn darparu mesuriadau diogelwch ychwanegol ar gyfer cerddwyr a beicwyr yn y pedair cymdeithas yma."
8/3/10
Cymerwyd safiad creadigol i ddatrys problemau ymddygiad gwrthgymdeithasol a bwlio ar fysiau ysgol uwchradd yng Ngogledd Cymru. Mae Cyngor Sir Ddinbych, sy’n arwain gyda phrosiect Zoom ar ran awdurdodau lleol Gogledd Cymru, wedi gosod pedwar o systemau adloniant sydd â miwsig a DVDs sy’n addas i oedran, i ennyn diddordeb y myfyrwyr a’u cadw yn eu seddi.
Mae llwybrau bws dewisol yn Sir Ddinbych, Sir Fflint, Ynys Môn a Gwynedd yn difyrru myfyrwyr ar eu ffordd adref fel arbrawf i weld os gall ymyriad positif cynnar leihau bwlio a thynnu sylw’r gyrrwr, gyda chanlyniadau addawol hyd yma.
Yn Sir Ddinbych, mae Zoom wedi ymuno ag Ysgol Dinas Brân, Llangollen a bysiau GHA, ac wedi darparu’r daith o’r ysgol â chyngherddau miwsig, ffilmiau poblogaidd a rhaglenni dogfen natur. Yr amcan yw gwneud y trip yn brofiad pleserus a lleihau bwlio sy’n gallu arwain at driwantiaeth.
Meddai Berwyn Davies, Swyddog Gweithrediadau GHA Coaches: “Mae’n gweithio!, Mae gyrrwr yn troi’i gefn ar 70 o blant ac yn gyrru. Os gallwn eu cadw’n ddiwyd ac ennyn eu diddordeb ar y trip adref maen nhw’n fwy tebygol o ymddwyn yn dda ac yn llai tebygol o achosi fandaliaeth neu dynnu sylw’r gyrrwr”.
Mae nifer yr achosion o ymddygiad gwrthgymdeithasol a adroddwyd yn y blynyddoedd diwethaf wedi cynyddu. Mae’r arbrawf yn ddull radical o leihau tynnu sylw’r gyrrwr, bwlio, ac ymddygiad gwrthgymdeithasol ar y daith adref. Mae prosiect Zoom, gyda chefnogaeth Llywodraeth Cynulliad Cymru, yn awr yn gweithredu ym mhob un o chwe sir Gogledd Cymru.
Meddai Stuart Davies, Cyd-bennaeth Priffyrdd a Seilwaith Conwy a Sir Ddinbych ‘Ar ddiwedd pob diwrnod ysgol bydd myfyrwyr yn dod ar y bws yn fywiog ac yn egnïol, a gall lefelau swn dynnu sylw gyrwyr bws. Efallai bod hyn yn ymagwedd radical tuag at gludiant ysgol ond os yw’n lleihau ymddygiad gwael ac yn stopio bwlio yna mae’n werth chweil. Defnyddir systemau adloniant yn barod yn yr Unol Daleithiau i leihau ymddygiad gwrthgymdeithasol ac mae hwythau hefyd yn adrodd canlyniadau positif.’
Mae’r arbrawf hwn i’w fonitro am flwyddyn, a’i asesu i weld a yw’n ffordd effeithiol o reoli ymddygiad. Y canlyniadau disgwyliedig yw lleihad mewn lefelau swn, bwlio, triwantiaeth a thynnu sylw’r gyrrwr.
1/3/10
Mae'r ymgyrch i ddysgu plant ysgol am bwysigrwydd gofal ar yr hewl yn cael cefnogaeth gan y Scarlets.
Mae’r rhanbarth wedi ymuno gyda Chyngor Sir Gâr a’i mascot Gari Gofal i helpu godi ymwybyddiaeth am yr ymgyrch ac i addysgu disgyblion am bwysigrwydd gofal ar yr hewl – gan gynnwys croesi’r ffordd, bod yn weladwy, beicio’n ddiogel, cerdded i’r ysgol ac aros yn y car yn ddiogel.
Yn ddiweddar, fe ddaeth Gari Gofal i gyfarfod rhai o chwaraewyr y Scarlets a’u plant i lansio’r ymgyrch.
Fe fydd y Scarlets yn cynhyrchu amrywiaeth o ddeunyddiau gofal ar yr hewl a phecynnau addysg ar y cyd â’r Cyngor a bydd yn cael eu dosbarthu wrth i’r Scarlets ymweld ag ysgolion lleol a sioeau yn ystod yr haf.
Fe fydd y Scarlets yn denu sylw i'r ymgyrch gyda amrywiaeth o nwyddau megis cardiau chwaraewyr, siart wal, posteri o'r tim, llyfrau sticeri, sticeri a llofnodion.
Ymunodd y chwaraewr rhyngwladol Dafydd Jones â Gari a’i blant ifanc i ddechrau’r ymgyrch.
Dywedodd Dafydd Jones: “Rydych chi lot yn fwy ymwybodol o ddiogelwch ar ôl cael plant, ac rwyf i nawr yn fwy ymwybodol o gadw’r plant yn ddiogel yn y car ac ati. Mae’n bwysig iawn i gadw’r neges yn fyw, ac wrth ddefnyddio cymeriad fel Gari Gofal mae’n ffordd hwylus ac ysgafn i wneud hynny, yn enwedig ymhlith plant ifanc.
“Fe fyddwn ni’n gwneud popeth y gallwn i ledu’r neges yn y misoedd nesa’.”
Dywedodd swyddog diogelwch y cyngor, Keith Griffiths: “Mae’r ymgyrch wedi ei anelu at blant sydd yn mynd i’r ysgol am y tro cynta’.
“Mae’n gyfnod pwysig yn eu bywydau ond mae’r rhyddid newydd yma’n cyflwyno peryglon newydd iddynt hefyd.
“Mae’n hanfodol bwysig i addysgu’r plant ac rydym yn gyson yn chwilio am ffyrdd newydd i wneud hynny. Rydym yn falch iawn bod y Scarlets wedi cytuno i gefnogi’r ymgyrch ac i ledu’r neges!”
Dywedodd Julie David, Rheolwr Lletygarwch a Marchnata’r Scarlets: “Fe fyddwn yn lledu’r neges i gymaint o gymunedau a phosib.
“Mae gennym rhaglen hynod o brysur yn y gymuned ac mae’n bwysig i ni barhau â’n gwaith yn y gymuned i sicrhau bod pawb yn teimlo’n rhan o’r teulu. Rydym yn falch iawn o gefnogi ymgyrch fel hyn.
“Fe fydd ein ymgyrch gyda’r Cyngor yn tynnu sylw at nifer o bethau allweddol ynglyn â chadw plant yn ddiogel, croesi’r ffordd, cerdded o un lle i’r llall, beicio’n ddiogel, a sut i aros yn ddiogel yn y car.”
4/2/10
Mapiau yn dangos lleoliad anafusion traffig ar y ffordd ym mhob Awdurdod Lleol yng Nghymru. Mae’r mapiau yma yn nodi lle mae anafusion wedi’u clystyru gyda’u gilydd a lle maent wedi’u gwasgaru’n fwy eang.
Mae’n bosib i’r nifer o marcwyr anafusion wahaniaethu i gyfanswm y nifer of anafusion a gofnodwyd am y rhesymau canlynol:
- Mae damweiniau anafusion lluosog yn dangos un marciwr ar gyfer yr anafus mwyaf difrifol.
- Gall anghywirdebau yn y cyfeirnodau grid cofnodedig arwain at fethiant i plotio’r lleoliad.
Mae’r mapiau yn cynnwys anafusion ceir, anafusion motorbeicwyr ac anafusion cerddwyr. Maent yn dangos marwolaethau, ac anafusion ag anafiadau difrifol ac anafiadau ysgafn; hefyd, maent yn dangos y brif ffyrdd a setliadau ym mhob ardal Awdurdod Lleol.
I gael gwybod rhagor...
26/1/10
Bydd dros £50k yn cael ei wario ar gynlluniau diogelwch ffyrdd yn Abertawe mewn ymgais i wella diogelwch ffyrdd i gerddwyr. Llwyddodd cynnig Cyngor Abertawe am yr arian fel rhan o ariannu cyffredinol a fydd ar gael gan Bartneriaeth Lleihau Damweiniau Cymru Gyfan.
Os ceir cymeradwyaeth gan y Cabinet, defnyddir yr arian i osod arwyddion arddangos cyflymder mewn mannau allweddol yn y ddinas.
Bydd yr arwyddion yn dangos gwybodaeth i fodurwyr i geisio addysgu gyrrwyr am gyfyngiadau cyflymder ar ffyrdd y mae cerbydau'n aml yn teithio'n gynt na'r cyfyngiad lleol arnynt.
Bydd arwyddion parhaol yn cael eu gosod ar Heol Abertawe Llewitha a Heol Gorseinon. Bydd y rhain yn ategu arwyddion a osodwyd eisoes ar ffyrdd eraill yn Abertawe dros y blynyddoedd diwethaf. Bydd arwyddion symudol ychwanegol hefyd yn cael eu prynu, y gellir eu defnyddio i gefnogi rhaglenni gorfodi cyflymder ar draws Abertawe.
Mae rhywfaint o'r arian eisoes wedi cael ei ddefnyddio i leihau'r cyfyngiad cyflymder ar Heol Cwmbach, sy'n cysylltu'r Cocyd â Waunarlwydd.
Defnyddiwyd arian ychwanegol i osod camera cyflymder digidol uwch-dechnolegol ar gyffordd Lôn Sgeti a Heol y Mwmbwls. Mae'r camera yn un o ddau yn unig yng Nghymru sy'n gallu monitro modurwyr sy'n anwybyddu goleuadau coch yn ogystal â monitro cyflymder modurwyr drwy'r gyffordd.
Meddai John Hague, Aelod Cabinet Cyngor Abertawe dros yr Amgylchedd, "Mae'r arian yn hanfodol i Abertawe, a bydd yn gymorth i ni fynd i'r afael â rhai pryderon sydd gan gymunedau ynghylch cyflymder amhriodol.
"Byddwn yn annog pob gyrrwr i yrru'n gyfrifol ac i gadw at gyfyngiadau cyflymder priodol, yn enwedig yn agos at ysgolion lleol lle gall plant fod yn croesi heolydd."
Meddai Jim Moore, Rheolwr Partneriaeth Lleihau Damweiniau Ffyrdd Cymru, "Ein blaenoriaeth fel partneriaeth bob amser yw ceisio lleihau damweiniau, addysgu modurwyr a dylanwadu ar ymddygiad gyrrwyr, ac mae'r arwyddion arddangos cyflymder yn gwneud hynny. Mae'r adborth gan yrrwyr yn gadarnhaol, gyda nifer yn nodi nad oeddent yn sylweddoli eu bod yn torri'r cyfyngiad cyflymder nes i'r arwydd fflachio. Byddwn yn parhau i ystyried ac ariannu mentrau peirianneg er mwyn ceisio lleihau cyflymder ar ein heolydd."
19/1/10 
Treuliodd Uned Plismona Ffyrdd Sir Benfro 2009 yn cadw ffyrdd y sir yn ddiogel. Daliodd yr Uned 141 yn fwy o bobl yn gyrru wrth ddefnyddio ffôn symudol nag yn y flwyddyn flaenorol, rhoddwyd 30 yn fwy o ddirwyon goryrru a chymerwyd 385 o gerbydau oddi ar y ffordd gan nad oedd ganddynt y ddogfennaeth gywir.
Cynyddodd rhanbarth Sir Benfro hefyd y nifer o brofion anadl a gyflawnwyd gan dros 3,000 ond daliwyd 65 yn llai o yrwyr yn gyrru pan dros y terfyn alcohol cyfreithiol.
Meddai’r Arolygydd Andy Phillips: “Gyda gobaith, mae’r neges ynghylch yfed a gyrru o’r diwedd yn cael ei chlywed.
“Fodd bynnag, rydym wedi gweld cynnydd mewn troseddau eraill fel gyrru heb y ddogfennaeth gywir. Gall hyn arwain at atafaelu eich car, felly rydym yn annog pobl i ufuddhau i gyfreithiau’r ffordd neu fod yn barod am ganlyniadau drud.”
Gwnaeth yr Uned, ynghyd â’r Uned Ymateb Arfog, ddatgelu 181 o droseddau, arestion 165 o bobl am droseddau cyffuriau a rhoi 58 o rybuddion canabis.
Ychwanegodd yr Arolygydd Phillips: “Mae’r Uned Diogelwch y Ffyrdd a’r Uned Ymateb Arfog yn rhagweithiol yn eu hagwedd ac yn bwriadu atal troseddwyr rhag defnyddio’r ffyrdd a chadw ffyrdd y sir yn ddiogel.
"Yn 2010 byddwn yn parhau i dargedu’r rhai hynny sy’n diystyru’r gyfraith.”
11/1/10
Mae grwp o blant ysgol wedi mentro ar yr iâ yng Ngwledd y Gaeaf ar y Glannau yn Abertawe, a hynny er mwyn diogelwch ffyrdd. 
Enillwyr lwcus cystadleuaeth liwio diogelwch ffyrdd a drefnwyd gan Dîm Diogelwch Ffyrdd Cyngor Abertawe oedd y plant ysgol hyn o Flwyddyn 1 yn Ysgol Gynradd Llangyfelach.
Trefnwyd y gystadleuaeth fel rhan o'r fenter Kerbcraft a ariennir gan y Cynulliad ac sy'n darparu addysg diogelwch ffyrdd ymarferol i blant rhwng 5 a 7 oed.
Y wobr ar gyfer enillwyr y gystadleuaeth oedd cael eu trin fel VIPs ar Gylch Iâ Cochyn yng nghwmni Cochyn y Ceiliog Diogelwch Ffyrdd.
Meddai Mike Flynn, Pennaeth Ysgol Gynradd Llangyfelach, "Cafodd y plant ddiwrnod bendigedig a gwnaethant fwynhau eu hunain yn fawr gyda Cochyn.
"Mae cydlynydd Kerbcraft wedi bod yn gweithio yn ein hysgol am bum mlynedd yn helpu i drosglwyddo negeseuon diogelwch ffyrdd hollbwysig i'r plant.
"Mae'n gynllun gwerthfawr iawn a fydd yn helpu i roi'r sgiliau angenrheidiol i'r plant i'w galluogi i gadw'n ddiogel ar ffyrdd."
Mae'r cyngor yn gobeithio y bydd mwy o bobl yn gwirfoddoli i helpu i gyflwyno Kerbcraft mewn ysgolion ar draws Abertawe.
Meddai Carys Price, Cydlynydd Hyfforddi Cerddwyr sy'n Blant dros Gyngor Abertawe, "Menter bwysig iawn yw Kerbcraft a hoffem ei chynnig i bob ysgol yn y ddinas.
"Mae'r cynllun yn dibynnu ar gymorth gwirfoddolwyr a heb eu cymorth hwy, ni fyddem yn gallu darparu hyfforddiant Kerbcraft i'n holl blant ifanc."
Os ydych yn credu y gallwch helpu, ffoniwch Carys Price neu Lindsey Hill ar (01792) 636142.
7/1/10
Mae Heddlu Gogledd Cymru yn atgoffa gyrwyr i gymryd gofal wrth yrru ar ffyrdd sydd wedi rhewi neu sydd wedi eu gorchuddio ag eira.
Gyda’r tymheredd isel yn parhau, mae modurwyr yn cael eu hannog i fod yn wyliadwrus ac i yrru mewn ffordd briodol ar gyfer yr amgylchiadau gaeafol ar y ffyrdd.
Dilynwch y canllawiau syml isod er mwyn eich cadw chi a phobl eraill yn ddiogel ar y ffyrdd:
• Sicrhewch fod eich car yn addas ar gyfer y siwrne, fod y teiars yn llawn aer ac mewn cyflwr da, a bod y goleuadau yn lân ac yn gweithio’n iawn. Byddwch yn weladwy a diogel
• Sicrhewch fod sylwedd i atal rhewi wedi cael ei roi yn y rheiddiadur a bod ganddo’ch digon o hylif glanhau’r sgrin flaen
• Dywedwch wrth ffrind neu aelod o’ch teulu ble rydych yn mynd
• Ewch â rhaw, fflasg o ddiod poeth, torch, ffôn symudol sydd wedi ei tshiarjo, blanced a dillad addas gyda chi
• Arafwch ar ffyrdd sydd wedi eu gorchuddio â rhew neu eira a gadewch digon o le rhwng eich car a’r car o’ch blaen
• Gadewch mwy o amser nag arfer ar gyfer eich siwrne
• Sicrhewch fod digon o betrol a disel yn eich tanc
• Gwnewch ymholiadau gyda’r RAC neu AA am y ffyrdd rydych am ei ddefnyddio neu gwrandewch ar eich gwasanaeth radio lleol
• Defnyddiwch eich ffôn symudol os ydych angen cysylltu â’r gwasanaethau brys am gymorth
18/12/09
Mae hyrwyddwyr diogelwch ffyrdd yn Abertawe wedi derbyn diolch Nadoligaidd arbennig gan Gyngor Abertawe. 
Mae'r gwirfoddolwyr lleol sy'n rhedeg menter diogelwch ffyrdd Kerbcraft y Cynulliad yn cael eu hanrhydeddu â chinio Nadolig fel gwobr am eu gwaith caled a'u hymroddiad yn ystod y flwyddyn.
Tîm Diogelwch Ffyrdd y Cyngor sy'n cydlynu'r cynllun ac mae'n dibynnu ar wirfoddolwyr i fynd i ysgolion cynradd i helpu plant rhwng 5 a 7 oed ddysgu am ddiogelwch ffyrdd.
Mae Kingsley McCarthy o Drefansel wedi bod yn helpu, gan ddysgu diogelwch ffyrdd mewn tair ysgol gynradd am y chwe blynedd diwethaf.
Meddai Kingsley, sy'n 73 oed, "Mae Kerbcraft yn gynllun mor hanfodol a gwerth chweil. Dyma un o'r ffyrdd y gallwn help i leihau nifer y damweiniau sy'n digwydd i blant ar ein ffyrdd.
"Fe gynigiodd James, fy ?yr, fy enw ychydig flynyddoedd yn ôl, a dw i ddim wedi 'difaru.
"Rydym ni'n cael amser pleserus a llawer o hwyl gyda'r plant ac mae pawb i weld yn mwynhau eu hunain. Mae gennym hefyd gân diogelwch ffyrdd arbennig rydyn ni'n dysgu i'r plant ar ddiwedd y wers.
"Rwy'n wir obeithio y bydd mwy o bobl yn gwirfoddoli oherwydd mae'n rhaid i ni barhau i gynnal y cynllun."
Dywedodd John Hague, Aelod Cabinet Cyngor Abertawe dros yr Amgylchedd, "Rwyf am ddiolch yn bersonol i'r gwirfoddolwyr am eu cymorth, yn ein helpu i gyflwyno addysg diogelwch ffyrdd i blant ledled Abertawe. Heb eu hymdrechion, fydden ni ddim yn gallu cynnal y cynllun.
"Rydym yn gwbl ymroddedig i greu amgylchedd diogel yn ein cymunedau yn enwedig ger ysgolion. Mae hyfforddiant Kerbcraft yn ategu'r camau ffisegol hyn ac yn sicrhau y bydd ein plant yn ddiogel ar y ffyrdd."
I wirfoddolir ar gyfer Kerbcraft a helpu plant i fod yn ddiogel ar ein ffyrdd, cysylltwch â Carys Price neu Lindsey Hill ar (01792) 636142.
18/12/09
Mae merch ysgol o Borthcawl wedi ennill cystadleuaeth i greu poster yn erbyn yfed a gyrru ar gyfer tymor y Nadolig a’r Flwyddyn Newydd.
Bydd y poster gan Megan Perrin, sy’n ddeng mlwydd oed, yn ymddangos ar fysiau lleol First Cymru wedi iddi ennill cystadleuaeth a drefnwyd gan dîm Diogelwch ar y Ffyrdd Cyngor Bwrdeistref Sirol Pen-y-bont ar Ogwr.
Mae’r poster, sy’n cynnwys y neges ‘Be full of Christmas cheer, not full of Christmas beer!’, yn amlygu peryglon yfed a gyrru, yn enwedig dros gyfnod yr Wyl, a bydd i’w weld ledled y fwrdeistref sirol.
Gwahoddwyd ysgolion lleol i gymryd rhan yn y gystadleuaeth, a drefnwyd gan y tîm Diogelwch ar y Ffyrdd fel un o’r llu o fentrau sydd wedi’u bwriadu i hybu gwell diogelwch ar y ffyrdd ym Mwrdeistref Sirol Pen-y-bont ar Ogwr.
Mae ystadegau wedi dangos bod 10,749 o yrwyr wedi cael prawf anadl gan yr heddlu ledled Cymru yn ystod yr ymgyrch ganddynt a barodd am fis dros gyfnod y Nadolig y llynedd.
14/12/09
Mae Ysgol Gynradd Glyncorrwg yng Nghwm Afan wedi ennill tlws mewn cystadleuaeth ar gyfer y nifer uchaf o ddisgyblion a gerddodd i'r ysgol yn ystod Mis Rhyngwladol Cerdded i'r Ysgol ym mis Hydref. Cyrhaeddon nhw ganran uchel iawn sef 83%
Roedd enillwyr y llynedd, Ysgol Gynradd Coed Hirwaun ym Margam, yn ail agos iddynt, gan gyrraedd ffigur parchus o 82%.
TÎm Diogelwch Ffyrdd Castell-nedd Port Talbot oedd yn trefnu'r gystadleuaeth flynyddol, ac roedd dros 200 o ddisgyblion wedi ymuno yn yr ymgyrch i annog cynifer o ddisgyblion  phosib i gerdded i'r ysgol a cheisio cipio'r brif wobr.
Cofnodwyd y nifer oedd yn cerdded bob dydd, a'i newid yn ganran o'r nifer ar y gofrestr, gyda'r ysgol fuddugol yn derbyn tlws ar gyfer eu hysgol.
Yn y seremoni, cyflwynwyd gwobrau i'r enillwyr a'r rhai a ddaeth yn ail.
Meddai Arweinydd y Cyngor, Ali Thomas, wrth ganmol ymdrech y disgyblion, "Rwyf wrth fy modd Â'r gefnogaeth a ddangosir gan ysgolion ar draws y fwrdeistref sirol. Roedd llawer iawn o ddisgyblion wedi cymryd rhan yn y digwyddiad a oedd mor werth chweil. Hoffwn longyfarch pawb a ymunodd yn yr ymgyrch am wneud ymdrech mor wych."
14/12/09
“Mae popeth wedi ei ddifetha – ni all yr oll roeddwn wedi ei obeithio amdano ddigwydd yn awr.”
Dyma eiriau Stacey Williams, 17-oed, a oroesodd gwrthdrawiad erchyll ar ffordd yr A5 ym Mhorthaethwy yn ystod oriau mân ddydd Sadwrn, yr 28ain o Chwefror, eleni.
Mae ei geiriau’n dod wrth i’r pedwar llu heddlu yng Nghymru, gyda Heddlu Gogledd Cymru a Llywodraeth y Cynulliad yn arwain, lansio eu hymgyrch yfed a gyrru Nadolig blynyddol - sy’n cael ei chynnal o’r 1af o Ragfyr hyd at 1af o Ionawr 2010.
Mae Stacey wedi cael ei gadael gydag anafiadau sydd wedi newid ei bywyd yn dilyn y gwrthdrawiad a laddodd tri arall, sef Elin Rowlands 15-oed, Clifford Jones a oedd yn 17 a Rebecca Lee a oedd yn 18-oed.
Mae’r gyrrwr, Richard Brown, a oedd yn 24-oed, wedi cael ei garcharu am 10 mlynedd ar ôl pledio’n euog i dri achos o ladd drwy yrru’n beryglus a gyrru o dan ddylanwad alcohol.
Mae fideo arbennig wedi cael ei gynhyrchu, gyda chyfweliad â Stacey a’i thad, Kevin Williams - sy’n siarad am effaith y gwrthdrawiad ar eu bywydau.
Meddai’r Dirprwy Brif Gwnstabl Dros Dro, Ian Shannon: “Eleni, bydd Ymgyrch Atal Yfed a Gyrru Nadolig Cymru Gyfan unwaith eto’n rhybuddio gyrwyr na fyddem yn goddef yfed a gyrru.
“Ni fyddem yn goddef yfed a gyrru yn arwain at y Nadolig ac wedi hynny. Os ydych yn torri’r gyfraith ac yn gyrru ar ôl bod yn yfed, y perygl ydy y byddwch yn cael eich gwahardd ac y byddwch yn wynebu erlyniad troseddol. Rydych hefyd yn peryglu eich bywyd eich hun a bywyd pobl eraill ar y ffyrdd.
“Mae swyddogion ar draws Cymru wedi eu hymrwymo i wneud ein ffyrdd yn fwy diogel a byddem ar batrôl er mwyn lleihau’r nifer o yrwyr sy’n mynd y tu ôl i’r llyw ar ôl yfed neu gymryd cyffuriau.”
Ychwanegodd: “Rydym yn benderfynol o wneud popeth yn ein gallu i wneud ffyrdd Gogledd Cymru’n fwy diogel, ond ni allwn wneud hyn ar ein pennau ein hunain. Rydym angen cefnogaeth y cyhoedd er mwyn cael effaith gwirioneddol. Dwi’n apelio ar bawb i chwarae eu rhan - ni all terfynau yfed a gyrru cael eu hamcangyfrif, felly'r unig ffordd ddiogel i’w dilyn yw peidio ag yfed a gyrru.”
Meddai Ieuan Wyn Jones, Dirprwy Prif Weinidog Llywodraeth y Cynulliad a’r Gweinidog Datblygu Economaidd a Thrafnidiaeth: “Hwn fydd y drydedd ymgyrch i mi gymryd rhan ynddi, a thra dwi’n credu ein bod yn newid agweddau, sy’n cynorthwyo i leihau’r nifer sy’n cael eu lladd oherwydd yfed a gyrru, mae gormod o unigolion a theuluoedd o hyd sydd â’u bywydau yn cael eu chwalu gan farwolaethau ac anafiadau yn ymwneud ag yfed a gyrru.
“Er mai dim ond canran bychan o fodurwyr sy’n parhau i anwybyddu’r gyfraith, mae’r canran yma o yrwyr anghyfrifol yn gyfrifol am un ym mhob chwech o farwolaethau yn y wlad hon. Dwi’n annog y gyrwyr hyn i gysidro’r effaith mae eu hymddygiad yn ei gael ar bobl ddiniwed ac i beidio â bod mor ddifeddwl.”
Dros y pedair wythnos nesaf bydd miloedd o fodurwyr yn wynebu cael eu stopio gan y bydd timau o’r pedwar llu - Gogledd Cymru, Dyfed Powys, Heddlu’r De a Gwent - yn cynnal archwiliadau mewn lleoliadau amrywiol ar draws y wlad.
Os ydych chi’n ymwybodol o rywun sy’n yfed a gyrru, neu os ydych yn amau rhywun o yrru tra o dan ddylanwad alcohol, cysylltwch â Heddlu Gogledd Cymru ar 0845 607 1001 (llinell Gymraeg) neu 0845 607 1002 (llinell Saesneg).
Gallwch hefyd anfon neges testun at 66767 neu e-bostio – northwalespolice@north-wales.police.uk
10/12/09 
Gall hyd yn oed ddiod neu ddwy amharu ar dy allu i yrru - cofia nad oes rhaid i ti fod yn feddw i gael dy ddal am yfed a gyrru.
Mae'r ymgyrch yn erbyn yfed a gyrru yn cael ei chynnal ledled Cymru gyda chefnogaeth yr Heddlu. Bydd nifer mawr o swyddogion yr heddlu o gwmpas yn ystod yr ?yl i atal pobl yr amheuir eu bod yn yfed a gyrru. Os wyt ti'n gyrru, paid ag yfed a gyrru dros y Nadolig eleni, neu fe allet ti wynebu'r canlyniadau o gael dy ddal.
Os bydd llys yn dy gael yn euog o yfed a gyrru gallai hynny ddifetha dy fywyd.
Os byddi'n gyrru ar ôl cael diod neu ddwy, fe allet ti wynebu'r canlyniadau canlynol:
- Methu â gyrru am flwyddyn neu golli dy drwydded yrru hyd yn oed
- Dirwy sylweddol
- Record droseddol neu fynd i'r carchar
- Byw gyda'r stigma o gael dy adnabod fel un sy'n yfed a gyrru
- Straen ar dy ffordd o fyw, er enghraifft methu â defnyddio dy gar, colli dy swydd a chael anawsterau mewn perthynas.
- Y gwaethaf a allai ddigwydd - gallet ti gael dy ladd neu gallet ti dy anafu dy hun, dy deithwyr ac eraill.
Felly, pan fyddi'n cael cynnig diod arall, pwyll piau hi. Os wyt ti am barhau i yfed gad dy gar a chymer dacsi, bws, trên neu trefna fynd gyda gyrrwr arall.
I gael cymorth wrth wneud cynlluniau teithio ewch i wefan Traveline Cymru
I gael rhagor o wybodaeth ewch i wefan Ymgyrch Pwyllwch!
24/11/09
Yn dilyn llwyddiant ysgubol y llynedd, bydd y tri Gwasanaeth Tân ac Achub a’r Heddluoedd yng Nghymru yn cydweithio unwaith eto eleni er mwyn gweithredu i addysgu’r cyhoedd ynghylch diogelwch ar y ffyrdd drwy’r ‘Ymgyrch Dewis’ – ymgyrch diogelwch ar y ffyrdd wythnos o hyd sy’n digwydd rhwng 23 a 27 o fis Tachwedd.
Yn ystod Wythnos Diogelwch ar y Ffyrdd, sy’n cael ei gynnal gan yr elusen diogelwch ar y ffyrdd Brake, bydd ‘Ymgyrch Dewis’ yn cael ei defnyddio i addysgu’r cyhoedd ar sut y gallai man newidiadau i’r ffordd maent yn gyrru achub eu bywyd hwy a bywydau pobl eraill.
Bydd Swyddogion Heddlu yn eu lle tu allan i Orsafoedd Tân yn y trefi a’r dinasoedd sydd â rhai o’r lefelau uchaf, yn ystadegol, o ran Gwrthdrawiadau Traffig ar y Ffyrdd yng Nghymru. Bydd swyddogion yr heddlu yn atal unrhyw yrwyr nad ydynt yn gwisgo gwregys diogelwch ac yn rhoi dewis iddynt:
Dewis 1: Gall y troseddwr gytuno i dalu’r ddirwy cosb benodedig, neu
Dewis 2: Gall y troseddwr fynd i’r Orsaf Dân a gwylio cyflwyniad ddeng munud o hyd am ganlyniadau erchyll peidio â gwisgo gwregys diogelwch.
Yn ardal Gwasanaeth Tân ac Achub De Cymru, cafodd 171 o fodurwyr eu hatal gan swyddogion yr heddlu tu allan i saith Gorsaf Dân gwahanol yn ystod Wythnos Diogelwch ar y Ffyrdd (2008).
Cafodd pob un eu hatal am nad oeddent yn gwisgo gwregys diogelwch wrth yrru, neu am deithio mewn cerbyd heb wisgo gwregys.
Wedi cael y dewis, dim ond tri pherson ddewisodd y ddirwy. Roedd yn well gan 168 o bobl fynd mewn i’r Gorsafoedd Tân a gwylio cyflwyniad difrifol iawn, 10-15 munud o hyd.
Roedd 100% o’r bobl a welodd y cyflwyniad yn dweud y byddent yn sôn wrth bobl eraill amdano a dywedodd 98% ei fod wedi newid eu canfyddiad hwy ynghylch peryglon gyrru heb wisgo gwregys diogelwch.
Cafodd y Gorsafoedd Tân canlynol eu targedu yn ardal Gwasanaeth Tân ac Achub De Cymru:
Merthyr Tudful, Tonypandy, Caerdydd Canolog a’r Barri (ardal Heddlu De Cymru) – cafodd 90 o droseddwyr eu hatal gan yr heddlu.
Caerffili, Aber-carn a Glynebwy (ardal Heddlu Gwent) – cafodd 78 o droseddwyr eu hatal gan yr heddlu.
Dywedodd y Rheolwr Grwp Rob Morris, Pennaeth Diogelwch ar y Ffyrdd Gwasanaeth Tân ac Achub De Cymru;
Profodd yr wythnos yn llwyddiant mawr o ran cyrraedd modurwyr a oedd yn wynebu perygl mawr wrth beidio â gwisgo eu gwregys diogelwch wrth yrru.
Mae’n galonogol iawn fod 100% o droseddwyr yn teimlo bod yr ymgyrch hon yn un gwerth chweil ac yn arf ataliol llawer gwell na’r dull gorfodaeth ac y byddai’n cael effaith hirdymor ar eu hymddygiad.
Oherwydd llwyddiant y llynedd, mae’r tri Gwasanaeth Tân ac Achub a’r pedwar Gwasanaeth Heddlu yn cydweithio eleni eto i addysgu’r cyhoedd ynghylch diogelwch ar y ffyrdd drwy’r ‘Ymgyrch Dewis’.”
Roedd 75% o’r bobl a gymrodd ran yn y cyflwyniadau yn ddynion, ac roedd 65% dros 25 mlwydd oed.
Dywedodd Wayne Tucker, Rheolwr Diogelwch ar y Ffyrdd ar gyfer Heddlu De Cymru;
Bu’r Wythnos Diogelwch ar y Ffyrdd yn llwyddiant mawr yng Nghymru y llynedd. Mae wedi dangos sut y gall addysgu fod yr un mor effeithiol, os nad yn fwy effeithiol, na gorfodaeth.
Gobeithiwn y bydd y gyrwyr a wyliodd y fideo trawiadol yn pasio’r neges ymlaen i’w ffrindiau a’u teulu, sef bod gwisgo gwregys diogelwch yn achub eich bywyd.
Wrth atal y gyrwyr a oedd yn troseddu, nid oedd swyddogion yr heddlu yn synnu wrth glywed yr un hen esgusodion, yn amrywio o “Anghofiais i” i “Dwi’n cael diwrnod gwael!” Wedi’r holl ymgyrchu a chyhoeddusrwydd, does dim esgusodion ar ôl.
Y gwir amdani yw pan fyddwch yn eistedd y tu ôl i olwyn car, rydych yn gyfrifol am arf sy’n gallu lladd. Peidiwch â pheryglu eich diogelwch eich hun, diogelwch eich teithwyr na diogelwch defnyddwyr eraill y ffyrdd.
Dywedodd Sarsiant Martin Wilce, Uned Archwilio Gwrthdrawiadau Heddlu Gwent;
Y llynedd, roedd hi’n galonogol gweld fod bron pob un o’r modurwyr a gafodd eu hatal ac a ddewisodd gwylio’r cyflwyniad wedi newid eu canfyddiad ynghylch pwysigrwydd mesurau diogelwch ar y ffordd syml, fel gwisgo gwregys diogelwch.
Er hynny, mae’n dal yn bryderus fod pobl yn dal i ddewis peryglu eu diogelwch eu hunain pan fyddant y tu ôl i’r olwyn yn ogystal â diogelwch eu teithwyr a diogelwch defnyddwyr eraill y ffyrdd.
23/11/09
Mae modurwyr yn cael eu targedu mewn ymgyrch gyrru diogel sy'n ceisio annog rhieni i yrru'n fwy diogel a dangos esiampl dda i'w plant.
Mae'r ymgyrch 'Er eu lles hwy' yn cynnwys posteri ar gefn bysus yn Abertawe ac mewn cysgodfannau bysus ar draws y ddinas sy'n amlygu'r arferion gwael y mae miloedd o yrwyr yn eu defnyddio bob dydd.
Mae gweithredoedd megis goryrru, anfon negeseuon testun wrth yrru a pheidio â gwisgo gwregys diogelwch yn ffactorau cyffredin o hyd ymysg gyrwyr, er eu bod yn anghyfreithlon.
Mae Tîm Diogelwch Ffyrdd Cyngor Abertawe yn gobeithio atgyfnerthu'r negeseuon diogelwch i fodurwyr trwy amlygu'r ffaith bod plant yn aml yn eistedd mewn cerbydau'n gwylio'r hyn y mae eu rhieni'n ei wneud a'u bod yn debygol o'u copïo yn y dyfodol.
Meddai Jeff Green, Swyddog Diogelwch Ffyrdd y Sir, "Gall plant sy'n eistedd yng nghefn cerbydau weld yn hawdd yr hyn sy'n digwydd pan fo rhieni wrth y llyw. Os gallant weld bod eu rhieni'n goryrru, yn anfon negeseuon testun neu nid ydynt yn gwisgo gwregys diogelwch, efallai y byddant yn credu fod hynny'n iawn.
"Rydym yn gobeithio y bydd yr ymgyrch 'Er eu lles hwy' yn taro deuddeg gyda rhieni a'u gwneud yn fwy ymwybodol o'r hyn y mae eu plant yn sylwi arno a'r hyn y mae'n rhaid iddynt ei wneud i ddangos esiampl dda y tu ôl i'r llyw."
Meddai Wayne Tucker, Rheolwr Diogelwch Ffyrdd Heddlu De Cymru, sy'n cefnogi'r ymgyrch, "Mae'n glir bod rhai pobl yn dal i anwybyddu'r ffaith y gall peidio â gwisgo gwregys diogelwch, defnyddio ffôn symudol wrth yrru neu oryrru eich lladd.
"Rydym yn ymroddedig i leihau marwolaethau ar ein ffyrdd a hoffwn annog pawb i yrru mewn modd cyfrifol a dangos ei bod hi'n hanfodol i rieni ddangos esiampl dda."
3/11/09
Mae plant sy'n defnyddio bysiau i fynd a dod i'r ysgol yn cael cod ymddygiad sy'n caniatáu i brifathrawon gael yr hawl i gosbi plant sy'n camymddwyn. Cafodd disgyblion rybudd y gallen nhw gael eu gwahardd o'r ysgol os nad ydyn nhw'n dilyn y cod fydd yn cychwyn ym mis Ionawr. Y bwriad ydi i wella ymddygiad a gwella diogelwch pobl ifanc sy'n teithio i ysgolion a cholegau.
Mae tad bachgen gafodd ei ladd mewn damwain bws ysgol yn 2002 yn dweud bod hyn yn gam yn y cyfeiriad cywir.
Y Cod Ymddygiad wrth Deithio yw'r cyntaf o'i fath yng Nghymru.
Mae'r cynllun gan Lywodraeth y Cynulliad yn cwmpasu pob dull o deithio, bws, trên, cerdded a beicio sy'n cael ei ddefnyddio gan ddisgyblion 5-19 oed.
Dywedodd y llywodraeth y bydd gan ysgolion ac awdurdodau lleol y grym i gymryd camau yn erbyn pobl ifanc sy'n camymddwyn ar y ffordd i neu o'r ysgol neu goleg.
Fe fydd y cod yn rhan o bolisi ymddygiad presennol pob ysgol gyda phrifathrawon yn gallu cymryd camau yn erbyn disgyblion sydd ddim ar dir yr ysgol.
Bydd ymgyrch yn cychwyn ym mis Ionawr sy'n ceisio annog disgyblion i ymddwyn yn gyfrifol ac i helpu prifathrawon, athrawon, rhieni a chwmnïau teithio i ddeall eu cyfrifoldebau.
"Mae'r pwerau newydd wedi rhoi cyfle i ni lunio cod cynhwysfawr sy'n cwmpasu pob dull o deithio - gan gynnwys y bws, y trên, cerdded a beicio - sy'n cael ei ddefnyddio i fynd i'r ysgol bob wythnos ledled Cymru," meddai Dirprwy Brif Weinidog Cymru a Gweinidog Trafnidiaeth, Ieuan Wyn Jones.
"Rydym wedi llunio'r Cod ar ôl trafod â phlant a phobl ifanc a gwrando ar eu sylwadau, ac mae'r Cod yn adlewyrchu hynny.
"Mae'r Cod yn canolbwyntio ar negeseuon positif ynghylch hawliau, cyfrifoldebau a diogelwch plant a phobl ifanc wrth iddyn nhw deithio rhwng y coleg a'r ysgol a'u cartrefi."
Cafodd Stuart Cunningham-Jones ei ladd mewn damwain bws ysgol pan oedd yn 12 oed ym Mro Morgannwg.
Dywedodd ei dad, David, sydd wedi bod yn ymgyrchu am well diogelwch ers marwolaeth ei fab, ei fod yn croesawu'r cod ond bod angen gwneud llawer iawn mwy o waith.
"Wrth edrych yn ôl i gyfnod y ddamwain, roedd y cyfrifoldeb yn aneglur - doedd neb yn gwybod pwy oedd yn gyfrifol," meddai.
"Fe fydd plant yn fwy ymwybodol o be ddylen nhw wneud, bydd athrawon yn fwy ymwybodol o'u cyfrifoldebau ac felly hefyd y gyrwyr."
Fe wnaeth rheithgor yng nghwest Stuart gofnodi rheithfarn o farwolaeth drwy ddamwain gan gredu bod y ddamwain wedi ei hachosi oherwydd bod rhywun wedi ymyrryd gyda'r llyw.
Roedd y gyrrwr wedi dweud bod plentyn wedi gafael yn yr olwyn eiliadau cyn y ddamwain.
"Hoffwn weld San Steffan yn rhoi'r pwerau i newid y Ddeddf Drafnidiaeth a fydd yn caniatáu'r llywodraeth i osod rheolau fel oed bysiau, gorfodi gwregysau a diddymu'r rheol tri phlentyn i bob sedd ar gyfer dau o bobl," ychwanegodd Mr Cunningham-Jones.
Dywed y cod mai cwmnïau a gyrwyr fydd â'r cyfrifoldeb i ddweud wrth awdurdodau lleol a neu ysgolion am unrhyw achosion o gamymddwyn neu ymddygiad anniogel.
"Rydym yn derbyn y problemau y bydd ymddygiad gwael yn ei gael ar yrwyr bysiau," ychwanegodd Mr Jones.
"Rydym yn credu y bydd y cod, ochr yn ochr â'r hyfforddiant priodol i yrwyr yn cael effaith bositif ar ymddygiad disgyblion, gan wneud teithio yn fwy diogel i bawb."
28/10/09
Mae pedwar disgybl wedi cael eu canmol am helpu i sbarduno Ymgyrch Yn Erbyn Yfed a Gyrru.
Mae myfyrwyr o bedair ysgol Castell-nedd Port Talbot wedi cwrdd  Maer Cyngor Castell-nedd Port Talbot i ddangos eu dyluniadau matiau cwrw sy'n cynnwys negeseuon Ymgyrch Yn Erbyn Yfed a Gyrru yr haf.
Cafodd y dyluniadau buddugol eu troi'n fwy na thri deg mil o fatiau cwrw yn cynnwys negeseuon y pedwar myfyriwr, ac fe'u dosbarthwyd i westai a thafarndai ledled y fwrdeistref sirol gan arddangos y neges amlwg nad yw yfed alcohol a gyrru yn cymysgu, a'i fod yn aml yn arwain at ddamweiniau difrifol.
Cyrhaeddodd Branwen Lewis o Ysgol Gyfun Cwmtawe, Chloe Morgan o Ysgol Gyfun Glan Afan, Hannah Clarke o Ysgol Gyfun Dyffryn, a Mollie Morgan o Ysgol Gyfun Glan Afan y brig, wedi trechu cystadleuaeth gan fwy na 200 o ymgeiswyr.
Dywedodd y Maer Pam Thomas fod y bartneriaeth rhwng TÎm Diogelwch Ffyrdd y sir a myfyrwyr yr ysgolion lleol wedi bod yn llwyddiant ysgubol.
"Roedd safon y ceisiadau yn hynod uchel, a chafodd y beirniaid cryn drafferth wrth ddewis y dyluniadau i'w cynhyrchu," dywedodd. "Rydym yn ddiolchgar iawn i'r disgyblion am eu cymorth yn y fenter a redodd drwy fisoedd yr haf.
"Roedd y dyluniadau yn eithriadol, ond roeddent hefyd yn cario neges bwysig."
Y disgyblion yn y llun o'r chwith i'r dde:
Mollie Marron, Ysgol Gyfun Glan Afan
Chloe Morgan, Ysgol Gyfun Glan Afan
Hannah Clarke, Ysgol Gyfun Dyffryn
Yn methu cwrdd Â'r Maer roedd Branwen Lewis o Ysgol Gyfun Cwmtawe.
Mae staff Corus wedi bod yn helpu TÎm Diogelwch Ffyrdd Cyngor Castell-nedd Port Talbot i gyflwyno neges gyrru'n gyfrifol ac yn ddiogel.
 |
Richard James, Uday Chaturvedi y Rheolwr Gyfarwyddwr, a Roger Maher |
Mae'r cwmni dur wedi bod yn gweithio'n agos gyda'r tÎm i danlinellu pwysigrwydd gwisgo gwregys diogelwch yn y gweithle a'r briffordd gyhoeddus, ac wedi bod yn helpu i bwysleisio'r neges gwrth-yfed a gyrru.
Mae'r berthynas hon wedi helpu'r cwmni ar ei ffordd i ennill Dyfarniad Diogelwch Ffyrdd Cymru am ei fentrau arloesol i wella diogelwch ffyrdd yn y gweithle a'r gymuned.
Gyda thros hanner can mil o gerbydau'n symud ar ei safleoedd bob wythnos, roedd gwrthdrawiadau ac ymddygiad gyrru gwael yn dod yn bryder i'r cwmni sy'n eiddo i Tata, a aeth ati i gysylltu  staff, teuluoedd a ffrindiau'r gwaith i gynyddu ymwybyddiaeth o faterion gyrru.
O ganlyniad i weithio gyda mentrau Pass Plus Cymru a Bikesafe, sy'n cael eu cydlynu gan yr Awdurdod, mae'r nifer o ddigwyddiadau gyrru gwael wedi syrthio, ac mae'r neges yn cyrraedd y gymuned ehangach.
Meddai Arweinydd y Cyngor, Ali Thomas, "Mae'r ymdrech a wneir gan ein diwydiant dur lleol i wella safonau gyrru ar y safle wedi bod yn eithriadol.
"Nid yn unig mae neges diogelwch ffyrdd wedi cyrraedd yr holl staff a chontractwyr, mae wedi lledu ymhellach drwy gynnwys teuluoedd yn Pass Plus Cymru a Bikesafe i feiciau modur, sydd wedi'i adlewyrchu yn y cynnydd mewn safonau gyrru ar heolydd yng Nghastell-nedd Port Talbot a'r awdurdod lleol.
"Mae hwn yn gam cadarnhaol ymlaen mewn buddsoddi mewn diogelwch ffyrdd ac mae angen canmol Corus am ei flaengaredd ac am ennill gwobr yn haeddiannol gan Gyngor Diogelwch Ffyrdd Cymru"
20/10/09Mae gan drigolion ym Mhowys y cyfle yn ddiweddarach y mis hwn i gwrdd â thîm sy’n gweithio’n ddiwyd i sicrhau fod ffyrdd y sir yn ddiogel i bawb.
Bydd Uned Diogelwch ar y Ffyrdd Cyngor Sir Powys mewn archfarchnadoedd yn Aberhonddu, Llandrindod ac Ystradgynlais i ddarparu cyngor diogelwch ar y ffyrdd neu i ateb unrhyw ymholiadau sydd gan drigolion.
Mae’r Uned yn gweithio’n gyson i gyflawni targedau lleol a chenedlaethol er mwyn gostwng damweiniau a marwolaethau ar ffyrdd Powys trwy addysg, hyfforddiant a chyhoeddusrwydd.
Dywedodd y Cyng Gwilym Evans, Aelod o’r Bwrdd gyda chyfrifoldeb dros Ddiogelwch ar y Ffyrdd: “Mae sicrhau fod ein ffyrdd yn ddiogel i bawb yn nod bwysig ac mae ein Huned Diogelwch ar y Ffyrdd yn flaengar gyda nifer o fentrau llwyddiannus na fydd trigolion efallai yn gwybod amdanynt.
“Mae ein sioeau teithiol yn gyfle gwych i gwrdd ag aelodau’r Uned ac arddangos y gwaith hanfodol y byddwn yn ei wneud i leihau nifer y damweiniau a marwolaethau sy’n digwydd ar ein ffyrdd.”
Fel rhan o’u gwaith, mae’r Tîm Diogelwch ar y Ffyrdd yn darparu addysg a/neu hyfforddiant i ddefnyddwyr y ffyrdd, gan gynnwys:
- Diogelwch yn y car – gan gynnwys seddi ceir i blant - Hyfforddiant i gerddwyr sy’n blant - Hyfforddiant seiclo - Cerdded a seiclo i’r ysgol - Addysg ysgol gynradd ac uwchradd - Hyfforddiant cyn bod yn yrrwr - Hyfforddiant i yrwyr ifanc - Hyfforddiant i yrwyr hyn - Asesiadau gyrwyr beic modur
Dywedodd Sarah Morris, Uwch Reolwr Diogelwch ar y Ffyrdd y cyngor: “Nid yn unig y byddwn yn gallu trafod rhai o’r mentrau yr ydym yn cymryd rhan ynddynt, byddwn wrth law i roi cyngor diogelwch i drigolion ar beidio yfed a chymryd cyffuriau wrth yrru, ffonau symudol, gyrru yn ystod y gaeaf, gyrru yn ystod y nos, gwregysau diogelwch, gyrru ar gyfer gwaith, blinder, sylwi ar beryglon, ac unrhyw ymholiadau diogelwch ar y ffyrdd y bydd ganddynt.”
Gall trigolion ymweld ag aelodau’r Uned Diogelwch ar y Ffyrdd yn y lleoliadau canlynol rhwng 10am – 4pm:
Archfarchnad Morrisons, Aberhonddu – Dydd Mercher 28 Hydref
Archfarchnad Somerfield, Llandrindod – Dydd Gwener 30 Hydref
Co-Op, Ystradgynlais – Dydd Mercher 4 Tachwedd
19/10/09
Mae swyddogion diogelwch ffyrdd wedi bod yn targedu myfyrwyr newydd gofrestru mewn colegau yn Abertawe i'w helpu i fod yn yrwyr gwell.
Bu Tîm Diogelwch Ffyrdd Cyngor Abertawe yn dosbarthu copïau o Rheolau'r Ffordd Fawr ac yn cynnig cyngor ar yrru'n ddiogel i gannoedd o yrwyr ifanc yn nigwyddiadau Wythnos y Glas ar draws Abertawe.
Mae'r tîm yn gobeithio y bydd y gwaith yn arwain at leihau nifer y damweiniau ffyrdd yn Abertawe ymhlith pobl ifanc 16 i 25 oed.
Mae'r ffigurau diweddaraf yn dangos gostyngiad cyson yn nifer y damweiniau ffyrdd sy'n cynnwys pobl ifanc rhwng 16 a 25 oed. Y ffigur yn 2006 oedd 410. Mae hyn wedi gostwng i 300 bellach.
Meddai Jeff Green, Swyddog Lleihau Anafiadau Cyngor Abertawe, "Mae digwyddiadau fel Wythnos y Glas yn ddelfrydol ar gyfer cwrdd â gyrwyr ifanc a chynnig cyngor iddynt ynghylch gyrru'n ofalus.
"Rydym ni'n gweld gostyngiad yn nifer y bobl ifanc rhwng 16 a 25 oed sydd wedi bod yn rhan o ddamweiniau ffyrdd. Ein nod yw lleihau'r niferoedd yma ymhellach."
Llwyddodd un myfyriwr ffodus, Tom Bennett o Goleg Gorseinon, i ennill gwerth £100 o dalebau Top Man mewn cystadleuaeth a drefnodd y tîm yn ystod y digwyddiad.
Yn ogystal â myfyrwyr yn cofrestru ar gyrsiau coleg yn ystod yr wythnos, fe'u hanogwyd i gychwyn ar gwrs gyrru diogel Pass Plus Cymru, sy'n rhoi arweiniad pellach i yrwyr ifanc newydd pan fyddant wedi pasio'u prawf gyrru.
Yn Abertawe, mae mwy na 500 o yrwyr ifanc rhwng 17 a 25 oed wedi cwblhau'r cwrs yn y tair blynedd diwethaf.
Bwriad y cwrs, sydd wedi'i gynnal yng Ngorsaf Dân Treforys mewn partneriaeth â swyddogion Gwasanaeth Tân ac Achub Gorllewin a Chanolbarth Cymru ers mis Medi 2006, yw hyrwyddo diogelwch ffyrdd i yrwyr ifanc rhwng dwy ar bymtheg a phump ar hugain oed sydd newydd basio'u prawf, drwy wella gwybodaeth, sgiliau, agwedd a dealltwriaeth wrth ddarparu hyfforddiant ar theori gyrru a gyrru ymarferol. Gall pasio'r cwrs hefyd alluogi gyrwyr ifanc i gael yswiriant rhatach.
Bydd arbenigwyr yn y cyngor yn cynnig cyngor arbenigol yr wythnos nesaf (20 Hydref) i unrhyw un  sedd plentyn yn y car.
Yn ogystal  chyngor, bydd profion diogelwch arbennig ar gael hefyd mewn lleoliadau ledled y fwrdeistref sirol.
Meddai'r Cyng. Ali Thomas, Arweinydd y Cyngor, "Mae'n bwysig bod pobl yn archwilio eu seddau ceir i weld a ydynt wedi'u gosod a'u defnyddio'n gywir."
Ychwanegodd, "Gall seddau plant mewn ceir wella diogelwch plant yn y car yn sylweddol. Ond yn anffodus, mae tua 80% o'r seddau ceir yng Nghastell-nedd Port Talbot wedi'u gosod yn anghywir. Gallai rhieni yn eu hanwybodaeth fod yn peryglu bywyd eu plant.
Byddwn yn annog unrhyw un  diddordeb i ddod i siop Morrisons yng Nghastell-nedd a Phort Talbot a Tesco Pontardawe yr wythnos hon i gael archwiliad am ddim ar eu seddau ceir."
Bydd y profion seddau ceir ar gael o 9am tan 3pm ddydd Mawrth 20 Hydref ym Morrisons Castell-nedd ac ar yr un amserau ddydd Mercher 21 Hydref ym Morrisons Port Talbot a dydd Iau 22 Hydref yn Tesco Pontardawe.
13/10/09
I hyrwyddo’r neges wrth-yfed a gyrru, gwahoddir ysgolion a mudiadau ieuenctid i ddyfeisio, perfformio a recordio cyflwyniad amlgyfrwng byw i rybuddio pobl o beryglon a/neu ganlyniadau yfed a gyrru.
Canllawiau’r gystadleuaeth:
1. Gellir cynnwys hyd at 6 o berfformwyr.
2. Rhaid i aelodau’r tîm fod rhwng 11 a 25 oed.
3. Dylai’r cyflwyniad bara llai na 3 munud, a cheir defnyddio amrywiaeth o gyfryngau, gan gynnwys unrhyw rai o’r rhain:
· Perfformiad cerddorol
· Drama/Sgets
· Barddoniaeth/Araith
· Animeiddiad
· Rhaglen ddogfen
· Comedi
· Dawns
4. Rhaid i’r cyflwyniad gael ei ffilmio a’i gyflwyno ar fideo neu DVD a rhaid darparu manylion cysylltu.
5. Caiff y cyflwyniad ei farnu ar sail y meini prawf hyn (nad ydynt yn nhrefn eu blaenoriaeth):
a. Gwreiddioldeb
b. Neges
c. Perfformiad
d. Effaith
Caiff yr ymgais fuddugol ym mhob Sir wobrau gan eu hawdurdod lleol. Yna, cyflwynir yr ymgais fuddugol i’r Gystadleuaeth Ranbarthol. Caiff enillwyr y Gystadleuaeth Ranbarthol £500 i’r ysgol/mudiad y maent yn ei chynrychioli/ei gynrychioli, a chyflwynir gwobrau i aelodau unigol y tîm. Yn genedlaethol, gwahoddir y pedair ymgais Ranbarthol fuddugol i gael eu gwobr a rhoi’r cyflwyniad adeg lansio ymgyrch Wrth -Yfed a Gyrru Cymru-Gyfan yng Nghaernarfon ddydd Iau 3 Rhagfyr (telir yr holl dreuliau).
Cynhelir y beirniadu ar y gystadleuaeth genedlaethol ddydd Llun 9 Tachwedd
Gall grwpiau sydd â diddordeb gysylltu â’u Swyddog Diogelwch ar y Ffyrdd cliciwch yma
I weld cynigion cystadleuaeth 2008 cliciwch yma
18/9/09
Mae gwobrau blynyddol Diogelwch Ffyrdd Cymru, gyda chefnogaeth Purfa Chevron ym Mhenfro, yn cydnabod arferion da, prosiectau arloesol a chyfraniadau personol i ddiogelwch ar y ffyrdd yng Nghymru.
Caiff Coleg Sir Gâr eu cydnabod am eu rhaglen fodiwlaidd arloesol i yrwyr ifanc, sef rhaglen sy’n fodd i’r rhai sy’n ei dilyn wneud penderfyniadau gwybodus a datblygu’n gyrwyr cymwys a hyderus.
Mae Sandra Howells, Hebryngwraig Croesfan Ysgol yr Enw Sanctaidd yn Abergwaun, wedi cyflawni ei rôl yn ddygn am wyth mlynedd ar hugain. I’r ysgol, ac i Dîm Diogelwch ar y Ffyrdd Sir Benfro, mae hi’n aelod hynod werthfawr o’r staff. Bydd Sandra’n manteisio ar bob cyfle i hyrwyddo’i rôl fel Hebryngwraig Croesfan Ysgol yn y gymuned ac mae’n enghraifft tan gamp o hebryngwraig.
Bydd y Cwnstabl Phil Westbury yn arddangos brwdfrydedd ac ymroddiad heintus mewn mentrau diogelwch ar y ffyrdd sydd wedi’u hanelu at yrwyr ifanc yn rhanbarth Dyfed Powys. Gan ddefnyddio’i wybodaeth leol o’r gronfa ddata am yrwyr ifanc, bydd yn llwyddo i gychwyn a chynorthwyo rhaglenni ymwybyddiaeth i yrwyr ifanc, serch eu bod nhw’n grwp sydd mor anodd eu cyrraedd.
Enwebwyd Katie Benbow gan Dîm Diogelwch ar y Ffyrdd Sir Ddinbych. Yr oedd Katie Benbow’n gyfaill i David Wares, gyrrwr ifanc a laddwyd yn 2008 pan gollodd reolaeth ar y car yr oedd yn ei yrru’n gyflym ac fe’i hysgogwyd i gyfansoddi cân er cof amdano. Erbyn hyn, caiff DVD o’r gân ‘To Day’ ei defnyddio ochr yn ochr â chyflwyniad i ddisgyblion i gynyddu eu hymwybyddiaeth o ganlyniadau gyrru’n rhy gyflym.
Mae Eileen Evans a Tony Armstrong ymhlith gwirfoddolwyr mawr eu parch Kerbcraft yn ardal Wrecsam. Gwnânt lawer mwy na’u dyletswydd ac maent yn glod i’r cynllun. Caiff eu gwaith ei barchu a’i werthfawrogi’n fawr gan ysgolion, a rhoesant gymorth amhrisiadwy i Dîm Diogelwch ar y Ffyrdd Wrecsam.
Mae Corus Strip Products UK wedi cymryd cam effeithiol drwy gyflwyno trefn gaeth sydd wedi’i chynllunio i daclo’r lleiafrif o’u gweithwyr a ddangosai sgiliau ac agweddau gwael wrth yrru. Mae’r cynllun wedi cwtogi cryn dipyn ar ddigwyddiadau anffodus ar eu safleoedd ac yn enghraifft benigamp o gymryd camau i gynyddu diogelwch ar y ffyrdd mewn sefyllfa fasnachol.
Llongyfarchiadau i’r enillwyr, ac fe gyflwynir eu gwobrau iddynt yn ystod Cinio Cynhadledd Diogelwch Ffyrdd Cymru ddydd Llun Medi 28 yng Ngwesty’r Celt yng Nghaernarfon.
Ymgyrch yn erbyn defnyddio ffonau symudol wrth yrru
Beic modur i Helpu Gwneud Ffyrdd Rhanbarth Mwy Diogel 
Ymgyrch Atal Yfed/Cymryd Cyffuriau a Gyrru Cymru Gryfan Haf 2012 ;%22%3E%20%7C%20%3C/a%3E&md5=f72837b44b834a049af9ed4dc24f4796)
;%22%3E%20%7C%20%3C/a%3E&md5=75821600ca9a8f7e01a988d71501bb96)
d
